ՀՈՎՀԱՆՆԵՍ 13:23 - Նոր Էջմիածին Աստվածաշունչ

²³ Եվ աշակերտներից մեկը, որին Հիսուսը սիրում էր, նստել էր նրա մոտ։

Նոր վերանայված Արարատ Աստվածաշունչ

²³ Եվ աշակերտներից մեկը, որին Հիսուսը սիրում էր, նրա կողքին էր նստած։

ՀՈՎՀԱՆՆԵՍ 13:23 Խաչաձեւ Հղումներ

Բ ԹԱԳԱՎՈՐՆԵՐԻ 12:3

իսկ աղքատը ոչինչ չուներ, բացի մի փոքրիկ էգ գառնուկից, որը ձեռք էր բերել, խնամում ու պահում էր։ Գառնուկը մեծացավ նրա ու նրա որդիների հետ։ Նա ուտում էր նրա հացից, նրա բաժակից խմում, նրա ծոցում էր քնում. կարծես նրա դուստրն էր։

Գ ԹԱԳԱՎՈՐՆԵՐԻ 4:5

Նաթանի որդի Ազարիան՝ գործավարների վերակացու, Նաթանի որդի Զաբութը՝ քահանա և արքայի խորհրդատու,

Ղուկաս 16:22

Երբ աղքատը մեռավ, հրեշտակները նրան տարան Աբրահամի գոգը. մեծահարուստն էլ մեռավ և թաղվեց։

ՀՈՎՀԱՆՆԵՍ 1:18

Աստծուն ոչ ոք երբեք չի տեսել, բացի միածին Որդուց, որ Հոր ծոցում է. նա նրա մասին մեզ հայտնեց։

ՀՈՎՀԱՆՆԵՍ 11:3

Նրա քույրերը Հիսուսի մոտ մարդ ուղարկեցին ու ասացին. «Տե՛ր, ահավասիկ նա, ում սիրում էիր, հիվանդացել է»։

ՀՈՎՀԱՆՆԵՍ 11:36

Հրեաներն ասացին. «Տեսե՛ք՝ ինչքան էր սիրում նրան»։

ՀՈՎՀԱՆՆԵՍ 11:5

Հիսուսը սիրում էր Մարթային, նրա քրոջը և Ղազարոսին։

ՀՈՎՀԱՆՆԵՍ 13:24

Սիմոն Պետրոսը նրան նշան արեց՝ հարցնելով, թե այդ ո՛ւմ մասին է ասում։

ՀՈՎՀԱՆՆԵՍ 13:25

Եվ նա, Հիսուսի կրծքին ընկնելով, հարցրեց նրան. «Տե՛ր, ո՞վ է»։

ՀՈՎՀԱՆՆԵՍ 19:26

Երբ Հիսուսը տեսավ մորն ու նրան մոտ կանգնած սիրելի աշակերտին, մորն ասաց. «Ո՛վ կին, ահա քո որդին»։

ՀՈՎՀԱՆՆԵՍ 20:2

Անմիջապես վազեց եկավ Սիմոն Պետրոսի և այն մյուս աշակերտի մոտ, որին սիրում էր Հիսուսը, ու նրանց ասաց. «Տիրոջը վերցրել են գերեզմանից, և չգիտենք, թե ո՛ւր են դրել նրան»։

ՀՈՎՀԱՆՆԵՍ 21:20

Պետրոսը շրջվեց ու տեսավ, որ այն աշակերտը, որին Հիսուսը սիրում էր, գալիս է իրենց հետևից. նա, որ ընկել էր նրա կրծքովն ու ասել. «Տե՛ր, ո՞վ է, որ մատնելու է քեզ»։

ՀՈՎՀԱՆՆԵՍ 21:24

Այդ աշակերտն է, որ վկայում է այս բաների մասին, որն էլ գրեց դրանք, և գիտենք, որ նրա վկայությունը ճշմարիտ է։

ՀՈՎՀԱՆՆԵՍ 21:7

Այն աշակերտը, որին սիրում էր Հիսուսը, Պետրոսին ասաց. «Տերն է»։ Սիմոն Պետրոսը, լսելով, որ Տերն է, հագուստը վրան գցեց, քանի որ մերկ էր, և իրեն ծովի մեջ նետեց։