Մատթեոս 9:24 - Նոր Էջմիածին Աստվածաշունչ

²⁴ ասաց նրանց. «Մի կո՛ղմ քաշվեք, որովհետև այդ աղջիկը մեռած չէ, այլ ննջում է»։ Եվ ծիծաղում էին նրա ասածների վրա։

Նոր վերանայված Արարատ Աստվածաշունչ

²⁴ նրանց ասաց. «Մի կո՛ղմ քաշվեք, որովհետև այդ աղջիկը մեռած չէ, այլ ննջում է»։ Եվ ծաղրում էին նրան։

Մատթեոս 9:24 Խաչաձեւ Հղումներ

ՀՈԲ 12:4

Արդար ու անարատ մի մարդ է ենթարկվել ծաղրանքի։

ԵՍԱՅԻ 49:7

Այսպես է ասում Տերը՝ Իսրայելի Աստվածը, որ փրկեց քեզ. «Սրբացրե՛ք նրան, ով անարգում է իր անձը, ով արհամարհված է ազգերի կողմից և իշխանների ծառաներից, թագավորները պիտի տեսնեն նրան և ոտքի ելնեն, իշխանները պիտի երկրպագեն նրան հանուն Տիրոջ, որովհետև հավատարիմ է Իսրայելի Սուրբը, որն ընտրեց քեզ»։

ԵՍԱՅԻ 53:3

Նրա տեսքն ավելի անարգ էր ու նսեմ, քան բոլոր մարդկանց որդիներինը։ Նա հարվածների ենթակա մի մարդ եղավ, որ ցավերին համբերել գիտի. իր երեսը դարձնելով՝ արհամարհվեց ու բանի տեղ չդրվեց։

Մարկոս 5:40

Սակայն նրանք ծաղրում էին նրան։ Իսկ Հիսուսն ամենքին դուրս հանեց, իր հետ վերցրեց երեխայի հորն ու մորը, ինչպես նաև նրանց, որ իր հետ էին, և մտավ այնտեղ, որտեղ պառկած էր մանուկը։

Ղուկաս 8:53

Նրանք էլ ծաղրում էին նրան, որովհետև գիտեին, որ մեռած է։

ՀՈՎՀԱՆՆԵՍ 11:4

Երբ Հիսուսը լսեց, ասաց. «Այդ հիվանդությունը մահացու չէ, այլ Աստծու փառքի համար է, որպեսզի դրանով Աստծու Որդին փառավորվի»։

Գործք Առաքելոց 20:10

Իջնելով՝ Պողոսն ընկավ նրա վրա, նրան իր գիրկն առավ ու ասաց. «Մի՛ խռովվեք, քանի որ սրա հոգին դեռ վրան է»։

Գործք Առաքելոց 9:40

Պետրոսը, բոլորին դուրս հանելով, ծնրադրեց, աղոթք արեց և աճյունին դառնալով՝ ասաց. «Տաբիթա՛, հանուն Տեր Հիսուս Քրիստոսի վե՛ր կաց»։ Եվ նա բացեց աչքերն ու Պետրոսին տեսնելով՝ ուղիղ նստեց։