ԱՌԱԿՆԵՐ 12:10 - Նոր վերանայված Արարատ Աստվածաշունչ

¹⁰ Արդարը գիտի իր անասունի կարիքը, բայց անիրավների ողորմածությունը դաժանություն է։

Նոր Էջմիածին Աստվածաշունչ

¹⁰ Արդարը կարեկցում է իր անասունին, իսկ ամբարիշտների աղիները անողորմ են։

ԱՌԱԿՆԵՐ 12:10 Խաչաձեւ Հղումներ

ԱՌԱԿՆԵՐ 12:9

Լավ է աննշան լինել, բայց ծառա ունենալ, քան թե ինքն իրեն պատվել ու հացի կարոտ լինել։

ԵՍԱՅԻ 36:17

մինչև որ ես գամ և ձեզ տանեմ ձեր երկրի նման մի երկիր՝ ցորենի ու գինու երկիր, հացի ու խաղողի այգիների երկիր։

ՀՈՎՀԱՆՆԵՍ 4:11

Կինը նրան ասաց. «Տե՛ր, դու նույնիսկ դույլ չունես, իսկ ջրհորը խորն է. արդ կենդանի ջուրը որտեղի՞ց ունես։

Ա Կորնթացիներին 9:9

որովհետև Մովսեսի օրենքում գրված է. «Կալում աշխատող եզան դունչը մի՛ կապիր» (Բ Օր. 25.4)։ Մի՞թե Աստված եզների համար էր հոգում։

Բ ՕՐԵՆՔ 25:4

Կալում աշխատող եզան դունչը չկապես։

Ա Հովհաննես 3:17

Ով այս աշխարհի բարիքներն ունենա և իր եղբորը որևէ բանի կարոտ տեսնի ու իր խիղճը նրա առաջ փակի, Աստծու սերը նրա մեջ ինչպե՞ս կարող է ապրել։

ԴԱՏԱՎՈՐՆԵՐ 1:7

Եվ Ադոնիբեզեկն ասաց. «Յոթանասուն թագավոր, որոնց ձեռքերի և ոտքերի մեծ մատները կտրված էին, իմ սեղանի տակ փշրանքներ էին հավաքում։ Ինչպես որ ես արեցի, Աստված էլ ինձ այնպես հատուցում արեց»։ Եվ նրան տարան Երուսաղեմ, ու նա այնտեղ մեռավ։

Ա ԹԱԳԱՎՈՐՆԵՐԻ 11:2

Բայց ամմոնացի Նաասը նրանց ասաց. «Ձեզ հետ դաշինք կկնքեմ այն պայմանով, որ ձեր բոլորի աջ աչքը հանեմ և դրանով նախատինք դնեմ ամբողջ Իսրայելի վրա»։