Ա ԹԱԳԱՎՈՐՆԵՐԻ 29:2 - Նոր վերանայված Արարատ Աստվածաշունչ

² Փղշտացիների նախարարներն անց էին կենում հարյուրավորներով և հազարավորներով, իսկ Դավիթն ու իր մարդիկ Անքուսի հետ գնում էին նրանց ետևից։

Նոր Էջմիածին Աստվածաշունչ

² Այլազգիների նախարարները հարյուրներով ու հազարներով առաջ էին շարժվում, Դավիթն ու իր մարդիկ էլ գնում էին Անքուսի հետևից։

Ա ԹԱԳԱՎՈՐՆԵՐԻ 29:2 Խաչաձեւ Հղումներ

Ա ՄՆԱՑՈՐԴԱՑ 12:19

Մանասեի ցեղից էլ ոմանք անցան Դավթի կողմը, երբ նա փղշտացիների հետ պատերազմելու գնաց Սավուղի դեմ, սակայն նրանց չօգնեցին, որովհետև փղշտացիների իշխանները խորհրդակցելով ետ ուղարկեցին նրանց՝ ասելով. «Նա մեր գլուխների գնով իր տիրոջ՝ Սավուղի կողմը կանցնի»։

ԹՎԵՐ 10:25

Բոլոր բանակներից հետո մեկնեց Դանի որդիների բանակն իր դրոշակով և իր զորագնդերով։ Նրանց զորագնդի առաջնորդն էր Ամիսադայի որդի Աքիեզերը։

ՀԵՍՈՒ 13:3

Եգիպտոսի դիմացի Սիորից սկսած Ակկարոնի սահմանը հյուսիսում, որ քանանացիներինն է համարվում, փղշտացիների հինգ նախարարությունները, այսինքն՝ գազացիներինը, ազոտացիներինը, ասկաղոնացիներինը, գեթացիներինը և ակկարոնացիներինը, նաև ավացիների նախարարությունը։

Ա ԹԱԳԱՎՈՐՆԵՐԻ 6:4

Նրանք ասացին. «Ո՞րն է հանցանքի այդ ընծան, որ մատուցենք նրան»։ Եվ նրանք ասացին. «Ըստ փղշտացիների նախարարների թվի՝ հինգ ոսկե թանչքի ուռուցքներ և հինգ ոսկե մկներ են. քանզի միևնույն հարվածն էր իջել ձեզ բոլորիդ վրա և ձեր նախարարների վրա։