Ա ԹԱԳԱՎՈՐՆԵՐԻ 14:1 - Նոր վերանայված Արարատ Աստվածաշունչ

¹ Մի օր Սավուղի որդի Հովնաթանն իր զինակիր պատանուն ասաց. «Եկ անցնենք փղշտացիների պահապան զորքի մոտ, որ այն կողմում է»։ Բայց իր հորը իմաց չտվեց։

Նոր Էջմիածին Աստվածաշունչ

¹ Մի օր Սավուղի որդի Հովնաթանն իր կապարճակիր պատանուն ասաց. «Ե՛կ անցնենք այլազգիների կիրճից այն կողմ»։ Այդ մասին նա իր հորը իմաց չտվեց։

Ա ԹԱԳԱՎՈՐՆԵՐԻ 14:1 Խաչաձեւ Հղումներ

ՄԻՔԻԱ 7:5

Մի՛ հավատացեք բարեկամին, ընկերոջը մի՛ վստահեք, ծոցդ պառկողից պահի՛ր բերանիդ դռները։

ԴԱՏԱՎՈՐՆԵՐ 14:6

Տիրոջ Հոգին իջավ Սամփսոնի վրա, և նա պատռեց նրան, ինչպես մի ուլ կպատռեն, և ձեռքին մի բան չկար. և իր հորն ու մորը չպատմեց, թե ինչ էր արել։

ԴԱՏԱՎՈՐՆԵՐ 14:9

Նա մեղրն իր ձեռքն առավ և ուտելով գնում էր. գնաց իր հոր ու մոր մոտ և նրանց էլ տվեց, և նրանք կերան, բայց նրանց չասաց, թե մեղրը հանել էր առյուծի դիակից։

ԴԱՏԱՎՈՐՆԵՐ 6:27

Գեդեոնն իր ծառաներից տասը մարդ վերցրեց և արեց այնպես, ինչպես իրեն ասել էր Տերը։ Բայց իր հոր տնեցիներից և քաղաքի մարդկանցից վախենալով ցերեկն անել՝ գիշերն արեց։

Ա ԹԱԳԱՎՈՐՆԵՐԻ 13:2

Սավուղը Իսրայելից երեք հազար մարդ ընտրեց իր համար։ Երկու հազարը Սավուղի հետ Մաքմասում և Բեթելի լեռնային շրջանում էին, հազարը Հովնաթանի հետ Բենիամինի Գաբաայում էին, իսկ մնացած ժողովրդին ուղարկեց, ամեն մեկին՝ իր վրանը։

Ա ԹԱԳԱՎՈՐՆԵՐԻ 13:22

Եվ եղավ այնպես, որ պատերազմի օրը Սավուղի և Հովնաթանի հետ եղած ժողովրդի ձեռքին ո՛չ սուր կար և ո՛չ էլ նիզակ. միայն Սավուղի և նրա որդի Հովնաթանի մոտ կար։

Ա ԹԱԳԱՎՈՐՆԵՐԻ 13:23

Եվ փղշտացիների պահապան զորքը գնաց դեպի Մաքմասի կիրճը։

Ա ԹԱԳԱՎՈՐՆԵՐԻ 14:2

Եվ Սավուղը նստած էր Գաբաայի սահմանագլխին՝ Մագրոնում, նռնենու տակ, և նրա հետ եղած ժողովուրդը վեց հարյուր մարդ էր։

Ա ԹԱԳԱՎՈՐՆԵՐԻ 25:19

Եվ իր ծառաներին ասաց. «Առա՛ջս անցեք, ահա ես գալիս եմ ձեր ետևից». բայց իր ամուսնուն՝ Նաբաղին, չասաց։