ՆԵԵՄԻԱ 11:30 - Նոր Էջմիածին Աստվածաշունչ

³⁰ Ղաքիսում ու դրա ագարակներում և հաստատվեցին Բերսաբեեի շրջակայքում։

Նոր վերանայված Արարատ Աստվածաշունչ

³⁰ Զանովում, Ոդողոմում և նրանց գյուղերում, Լաքիսում և նրա դաշտերում, Ազեկայում և նրա գյուղերում, և տեղավորվեցին Բերսաբեեից մինչև Ենովմի ձորը։

ՆԵԵՄԻԱ 11:30 Խաչաձեւ Հղումներ

ՀԵՍՈՒ 15:8

Ապա սահմանը բարձրանում է Ենովմի որդիների ձորը Հեբուսի հետևից, հարավային կողմից, այսինքն՝ Երուսաղեմ։ Ապա հասնում է այն լեռան գլուխը, որը ծովակողմից Ենովմի ձորի դիմացն է, և հյուսիսից Ռափայինների երկրի ծայրին է։

ՀԵՍՈՒ 10:3

Երուսաղեմի թագավոր Ադոնիբեզեկը մարդ ուղարկեց Քեբրոնի թագավոր Ելամի, Հերիմութի թագավոր Փերամի, Լաքիսի թագավոր Հեփիեի և Ոդողոմի թագավոր Դաբիրի մոտ ու ասաց.

ՄԻՔԻԱ 1:15

մինչև բերեն քո ժառանգորդներին, ժառանգությամբ Լաքիսի՛ բնակիչ, մինչև Ոդողամ հասնի Սիոնի դստեր փառքը։

ԵՐԵՄԻԱ 32:35

Իրենց աղտեղությունների համար Ենովմացիների ձորում Բահաղին բագիններ կանգնեցրին, որպեսզի իրենց տղաներին ու աղջիկներին զոհ մատուցեն Մողոքին, մի բան, որ ես չէի պատվիրել նրանց, և ոչ էլ մտքովս անցել էր նրանց կատարել տալ այդ պղծությունը՝ Հուդային հանցանքի մեջ գցելու համար»։

ԵՐԵՄԻԱ 19:6

Դրա համար էլ ահա օրեր են գալու,- ասում է Տերը,- երբ այդ վայրի անունն այլևս չի կոչվելու Գլորման վայր կամ Ենովմացիների գերեզման, այլ Կոտորածի ձոր։

ԵՐԵՄԻԱ 19:2

բարձրացի՛ր նրանց որդիների գերեզմանոցը, որը գտնվում է Քարսիդի դռների մուտքի առաջ, և ընթերցի՛ր այնտեղ այն բոլոր բաները, որ պիտի խոսեմ քեզ հետ։

ԵՍԱՅԻ 37:8

Ռափսակը, իմանալով, որ Ասորեստանի արքան հեռացել է Լաքիսից, քանի որ պաշարել է Լեբնան, վերադարձավ ու հասավ Ասորեստանի արքայի մոտ։

ՆԵԵՄԻԱ 3:13

Հեղեղատի դարպասը նորոգեցին Անուն և Զանուի բնակիչները. նրանք շինեցին այն, կանգնեցրին նրա դռները, փականներն ու նիգերը, հազար կանգուն էլ պարսպից շինեցին, մինչև Մոխրի դարպասը։

Դ ԹԱԳԱՎՈՐՆԵՐԻ 23:10

Նա քարուքանդ արեց Ենովմի որդիների ձորում գտնվող Թոփոթը, որպեսզի ոչ ոք իր որդուն կամ դստերը Մեղքոմի բոցի միջով չանցկացնի։

ՀԵՍՈՒ 18:16

Սահմաններն իջնում են Ենովմի որդիների հովտի դիմացի լեռան եզերքը, որ հյուսիսում Ենակի ռափայինների մասն է, և հարավից՝ Հեբուսի հետևից, իջնում են Ենովմի որդիների Գայի բնակավայրը և գնում Ռովգելի աղբյուրը։

ՀԵՍՈՒ 15:39

Ղաքիսը, Բազկաթը, Ագղոնը,

ՀԵՍՈՒ 12:15

Լեբնայի թագավորը, Ոդողոմի թագավորը,

ԾՆՆԴՈՑ 21:14

Աբրահամը առավոտյան վեր կացավ, հաց ու մի տիկ ջուր վերցրեց, տվեց Ագարին, մանկանը դրեց նրա ուսերին և արձակեց նրան։ Հեռանալով՝ Ագարը մոլորված շրջում էր անապատում՝ Երդման ջրհորի [𝕸 Բեեր-Շավա] մոտակայքում։

ԾՆՆԴՈՑ 25:16

Սրանք են Իսմայելի որդիները և նրանց անուններն ըստ իրենց բնակավայրերի և իրենց վրանների, տասներկու իշխաններ՝ ըստ իրենց ցեղերի։

ՆԵԵՄԻԱ 11:31

Բենիամինի որդիները հաստատվեցին Գաբայից մինչև Մաքմաս։