ՀՈՎՀԱՆՆԵՍ 3:36 - Նոր Էջմիածին Աստվածաշունչ

³⁶ Ով հավատում է Որդուն, ընդունում է հավիտենական կյանքը, իսկ ով չի հնազանդվում Որդուն, կյանք չի տեսնի, այլ նրա վրա կմնա Աստծու բարկությունը»։

Նոր վերանայված Արարատ Աստվածաշունչ

³⁶ Որդուն հավատացողը հավիտենական կյանք ունի, իսկ Որդուն չհնազանդվողը կյանք չի տեսնի, այլ Աստծու բարկությունը կմնա նրա վրա»։

ՀՈՎՀԱՆՆԵՍ 3:36 Խաչաձեւ Հղումներ

ՀՈՎՀԱՆՆԵՍ 5:24

Ճշմարիտ, ճշմարիտ եմ ասում ձեզ՝ ով իմ խոսքը լսում է ու հավատում ինձ ուղարկողին, ընդունում է հավիտենական կյանքը և չի դատապարտվում, այլ մահվանից կյանքի է անցնում։

ՀՈՎՀԱՆՆԵՍ 1:12

Իսկ ովքեր նրան ընդունեցին, նրանց իշխանություն տվեց Աստծու որդիները լինելու, նրանց, ովքեր իր անվանը կհավատան։

Ա Թեսաղոնիկեցիներին 5:9

որովհետև Աստված մեզ չսահմանեց բարկության համար, այլ փրկության ձեռք բերման՝ մեր Տեր Հիսուս Քրիստոսի միջոցով,

Եփեսացիներին 5:6

Ոչ ոք թող ձեզ դատարկ խոսքերով չխաբի, որովհետև այս բաների համար է Աստծու բարկությունը գալիս անհնազանդ մարդկանց վրա։

Հռոմեացիներին 5:9

Այժմ, երբ արդարացված ենք իր արյունով, որչա՜փ առավել նրանով փրկված կլինենք բարկությունից։

ՀՈՎՀԱՆՆԵՍ 8:51

Ճշմարիտ, ճշմարիտ եմ ասում ձեզ. եթե մեկն իմ խոսքը պահի, մահ չի տեսնի հավիտյան»։

ՀՈՎՀԱՆՆԵՍ 10:28

Արդ, ես նրանց հավիտենական կյանք կտամ, և նրանք հավիտյան չեն կորչի, ու ոչ ոք նրանց իմ ձեռքից չի հափշտակի։

ՀՈՎՀԱՆՆԵՍ 3:3

Հիսուսը պատասխանեց և ասաց նրան. «Ճշմարիտ, ճշմարիտ եմ ասում քեզ, եթե մեկը վերստին չծնվի, չի կարող Աստծու արքայությունը տեսնել»։

Հայտնություն 21:8

Իսկ ծույլերի ու անհավատների, ոճրագործների և պոռնիկների, կախարդների ու կռապաշտների, հմայողներին և բոլոր ստախոս ամբարիշտների բաժինը ծծմբով ու հրով այրվող լճի մեջ է, որ երկրորդ մահն է»։

Ա Թեսաղոնիկեցիներին 1:10

և երկնքից սպասելու նրա Որդուն, որին նա հարություն տվեց մեռելներից, Հիսուսին, որ փրկելու է մեզ գալիք բարկությունից։

ԹՎԵՐ 32:11

“Եգիպտոսից դուրս եկած քսան տարեկան և ավելի մեծ տարիք ունեցող տղամարդիկ, որոնք գիտեն չարն ու բարին, թող չտեսնեն այն երկիրը, որ երդվեցի տալ Աբրահամին, Իսահակին ու Հակոբին, քանի որ ինձ չհետևեցին,

Գաղատացիներին 3:10

Իսկ նրանք, ովքեր Օրենքից բխող գործերին են ապավինում, անեծքի տակ են, որովհետև գրված է. «Անիծյալ լինի ամեն մարդ, որ չի պահում և գործադրում այն ամենը, ինչ գրված է Օրենքի Գրքում» (հմմտ. Բ Օր. 27.26)։

Հռոմեացիներին 8:1

Եթե այդպես է, ուրեմն ոչ մի դատապարտություն չկա նրանց համար, ովքեր Քրիստոս Հիսուսի մեջ են.

