Ա ԹԱԳԱՎՈՐՆԵՐԻ 4:17 - Նոր վերանայված Արարատ Աստվածաշունչ

¹⁷ Եվ լրաբերը պատասխանեց ու ասաց. «Իսրայելը փախավ փղշտացիների առջևից, զորքի մեջ էլ մեծ կոտորած եղավ, և քո երկու որդիները՝ Ոփնին և Փենեհեսն էլ սպանվեցին, և Աստծու տապանակն էլ գերի վերցվեց»։

Նոր Էջմիածին Աստվածաշունչ

¹⁷ Պատանին պատասխանեց. «Իսրայելի այրերն այլազգիների առջևից փախան, ժողովուրդը մեծ կոտորածի ենթարկվեց, քո երկու որդիները՝ Օփնին և Փենեեսը, սպանվեցին, իսկ Աստծու տապանակը գերվեց»։

Ա ԹԱԳԱՎՈՐՆԵՐԻ 4:17 Խաչաձեւ Հղումներ

ՍԱՂՄՈՍՆԵՐ 78:61

Գերության մատնեց նրա զորությունը և իր փառքը՝ թշնամիների ձեռքը։

ՍԱՂՄՈՍՆԵՐ 78:64

Նրա քահանաներն ընկան սրով, և նրա որբևայրիները չկարողացան սուգ անել։

Ա ԹԱԳԱՎՈՐՆԵՐԻ 2:34

Եվ թող սա քեզ նշան լինի, որ պիտի գա քո երկու որդիների՝ Ոփնիի և Փենեհեսի վրա. երկուսն էլ պիտի մեռնեն մեկ օրում։

Ա ԹԱԳԱՎՈՐՆԵՐԻ 3:11

Այդ ժամանակ Տերը Սամուելին ասաց. «Ահա ես Իսրայելի մեջ մի այնպիսի բան պիտի անեմ, որ նրան բոլոր լսողների ականջները պիտի զնգան։

Ա ԹԱԳԱՎՈՐՆԵՐԻ 3:12

Այդ օրը Հեղիի նկատմամբ կկատարեմ այն ամենը, ինչ նրա տան մասին ասել եմ. կսկսեմ և կվերջացնեմ։

Ա ԹԱԳԱՎՈՐՆԵՐԻ 4:16

Եվ այն մարդը Հեղիին ասաց. «Ես զորքից եկողն եմ, ես այսօր փախա մարտի դաշտից»։ Եվ Հեղին ասաց. «Ի՞նչ եղավ, որդյա՛կ իմ»։

Ա ԹԱԳԱՎՈՐՆԵՐԻ 4:18

Եվ երբ նա հիշեց Աստծու տապանակը, Հեղին աթոռից մեջքի վրա ցած ընկավ դռան մոտ, և նրա վզի ոսկորը կոտրվեց, ու նա մեռավ, քանի որ ծեր ու ծանրացած մարդ էր. նա քառասուն տարի դատավորություն էր արել Իսրայելում։