ՀՈՎՀԱՆՆԵՍ 15:20 - Նոր Էջմիածին Աստվածաշունչ

²⁰ Հիշե՛ք այն խոսքը, որ ես ձեզ ասացի՝ “Ծառան ավելի մեծ չէ, քան իր տերը”. եթե ինձ հալածեցին, ապա ձեզ էլ կհալածեն, եթե իմ խոսքը պահեցին, ապա ձերն էլ կպահեն։

Նոր վերանայված Արարատ Աստվածաշունչ

²⁰ Հիշե՛ք այն խոսքը, որ ես ձեզ ասացի. "Ծառան ավելի մեծ չէ, քան իր տերը"։ Եթե ինձ հալածեցին, ձեզ նույնպես հալածելու են. եթե իմ խոսքը պահեցին, ձերն էլ կպահեն։

ՀՈՎՀԱՆՆԵՍ 15:20 Խաչաձեւ Հղումներ

ԵԶԵԿԻԵԼ 3:7

Սակայն Իսրայելի տունը չի կամենալու քեզ լսել, որովհետև չի կամենում ինձ լսել, քանի որ Իսրայելի ողջ տունը կամակոր ու խստասիրտ է։

Մատթեոս 10:24

Աշակերտն առավել չէ ուսուցչից, ոչ էլ ծառան՝ իր տիրոջից։

Մարկոս 10:39

Նրանք ասացին. «Կարող ենք»։ Հիսուսը նրանց ասաց. «Բաժակը, որ ես խմելու եմ, կխմեք, և մկրտությամբ, որով ես մկրտվելու եմ, կմկրտվեք,

Ղուկաս 2:34

Սիմեոնը նրանց օրհնեց և ասաց նրա մորը՝ Մարիամին. «Ահա սա է, որ պատճառ է դառնալու Իսրայելի մեջ շատերի անկման ու բարձրացման և նշան՝ հակառակության։

Ղուկաս 6:40

Աշակերտն իր վարդապետից մեծ չէ. իսկ ով հասնի կատարելության, իր վարդապետի պես կլինի։

ՀՈՎՀԱՆՆԵՍ 10:31

Հրեաները դարձյալ քարեր վերցրին, որ նրան քարկոծեն։

ՀՈՎՀԱՆՆԵՍ 11:57

Քահանայապետներն ու փարիսեցիները հրահանգել էին, որ եթե մեկն իմանա նրա տեղը, հայտնի, որպեսզի նրան ձերբակալեն։

ՀՈՎՀԱՆՆԵՍ 13:16

Ճշմարիտ, ճշմարիտ եմ ասում ձեզ, ծառան ավելի մեծ չէ, քան իր տերը, և ոչ էլ ուղարկվածը՝ ավելի մեծ, քան նա, ով ուղարկեց նրան։

ՀՈՎՀԱՆՆԵՍ 5:16

Հրեաները Հիսուսին հալածում էին նրա համար, որ շաբաթ օրով էր անում այդ։

ՀՈՎՀԱՆՆԵՍ 7:32

Փարիսեցիները լսեցին նրա մասին ժողովրդի մեջ եղած քրթմնջյունները, և քահանայապետներն ու փարիսեցիները սպասավորներ ուղարկեցին, որպեսզի բռնեն նրան։

ՀՈՎՀԱՆՆԵՍ 8:51

Ճշմարիտ, ճշմարիտ եմ ասում ձեզ. եթե մեկն իմ խոսքը պահի, մահ չի տեսնի հավիտյան»։

ՀՈՎՀԱՆՆԵՍ 8:52

Հրեաները նրան ասացին. «Այժմ իմացանք, որ քո մեջ դև կա։ Աբրահամը մեռավ, նաև մարգարեները, իսկ դու ասում ես՝ “Ով իմ խոսքը պահի, հավիտյան մահ չի ճաշակի”։

ՀՈՎՀԱՆՆԵՍ 8:59

Նրանք քարեր վերցրին, որ նետեն նրա վրա, բայց Հիսուսը խույս տվեց և տաճարից ելավ գնաց։

Գործք Առաքելոց 14:22

աշակերտածների սրտերը ամրացնելով և հորդորելով, որ հաստատուն մնան հավատի մեջ։ Եվ ասում էին. «Բազում նեղություններ կրելո՛վ մենք պետք է մտնենք Աստծու արքայությունը»։

Ա Կորնթացիներին 4:12

և մեր ձեռքերով ենք վաստակում։ Նախատում են մեզ, օրհնում ենք, հալածում են, դիմանում ենք,

Բ Կորնթացիներին 4:9

հալածված ենք, բայց լքված չենք, չարչարված ենք, բայց կործանված չենք։

Ա Թեսաղոնիկեցիներին 2:15

որոնք սպանեցին Տեր Հիսուսին ու մարգարեներին, հալածեցին նաև մեզ և Աստծու աչքից ընկան ու բոլոր մարդկանց թշնամի դարձան։

Բ Տիմոթեոսին 3:12

Եվ բոլոր նրանք, ովքեր ուզում են աստվածապաշտությամբ ապրել Քրիստոս Հիսուսով, կլինեն հալածանքների մեջ։

Ա ԹԱԳԱՎՈՐՆԵՐԻ 8:7

և Տերն ասաց Սամուելին. «Լսի՛ր ժողովրդի ձայնը, ինչ էլ որ ասեն քեզ։ Նրանք ոչ թե քե՛զ անարգեցին, այլ չուզեցին, որ ե՛ս թագավորեմ իրենց վրա։