Հայտնություն 18:11 - Նոր Էջմիածին Աստվածաշունչ

¹¹ Եվ երկրի վաճառականները պիտի ողբան ու սգան նրա վրա, քանի որ նրանց ապրանքների հակերն այլևս ոչ ոք չի գնի։

Նոր վերանայված Արարատ Աստվածաշունչ

¹¹ Եվ երկրի վաճառականները նրա վրա ողբ և սուգ պիտի անեն, որովհետև այլևս ոչ ոք չի գնելու իրենց ապրանքը՝

Հայտնություն 18:11 Խաչաձեւ Հղումներ

ԱՌԱԿՆԵՐ 3:14

Քանզի այն ավելի թանկ արժե, քան ոսկու և արծաթի գանձերը։

ԵՍԱՅԻ 13:19

Եվ Բաբելոնը, որ քաղդեացի թագավորի կողմից «փառապանծ» է կոչվում, պիտի դառնա այնպես, ինչպես Աստծու կողմից կործանված Սոդոմն ու Գոմորը։

ԵՍԱՅԻ 47:15

դրանք քեզ համար օգնություն պիտի լինեն։ Քո վաստակն այն վաճառականները եղան, որոնց հետ առևտուր արեցիր քո մանկությունից. նրանք բոլորն էլ իրար հետևից մոլորվեցին, և դու փրկություն չունես»։

ԵԶԵԿԻԵԼ 27:9

Բիբլոսի ծերերն ու նրա իմաստունները, որ ապրում էին քո մեջ, նրանք են քեզ զորացրել քո խորհուրդների մեջ։ Ծովի բոլոր նավերն ու դրանց նավավարներն են քեզ առաջնորդել մինչև ծայրագույն արևմուտք։

ՍՈՓՈՆԻԱ 1:11

Ողբացե՛ք, կոտորվածների բնակիչնե՛ր, քանի որ ողջ ժողովուրդը նմանվեց քանանացիներին. կործանվեցին բոլորը, որոնք հպարտացել էին արծաթով։

ՍՈՓՈՆԻԱ 1:18

Նրանց արծաթն ու ոսկին չեն կարողանա նրանց փրկել Տիրոջ բարկության օրը, բայց նրա նախանձախնդրության կրակով կմաշվի համայն երկիրը, որովհետև վախճան ու տագնապ կբերի երկրի բոլոր բնակիչների վրա։

Մատթեոս 22:5

Նրանք անտեսելով հեռացան. մեկը՝ իր ագարակը, մեկը՝ իր առևտրին,

ՀՈՎՀԱՆՆԵՍ 2:16

Իսկ աղավնեվաճառներին ասաց. «Դրանք այստեղից վերցրե՛ք և իմ Հոր տունը վաճառատան մի՛ վերածեք»։

Բ Պետրոս 2:3

Եվ ագահությամբ, մտացածին խոսքերով ձեզ պիտի շահագործեն. բայց նրանց դատապարտությունն սկզբից իսկ հայտնի է, և նրանց կործանումը չպիտի ուշանա։

Հայտնություն 18:15

Եվ այս բոլորով հարստացած բոլոր վաճառականները քո տանջանքների երկյուղի պատճառով քեզնից հեռու կանգնելով՝ լալով ու սուգ անելով պիտի ասեն.

Հայտնություն 18:20

Երկի՛նք, սո՛ւրբ առաքյալներ և մարգարենե՛ր, ուրախացե՛ք դրա վրա, քանի որ Աստված դրա հանդեպ ձեր դատաստանը տեսավ»։

Հայտնություն 18:23

արհեստավորներ ու վարպետներ այլևս չպիտի գտնվեն քո մեջ, երկանքի, փեսայի ու հարսի ձայն այլևս երբեք չպիտի լսվի քո մեջ, ճրագի լույսն այլևս երբեք չպիտի փայլի քո մեջ, քանզի քո վաճառականները, որոնք երկրի փառավորներն ու մեծամեծներն էին և որոնք զվարճանում էին քո մեջ, բոլոր ազգերին մոլորեցրին քո թունավոր կախարդությամբ։

Հայտնություն 18:3

քանի որ նրա կատաղի պոռնկության գինուց հարբեցին բոլոր ազգերը և երկրի թագավորները, որոնք պոռնկացան նրա հետ։ Եվ երկրի վաճառականները հարստացան նրա անչափ զեխությունից»։

Հայտնություն 18:9

Եվ նրա վրա պիտի լան ու ողբան երկրի թագավորները, որոնք պոռնկացան և զվարճացան նրա հետ. նրանք պիտի հեծեծեն, երբ տեսնեն նրանից ելնող հուրն ու ծուխը.