ՀՈՎՀԱՆՆԵՍ 4:19 - Նոր Էջմիածին Աստվածաշունչ

¹⁹ Կինը նրան ասաց. «Տե՛ր, ինձ թվում է, թե դու մարգարե ես։

Նոր վերանայված Արարատ Աստվածաշունչ

¹⁹ Կինը նրան ասաց. «Տե՛ր, տեսնում եմ, որ դու մարգարե ես։

ՀՈՎՀԱՆՆԵՍ 4:19 Խաչաձեւ Հղումներ

ՀՈՎՀԱՆՆԵՍ 6:14

Իսկ մարդիկ, երբ տեսան այն նշանները, որ նա արեց, ասացին. «Սա է ճշմարիտ մարգարեն, որ աշխարհ էր գալու»։

Ղուկաս 7:39

Իսկ փարիսեցին, որ նրան հրավիրել էր, տեսնելով այդ, իր մտքում ասում էր. «Եթե սա մարգարե լիներ, ապա կիմանար, թե ո՛վ կամ ինչպիսի՛ կին է մոտենում իրեն, որովհետև նա մեղավոր է»։

ՀՈՎՀԱՆՆԵՍ 9:17

Կույրին դարձյալ ասացին. «Իսկ դու ինչ ես ասում նրա մասին, քանի որ նա քո աչքերը բացեց»։ Նա ասաց՝ մարգարե է։

Ղուկաս 7:16

Ահը պատեց բոլորին. փառավորում էին Աստծուն և ասում. «Մի մեծ մարգարե է հայտնվել մեր մեջ», և «Աստված բարությամբ այցելել է իր ժողովրդին»։

ՀՈՎՀԱՆՆԵՍ 7:40

Ժողովրդից ոմանք, երբ լսում էին այս խոսքերը, ասում էին՝ «Սա՛ է ճշմարիտ մարգարեն».

Մատթեոս 21:11

Ժողովրդի բազմությունն ասում էր. «Սա Հիսուս մարգարեն է, Գալիլեայի Նազարեթ քաղաքից»։

Ղուկաս 24:19

Եվ նրանց հարցրեց՝ ի՞նչ։ Եվ նրանք պատասխանեցին. «Հիսուս Նազովրեցու հետ պատահածի մասին, որ մարգարե էր, հզոր՝ թե՛ գործերով և թե՛ խոսքերով, Աստծու և ամբողջ ժողովրդի առաջ,

Դ ԹԱԳԱՎՈՐՆԵՐԻ 6:12

Ծառաներից մեկն ասաց. «Ո՛չ ոք, տե՛ր իմ արքա, Իսրայելում գտնվող Եղիսեե մարգարեն է Իսրայելի արքային հայտնում նույնիսկ այն բոլոր խոսքերը, որ դու քո ննջասենյակում ես խոսում»։

Դ ԹԱԳԱՎՈՐՆԵՐԻ 5:26

Եղիսեեն նրան ասաց. «Մի՞թե իմ սիրտը քեզ հետ չէր, երբ այդ մարդն իր մարտակառքից իջավ քեզ դիմավորելու։ Արդարև, արծաթ ու հագուստներ վերցրիր՝ ձիթենիներ ու այգիներ, արջառ ու ոչխար գնելու և ծառաներ ու աղախիններ ունենալու համար։

ՀՈՎՀԱՆՆԵՍ 4:29

«Եկե՛ք, տեսե՛ք մի մարդու, որ ինձ ասաց այն բոլորը, ինչ արել եմ. արդյոք նա՞ է Քրիստոսը»։

Բ ՕՐԵՆՔ 18:15

Քո եղբայրների միջից Տերը՝ քո Աստվածը, ինձ նման մարգարե պիտի մեջտեղ հանի, նրա՛ն կլսեք,

ՀՈՎՀԱՆՆԵՍ 4:18

որովհետև հինգ մարդ ես փոխել, և նա, որին այժմ ունես, քո ամուսինը չէ. այդ ճիշտ ասացիր»։