Ա ՄՆԱՑՈՐԴԱՑ 13:8 - Նոր վերանայված Արարատ Աստվածաշունչ

⁸ Դավիթն ու ամբողջ Իսրայելը իրենց ողջ ուժով պարում էին Աստծու առաջ օրհներգություններով, քնարներով, տավիղներով, թմբուկներով, ծնծղաներով և փողերով։

Նոր Էջմիածին Աստվածաշունչ

⁸ Դավիթն ու բոլոր իսրայելացիները եռանդագին պարում էին Աստծու առջև՝ սաղմոսներ երգելով, տավիղներով, քնարներով, թմբուկներով, ծնծղաներով ու փողերով։

Ա ՄՆԱՑՈՐԴԱՑ 13:8 Խաչաձեւ Հղումներ

ԱՄՈՎՍ 6:5

որ հնարում են անտաղանդ երգեր՝ կարծելով, թե Դավթի նման են հնարում։

ԱՄՈՎՍ 5:23

Քո երգերի աղմուկը հեռացրո՛ւ ինձանից. թող չլսեմ քո տավիղների մեղեդին։

ՍԱՂՄՈՍՆԵՐ 47:5

Աստված բարձրանում է ցնծության օրհնությամբ. Տերը՝ փողի ձայնով։

Ա ՄՆԱՑՈՐԴԱՑ 23:5

չորս հազարը՝ դռնապաններ, և չորս հազարն էլ այն բանի համար, որ օրհնեն Տիրոջն այն գործիքներով, որ ես պատրաստել եմ տվել օրհներգելու համար»։

Ա ՄՆԱՑՈՐԴԱՑ 16:42

Նրանց հետ էին Եմանն ու Իդիթունը՝ փողերով և ծնծղաներով՝ հնչեցնելու համար, և նվագարաններով՝ Աստծուն փառաբանելու համար։ Իսկ Իդիթունի որդիները դռնապաններ էին։

Ա ՄՆԱՑՈՐԴԱՑ 16:5

Գլխավորն էր Ասափը, նրանից հետո երկրորդը՝ Զաքարիան, ապա Հեիելը, Սեմիրամոթը, Հեքիելը, Մատաթիան, Եղիաբը, Բանեան, Աբդեդոմն ու Հեիելը՝ տավիղներով ու քնարներով, և Ասափը՝ ծնծղաներ հնչեցնելով։

Ա ՄՆԱՑՈՐԴԱՑ 15:28

Ամբողջ Իսրայելը տանում էր Տիրոջ ուխտի տապանակը ուրախ աղաղակներով, շեփորի ձայնով, փողերով և հնչուն ծնծղաներով, տավիղներով ու քնարներով։

Դ ԹԱԳԱՎՈՐՆԵՐԻ 3:15

Բայց հիմա մի նվագածո՛ւ բերեք ինձ համար»։ Եվ երբ նվագածուն նվագում էր, Տիրոջ ձեռքն իջավ Եղիսեի վրա։

Ա ԹԱԳԱՎՈՐՆԵՐԻ 10:5

Դրանից հետո կգնաս Աստծու բլուրը, որտեղ փղշտացիների բերդապահ զորքն է, և երբ այնտեղից քաղաք մտնես, կհանդիպես բարձր տեղից քաղաք իջնող մարգարեների մի խմբի, որոնք իրենց առաջ տավիղ, թմբուկ, սրինգ ու քնար կունենան և մարգարեություն կանեն։

Բ ՄՆԱՑՈՐԴԱՑ 5:12

և բոլոր ղևտացի երգիչները՝ Ասափը, Եմանը, Իդիթունը և նրանց որդիներն ու նրանց եղբայրները, բեհեզներ հագած, ծնծղաներով, տավիղներով և քնարներով կանգնած էին զոհասեղանի արևելյան կողմում. նրանց հետ նաև հարյուր քսան քահանաներ, որոնք փողեր էին հնչեցնում։

ՍԱՂՄՈՍՆԵՐ 92:3

Տասը լար ունեցող նվագարանով և սաղմոսարանով՝ քնարի հետ օրհնության ձայնով,

Բ ՄՆԱՑՈՐԴԱՑ 20:28

Նրանք տավիղներով, քնարներով և փողերով մտան Երուսաղեմ՝ Տիրոջ տունը։