ՆԱՈՒՄ 3:9 - Նոր Էջմիածին Աստվածաշունչ

⁹ Եթովպացիներն ու Եգիպտոսը նրա զորությունն են, և չափ չկա նրա փախչելուն. լիբիացիները եղան նրա օգնականները։

Նոր վերանայված Արարատ Աստվածաշունչ

⁹ Եթովպիան ու Եգիպտոսը նրա անծայր զորություններն էին, փութացիներն ու լիբեացիներն էին նրան օժանդակողները։

ՆԱՈՒՄ 3:9 Խաչաձեւ Հղումներ

ԾՆՆԴՈՑ 10:6

Քամի որդիներն են Քուշը, Մեստրեմը, Փուդն ու Քանանը։

Ա ՄՆԱՑՈՐԴԱՑ 1:8

Քամի որդիները՝ Քուս և Մեստրեմ, Փուդ և Քանան։

Բ ՄՆԱՑՈՐԴԱՑ 12:3

հազար երկու հարյուր մարտակառքերով ու վաթսուն հազար հեծյալներով։ Անթիվ էր Եգիպտոսից նրա հետ եկած բազմությունը՝ լիբիացիներ, տրոգլոդացիներ, եթովպացիներ,

Բ ՄՆԱՑՈՐԴԱՑ 16:8

Մի՞թե եթովպացիներն ու լիբիացիները մեծաթիվ զորք չունեին և համարձակությամբ չհարձակվեցին չափազանց շատ հեծյալներով։ Եվ որովհետև դու ապավինել էիր Տիրոջը, Տերը նրանց քո ձեռքը մատնեց,

ԵՍԱՅԻ 20:5

Պարտության մատնված եգիպտացիները պիտի ամաչեն եթովպացիների պատճառով, որոնց վրա հույս էին դրել, և որոնք նրանց համար փառք էին»։

ԵՐԵՄԻԱ 46:9

Երիվարնե՛ր հեծեք, կառքե՛ր լծեք, ելե՛ք, ո՛վ եթովպացի մարտիկներ և զինավառ լիբիացիներ, վե՛ր կացեք, աղեղներդ լարե՛ք, ո՛վ լյուդացիներ”»։

ԵԶԵԿԻԵԼ 27:10

Լիդացիներն ու լիբիացիներն են եղել քո զորքն ու թիկունքը՝ պատերազմող ընտիր մարդիկ, որոնք իրենց վահաններն ու սաղավարտները քեզ մոտ են կախել, նրանք են փառավորել քեզ։

ԵԶԵԿԻԵԼ 29:7

երբ քեզ վրա էին հենվում, նրանց ձեռքն էիր խրվում, իսկ երբ ամեն ձեռք քեզնից էր բռնվում, երբ քեզ վրա էին հենվում, ջարդվում էիր և նրանց բոլորի մեջքը կոտրում”»։

ԵԶԵԿԻԵԼ 30:5

Պարսիկները, կրետացիները, լիդացիներն ու լիբիացիները, բոլոր խառնիճաղանջ ամբոխները, նաև նրանք, որ այնտեղ են իմ ուխտի որդիներից, սրով են կոտորվելու”։ Ամենակալ Տերն այսպես է ասում.

ԵԶԵԿԻԵԼ 31:2

«Մարդո՛ւ որդի, փարավոնին՝ եգիպտացիների արքային, ու նրա զորքին ասա՛. “Քո ամբարտավանության մեջ քեզ ո՞ւմ հետ համեմատեցիր։

ԵԶԵԿԻԵԼ 38:5

պարսիկներին ու եթովպացիներին, լիբիացիներին ու լիդացիներին, բոլորին, որ սաղավարտակիր են ու վահանավոր,