ՆԵԵՄԻԱ 13:13 - Նոր Էջմիածին Աստվածաշունչ

¹³ Ես հրամայեցի դրանք տալ Սեղղիմ քահանային, Սադովկ դպրին և ղևտացիներից Փադայիային. նրանց օգնում էր Մաթանիայի որդի Զաքուրի որդի Անանը, որովհետև նրանք վստահելի էին մթերքները բաժանելու և իրենց եղբայրներին տալու գործում։

Նոր վերանայված Արարատ Աստվածաշունչ

¹³ Եվ ես գանձատների վրա գանձապետ նշանակեցի Սեղեմիա քահանային և Սադովկ դպիրին ու ղևտացիներից Փադայիային, իսկ նրանց օգնական՝ Մաթանիայի որդի Զաքուրի որդի Անանին, որովհետև նրանք հավատարիմ էին համարվում, և նրանց գործն էր, որ իրենց եղբայրներին բաժին տան։

ՆԵԵՄԻԱ 13:13 Խաչաձեւ Հղումներ

ՆԵԵՄԻԱ 7:2

Իմ եղբայր Անանին և պալատի իշխան Անանիային, նշանակեցի Երուսաղեմի վրա, որովհետև նա ճշմարիտ այր էր և շատերից ավելի երկյուղած էր Աստծու նկատմամբ։

Դ ԹԱԳԱՎՈՐՆԵՐԻ 22:7

Նրանց տրված արծաթի հաշիվը չէին պահանջում, որովհետև նրանք ազնվորեն էին աշխատում։

Ա Կորնթացիներին 4:2

Արդ, տնտեսներից պահանջվում է այն, որ նրանցից յուրաքանչյուրը հավատարիմ լինի։

Գործք Առաքելոց 6:3

Եղբայրնե՛ր, ընտրե՛ք ձեր միջից բարի համբավ ունեցող, Սուրբ Հոգով և իմաստությամբ լի յոթ մարդու, որոնց կնշանակենք այդ ծառայությունների համար.

Գործք Առաքելոց 6:1

Այն օրերին, երբ աշակերտները բազմացան, հունախոս հրեաները տրտնջացին եբրայախոս հրեաների դեմ, որովհետև իրենց այրիներն ամենօրյա նպաստի բաշխման ժամանակ անտեսվում էին։

ՆԵԵՄԻԱ 12:44

Այդ օրը գանձատան վրա մարդիկ նշանակվեցին գանձերի, բերքի երախայրիքի և տասանորդների համար, որպեսզի քաղաքների դաշտերից այնտեղ հավաքեն քահանաների և ղևտացիների բաժինը, ինչպես հրամայված էր Մովսեսի օրենքով, որովհետև Հուդայի երկրում մեծապես ուրախացել էին քահանաների ու ղևտացիների համար,

Դ ԹԱԳԱՎՈՐՆԵՐԻ 12:15

այլ այդ գումարը գործավորներին պետք է տային, որպեսզի նրանք Տիրոջ տունը նորոգեն։

Ա Տիմոթեոսին 3:10

Նրանք էլ պետք է նախ փորձվեն և ապա, եթե անթերի լինեն, անցնեն ծառայության։

Ա Տիմոթեոսին 1:12

Երախտապարտ եմ նրան, ով զորացրեց ինձ մեր Տեր Քրիստոս Հիսուսով, քանի որ վստահելի համարեց ինձ այս սպասավորությանը կարգելու,

Գործք Առաքելոց 4:35

առաքյալների տրամադրության տակ, նրանք էլ բաշխում էին յուրաքանչյուրին, ում ինչքան պետք էր լինում։

Ղուկաս 12:42

Տերն ասաց. «Ո՞վ է այն հավատարիմ և իմաստուն տնտեսը, որին իր տերը իր ծառաների վրա վերակացու կարգեց ժամանակին հասանելիք վարձը տալու համար։

ՆԵԵՄԻԱ 12:35

Քահանաների որդիներից փողերով գնում էին Ասափի որդի Զաքուրի որդի Միքայի որդի Մաթանիայի որդի Սամայի որդի Հովնանի որդի Զաքարիասը

ՆԵԵՄԻԱ 11:22

Երուսաղեմում ղևտացիների առաջնորդն ու վերակացուն Միքայի որդի Մատթանի որդի Ասաբիայի որդի Բանիի որդի Ոզան էր։ Նա Ասափի ժառանգներից էր, որոնք սաղմոսերգուներ էին Տիրոջ տանը,

ՆԵԵՄԻԱ 10:12

Միքան, Հռովբան, Սեբին,

ՆԵԵՄԻԱ 8:4

Եզրաս քահանան և դպիրը կանգնած էր փայտե բեմի վրա, իսկ նրա կողքին՝ աջ կողմում, կանգնած էին Մատաթիասը, Սամեասը, Անանիասը, Ուրիան, Քեղկիան և Մասիան, իսկ ձախ կողմում՝ Փադիասը, Միսայելը, Մելքիասը, Ասամը, Սաբդանան, Զաքարիան և Մոսոլամը։

ՆԵԵՄԻԱ 3:30

Նրանից հետո նորոգեց Սելեմիայի որդի Անանիան, մեկ այլ հատված էլ՝ Սելեփի որդի Անոնը։ Նրանից հետո ստանձնեց Բարաքայի որդի Մեսոլամը՝ իր գանձատան դիմաց։

ՆԵԵՄԻԱ 10:38

Ցորենի երախայրիքը և ծառերի բերքը, ինչպես նաև գինին ու ձեթը կբերենք քահանաներին՝ Աստծու տան գանձարան։ Ղևտացիներն էլ թող շրջեն և հավաքեն մեր երկրի ողջ տասանորդը։

Դ ԹԱԳԱՎՈՐՆԵՐԻ 12:16

Հաշիվ չէին պահանջում այն մարդկանցից, որոնց ձեռքն էին հանձնում գործավորներին տրվելիք արծաթը, որովհետև նրանք վստահելի էին,