Ա ԹԱԳԱՎՈՐՆԵՐԻ 18:23 - Նոր վերանայված Արարատ Աստվածաշունչ

²³ Սավուղի ծառաներն այս խոսքերը Դավթի ականջին հասցրին, և Դավիթն ասաց. «Ի՞նչ է, ձեզ փո՞քր բան է թվում թագավորի փեսա դառնալը. չէ՞ որ ես մի աղքատ ու աննշան մարդ եմ»։

Նոր Էջմիածին Աստվածաշունչ

²³ Սավուղի ծառաներն այս խոսքերը Դավթի ականջին հասցրին։ Դավիթն ասաց. «Ձեզ թվում է հե՞շտ բան է արքային փեսա դառնալը։ Ես մի խեղճ ու աննշան մարդ եմ»։

Ա ԹԱԳԱՎՈՐՆԵՐԻ 18:23 Խաչաձեւ Հղումներ

Ա Հովհաննես 3:1

Տեսեք՝ ինչպիսի՜ սեր շնորհեց մեզ Հայրը, որպեսզի Աստծու որդիներ կոչվենք և իսկապես ենք. աշխարհը մեզ նրա համար չի ճանաչում, որ նրան չճանաչեց։

ԱՌԱԿՆԵՐ 14:20

Աղքատն իր հարևանին էլ ատելի է, բայց հարուստին սիրողները շատ են։

ՍԱՂՄՈՍՆԵՐ 119:141

Ես ցածր և անարգված եմ, բայց չեմ մոռանում քո պատվիրանները։

Ա ԹԱԳԱՎՈՐՆԵՐԻ 9:21

Եվ Սավուղը պատասխանեց ու ասաց. «Բայց մի՞թե ես Իսրայելի ցեղերից ամենափոքր ցեղից՝ Բենիամինից չեմ, և իմ ազգատոհմը ամենափոքրը չէ՞ Բենիամինի ցեղի բոլոր ազգատոհմերից. ինչո՞ւ ես ինձ այդպիսի խոսք ասում»։

ԾՆՆԴՈՑ 29:20

Հակոբը յոթ տարի ծառայեց Ռաքելի համար, բայց դրանք նրա աչքին մի քանի օրերի պես էին, որովհետև սիրում էր նրան։

ԾՆՆԴՈՑ 34:12

Խիստ շատ օժիտ ու ընծա՛ սահմանեք, և ես կտամ, ինչպես որ ասեք ինձ, միայն թե աղջկան ինձ կնությա՛ն տվեք»։

Ա ԹԱԳԱՎՈՐՆԵՐԻ 18:18

Եվ Դավիթը Սավուղին ասաց. «Ո՞վ եմ ես, և ի՞նչ է իմ կյանքը, և իմ հոր ազգատոհմը Իսրայելի մեջ, որ թագավորի փեսա դառնամ»։

Ա ԹԱԳԱՎՈՐՆԵՐԻ 18:22

Եվ Սավուղն իր ծառաներին հրամայեց, որ Դավթի հետ ծածուկ խոսեն և ասեն. «Ահա թագավորը հավանել է քեզ, և նրա բոլոր ծառաները սիրում են քեզ. եկ հիմա թագավորին փեսա՛ դարձիր»։

Ա ԹԱԳԱՎՈՐՆԵՐԻ 18:24

Սավուղի ծառաները նրան հաղորդեցին և ասացին, թե Դավիթն այսպես ասաց։

ԱՌԱԿՆԵՐ 29:5

Իր հարևանին շողոքորթող մարդը ցանց է փռում նրա քայլերի համար։