Ղուկաս 3:6

և ամեն մարդ տեսնի Աստծու փրկությունը» (Ես. 40.3-5)։

ՍԱՂՄՈՍՆԵՐ 49:19

Բերանդ չարություն էր բազմացնում, Եվ լեզուդ՝ նենգություն նյութում։

ՍԱՂՄՈՍՆԵՐ 36:9

Քանզի նրանք շուտով կսատակեն, Իսկ Տիրոջն սպասողները կժառանգեն երկիրը։

Եբրայեցիներին 10:29

Իսկ որչա՜փ ավելի խիստ պատժի արժանի պիտի համարեք նրան, ով ոտնահարել է Աստծու Որդուն և անմաքուր համարել նոր ուխտի արյունը, որով մաքրվել է ինքը և անարգել շնորհի Հոգին։

Եբրայեցիներին 2:3

մենք ինչպե՞ս պիտի ազատվենք, եթե անտարբեր գտնվենք այնպիսի փրկության հանդեպ, որ նախ հռչակվեց Տիրոջ կողմից և ապա հաստատվեց մեզ համար նրանց միջոցով, ովքեր լսել էին այն։

ԱՄԲԱԿՈՒՄ 2:4

Եվ եթե մեկը երկմտի, իմ անձը նրան չի հավանի, քանի որ իմ արդարն իմ հավատքով է ապրելու»։

ՍԱՂՄՈՍՆԵՐ 2:12

Ընդունե՛ք նրա խրատը, Որպեսզի Տերը չբարկանա, Եվ դուք չկորչեք արդարության ճանապարհներից։ Այնժամ, երբ նրա բարկությունը բորբոքվի,

ՀՈԲ 33:28

Փրկեց հոգիս, որպեսզի այն ապականության մեջ չմտնի, և որպեսզի կյանքս լույսը տեսնի”։

Հռոմեացիներին 4:15

Քանի որ Օրենքը բարկություն է առաջ բերում։ Բայց որտեղ Օրենք չկա, օրինազանցություն էլ չկա։

Ղուկաս 2:30

որովհետև աչքերս տեսան քո փրկությունը,

Մատթեոս 25:46

Նրանք կգնան դեպի հավիտենական տանջանք, իսկ արդարները՝ հավիտենական կյանք»։

Մարկոս 16:16

Ով հավատա և մկրտվի, կփրկվի, իսկ ով չհավատա, կդատապարտվի։

ՀՈՎՀԱՆՆԵՍ 4:36

Ով հնձում է, վարձ է ստանում ու հավիտենական կյանքի համար պտուղ է կուտակում, որպեսզի սերմանողն ու հնձողը հավասարապես ցնծան։

ՀՈՎՀԱՆՆԵՍ 6:58

Այս է երկնքից իջած հացը. ոչ այնպես, ինչպես մանանան, որը ձեր հայրերը կերան և մեռան. այլ ով այս հացն ուտում է, կապրի հավիտյան»։

Գործք Առաքելոց 14:2

Բայց չհավատացող հրեաները հեթանոսների մտքերը ևս չարացրին եղբայրների դեմ։

Եբրայեցիներին 3:18

Ո՞ւմ երդվեց, որ չպիտի մտնեն իր հանգստի մեջ, եթե ոչ՝ անհնազանդներին։

Եբրայեցիներին 3:19

Եվ տեսնում ենք, որ նրանք չկարողացան մտնել իրենց անհավատության պատճառով։