ՀՈՎՀԱՆՆԵՍ 1:17 - Նոր Էջմիածին Աստվածաշունչ

¹⁷ որովհետև օրենքը Մովսեսի միջոցով տրվեց, իսկ շնորհը և ճշմարտությունը Հիսուս Քրիստոսի միջոցով եղան։

Նոր վերանայված Արարատ Աստվածաշունչ

¹⁷ որովհետև օրենքը Մովսեսի միջոցով տրվեց, իսկ շնորհն ու ճշմարտությունը Հիսուս Քրիստոսի միջոցով եղան։

ՀՈՎՀԱՆՆԵՍ 1:17 Խաչաձեւ Հղումներ

Հռոմեացիներին 6:14

Որպեսզի մեղքը ձեզ վրա չիշխի, որովհետև Օրենքի տակ չեք, այլ շնորհի։

ՀՈՎՀԱՆՆԵՍ 14:6

Հիսուսը նրան ասաց. «Ես եմ Ճանապարհը, Ճշմարտությունը և Կյանքը։ Ոչ ոք չի գա Հոր մոտ, եթե ոչ ինձանով։

ՀՈՎՀԱՆՆԵՍ 1:14

Եվ Բանը մարմին դարձավ ու բնակվեց մեր մեջ, և տեսանք նրա փառքը. փառք, որ Հայրն է տալիս Միածնին՝ լի շնորհով ու ճշմարտությամբ։

Եբրայեցիներին 9:22

Եվ գրեթե ամեն ինչ արյունով էր մաքրվում՝ ըստ Օրենքի, և առանց արյուն թափելու թողություն չէր լինում։

ՀՈՎՀԱՆՆԵՍ 8:32

Եվ կճանաչեք ճշմարտությունն, ու այն կազատի ձեզ»։

ՀՈՎՀԱՆՆԵՍ 7:19

Օրենքը ձեզ Մովսեսը չտվե՞ց, բայց ձեզնից ոչ ոք Օրենքը չի կատարում։ Ինչո՞ւ եք ուզում ինձ սպանել»։

Գործք Առաքելոց 28:23

Որոշակի օրվա համար Պողոսի հետ ժամադրվելուց հետո, նրա բնակարանը եկան բազում մարդիկ, որոնց, առավոտից մինչև երեկո վկայելով, պատմում էր Աստծու արքայությունից և նրանց համոզում Հիսուսի մասին՝ ըստ Մովսեսի օրենքի և մարգարեների։

ԾՆՆԴՈՑ 22:18

քո սերնդով կօրհնվեն երկրի բոլոր ազգերը, որովհետև անսացիր իմ ձայնին»։

Գաղատացիներին 3:17

Ահա՛ թե ինչ եմ ուզում ասել. Աստծու կողմից նախապես հաստատված կտակը՝ Օրենքը, որ դրանից չորս հարյուր երեսուն տարի հետո դրվեց, չի կարող անվավեր դարձնել՝ ջնջելով խոստումը։

Բ ՕՐԵՆՔ 5:1

Մովսեսը կանչեց Իսրայելի բոլոր որդիներին և ասաց նրանց. «Լսի՛ր, Իսրայե՛լ, այն օրենքներն ու կանոնները, որ ես այսօր հաղորդելու եմ քեզ։ Սովորե՛ք և հետևե՛ք, որ կիրառեք դրանք։

Գործք Առաքելոց 7:38

Ա՛յս Մովսեսն է, որ անապատում ժողովրդի և այն հրեշտակի միջև էր, որ Սինա լեռան վրա խոսեց նրա և մեր հայրերի հետ. նա՛ էր, որ կենարար պատգամներ ընդունեց՝ մեզ տալու համար։

ՀՈՎՀԱՆՆԵՍ 5:45

Մի՛ կարծեք, թե ես Հոր մոտ ձեզ պիտի ամբաստանեմ։ Կա մեկը, որ իբրև ամբաստանող կկանգնի ձեր դեմ՝ Մովսե՛սը, որի վրա դուք հույս եք դրել։

ԾՆՆԴՈՑ 3:15

Թշնամություն պիտի դնեմ քո և կնոջ միջև, ինչպես նաև քո զավակի ու նրա զավակի միջև։ Նա պիտի ջախջախի քո գլուխը, իսկ դու պիտի խայթես նրա գարշապարը»։

Բ Կորնթացիներին 1:20

Որովհետև Քրիստոսն Աստծու այդչափ խոստումների այո-ն է։ Դրա համար էլ նրանով է, որ ասում ենք «Ամեն»՝ Աստծու փառքի համար։

ՀՈՎՀԱՆՆԵՍ 9:29

Մենք գիտենք, որ Աստված Մովսեսի հետ խոսեց. իսկ սրան չգիտենք, թե որտեղի՛ց է»։

ՄԻՔԻԱ 7:20

Ճշմարտություն կտա Հակոբին, ողորմություն՝ Աբրահամին, ինչպես երդվեց մեր հայրերին հին օրերում։

ՍԱՂՄՈՍՆԵՐ 98:3

Գոհություն մատուցենք քո մեծ անվանը, Որովհետև ահավոր և սուրբ է։

ՍԱՂՄՈՍՆԵՐ 85:10

Մեծ ես դու, Տե՛ր, և սքանչելիքներ ես գործում, Եվ միայն դո՛ւ ես Աստված։

Բ ՕՐԵՆՔ 33:4

Եվ ընդունեց նրա խոսքերից օրենքներ, որոնք մեզ հաղորդեց Մովսեսը՝ իբրև հոգևոր ժառանգություն Հակոբի ցեղերին։

Բ ՕՐԵՆՔ 4:44

Սա է այն օրենքը, որ Մովսեսը դրեց Իսրայելի որդիների առաջ։

ՀՈՎՀԱՆՆԵՍ 18:37

Պիղատոսը նրան ասաց. «Եթե այդպես է, ուրեմն դու թագավո՞ր ես»։ Հիսուսը նրան պատասխանեց. «Դու ես ասում, որ թագավոր եմ, բայց ես դրա համար իսկ ծնվել ու աշխարհ եմ եկել, որպեսզի վկայեմ ճշմարտության մասին։ Ամեն մարդ, որ ճշմարտությունից է, իմ ձայնը լսում է»։