ՈՎՍԵԵ 9:12 - Նոր Էջմիածին Աստվածաշունչ

¹² Թեպետև կմեծացնեն իրենց երեխաներին, անզավակ կմնան մարդկանցից, քանի որ վա՜յ նրանց. իմ մարմինը նրանցից է։

Նոր վերանայված Արարատ Աստվածաշունչ

¹² Թեկուզ իրենց որդիներին մեծացնեն, նրանց անզավակ պիտի դարձնեմ, մինչև ոչ մեկը չմնա. որովհետև վա՜յ նրանց, երբ ես իրենցից հեռանամ։

ՈՎՍԵԵ 9:12 Խաչաձեւ Հղումներ

Դ ԹԱԳԱՎՈՐՆԵՐԻ 17:18

Տերն Իսրայելի վրա խիստ բարկացավ, մերժեց նրանց իր ներկայությունից, այնպես որ միայն Հուդայի ցեղը մնաց։

Դ ԹԱԳԱՎՈՐՆԵՐԻ 17:23

Տերն իր երեսը թեքեց Իսրայելից, ինչպես որ մարգարեների միջոցով ասել էր իր բոլոր ծառաներին։ Իսրայելը իր երկրից գերեվարվեց Ասորեստան, որտեղ գտնվում է մինչև այսօր։

ՀՈԲ 27:14

Ու եթե անգամ բազում զավակներ ունենան նրանք, պիտի սպանվեն, իսկ թե պատահի՝ չափահաս դառնան, մուրացկանությամբ պիտի դեգերեն։

ԵՐԵՄԻԱ 15:7

պիտի ցրեմ ու սփռեմ նրանց. իմ ժողովուրդն անզավակ մնաց դռներին, որովհետև նրանց չարության պատճառով ես կորցրի իմ ժողովրդին, քանի որ նրանք չուղղվեցին։

ԵՐԵՄԻԱ 6:8

Պիտի խրատվես, Երուսաղե՛մ։ Թող այնպես չլինի, որ ես բաժանվեմ քեզնից, չլինի, որ քեզ դարձնեմ մի անապատ երկիր, որտեղ ոչ ոք երբեք չի բնակվել»։

ԵՐԵՄԻԱՅԻ ՈՂԲԵՐԸ 2:20

Տե՛ս, ո՛վ Տեր, նայի՛ր՝ ո՞ւմ այսպես ճռաքաղ արեցիր, որ կանայք ուտեն իրենց որովայնի պտուղը, ճռաքաղ արեցիր, ներս տարար, տվեցիր խոհարարներին, որ ներսում՝ Տիրոջ սրբարանի մեջ, մորթեն ծծկեր մանուկներին, քահանային ու մարգարեին։

ԵՐԵՄԻԱՅԻ ՈՂԲԵՐԸ 2:22

Պանդխտությանս օրը, ինչպես տարեկան տոներին, հրավիրեցիր, որ նրանք իմ շուրջը հավաքվեն, բայց ոչ ոք չգտնվեց, որ Տիրոջ ցասման ու բարկության ժամին փրկված կամ կենդանի մնացած լիներ, մինչդեռ իմ բոլոր թշնամիներն ապրեցին ու բազմացան։

ՈՎՍԵԵ 7:13

Վա՜յ նրանց, քանի որ ապստամբեցին իմ դեմ, ողորմելի են, քանի որ ամբարշտություն գործեցին իմ դեմ։ Ես փրկեցի նրանց, իսկ նրանք սուտ խոսքերով բամբասեցին ինձնից։

ՈՎՍԵԵ 9:13

Ինչպես որ տեսա Եփրեմին, որսի դեմ տվեցին իրենց որդիներին, և Եփրեմն սկսեց իր որդիներին խոցոտման հանել։

ՈՎՍԵԵ 9:16

Հիվանդացան Եփրեմի արմատները, չորացան և այլևս պտուղ չեն տա, քանի որ թեպետ և ծնեն, անզավակ կդարձնեմ նրանց որովայնների ցանկալի պտուղները»։

ՄԱՂԱՔԻԱ 2:12

Տերը կկործանի այն մարդուն, որը կանի դա, մինչև որ հալածվի Հակոբի վրաններից և Ամենակալ Տիրոջը զոհեր մատուցողների միջից։

ԹՎԵՐ 14:34

Քառասուն օրերի դիմաց քառասուն տարի պիտի ընդունեք ձեր մեղքերի պատիժը և կճանաչեք իմ բարկության մոլուցքը։

ԹՎԵՐ 26:65

քանի որ Տերը նրանց մասին ասել էր՝ «Անապատում իսպառ պիտի մեռնեն»։ Եվ նրանցից ոչ ոք չմնաց, բացի Հեփոնեի որդի Քաղեբից ու Նավեի որդի Հեսուից։

Բ ՕՐԵՆՔ 28:18

Անիծյալ՝ քո որովայնի ծնունդները, քո երկրի բերքը, քո արջառների նախիրներն ու ոչխարների հոտերը։

Բ ՕՐԵՆՔ 28:32

Քո տղաներն ու աղջիկները օտար ազգի ձեռքը կմատնվեն. դու կկոցած աչքերով կնայես նրանց, և քո ձեռքը չի հասնի նրանց։

Բ ՕՐԵՆՔ 31:17

Այդ օրը սրտմտությամբ պիտի բարկանամ նրանց վրա, պիտի լքեմ նրանց, երեսս պիտի թեքեմ նրանցից, նրանք թշնամիների կեր պիտի դառնան, բազում չարիքներ ու նեղություններ պիտի գտնեն ու այդ օրը պիտի ասեն. “Այս չարիքները մեզ վրա թափվեցին, քանի որ Տերը՝ մեր Աստվածը, մեզ հետ չէ”։

Բ ՕՐԵՆՔ 32:25

Դրսից սուրը թող նրանց անզավակ դարձնի, իսկ ներսից երկյուղը սպանի երիտասարդներին ու կույս աղջիկներին, մանուկներին ու ալևոր ծերերին։

ԴԱՏԱՎՈՐՆԵՐ 4:16

Բարակը, կառքերն ու բանակը հետապնդելով, գնաց մինչև ազգերի անտառը։ Սիսարայի ամբողջ բանակն ընկավ սրի բերանով, և ոչ ոք չմնաց։

Ա ԹԱԳԱՎՈՐՆԵՐԻ 16:14

Տիրոջ հոգին վերացավ Սավուղից, և Տիրոջ կողմից առաքված մի չար ոգի նեղում էր նրան։