ՀՈԲ 9:8 - Նոր Էջմիածին Աստվածաշունչ

⁸ Նա միայնակ տարածել է երկինքը և ծովի վրա այնպես է շրջում, ինչպես ցամաքի։

Նոր վերանայված Արարատ Աստվածաշունչ

⁸ Որ միայնակ երկինքն է տարածում, ու ծովի բարձր ալիքների վրա է գնում,

ՀՈԲ 9:8 Խաչաձեւ Հղումներ

ԵՍԱՅԻ 44:24

Տերը, որ փրկեց քեզ, ստեղծեց քեզ որովայնից, այսպես է ասում. «Ես եմ Տերը, որ անում, կատարում եմ ամեն ինչ, միայնակ տարածեցի երկինքը և հաստատեցի երկիրը։

ԵՍԱՅԻ 40:22

Նա է, որ տիրում է երկրի շրջածիրին, և բնակիչները նրան մորեխի չափ են երևում։ Նա է կանգնեցրել երկինքը կամարի պես, ձգել վրանի պես և հիմնել երկիրը՝ նրա մեջ բնակվելու համար։

ԶԱՔԱՐԻԱ 12:1

Տիրոջ խոսքի հայտնությունն Իսրայելին։ Ասաց Տերը, որ տարածեց երկինքն ու գցեց երկրի հիմքերը և ստեղծում է մարդու հոգին նրա մեջ.

ՀՈԲ 37:18

Կարո՞ղ ես նրա հետ մինչև ամպերը հասնել, եղյամի նման զորացնել դրանք։

ԵՐԵՄԻԱ 10:11

Այսպես կասեք նրանց. «Այն աստվածները, որոնք երկինքն ու երկիրը չեն ստեղծել, կորչելու են երկրից և այս երկնքի տակից»։

ՍԱՂՄՈՍՆԵՐ 33:6

Մոտեցե՛ք Տիրոջը և առե՛ք լույսը, Եվ ձեր երեսը թող չամաչի։

ՀՈՎՀԱՆՆԵՍ 6:19

Շուրջ քսանհինգ կամ երեսուն ասպարեզ թիավարելուց հետո տեսան ծովի վրայով քայլող Հիսուսին, որ մոտեցել էր նավակին, և սաստիկ վախեցան։

ԵՍԱՅԻ 42:5

Այսպես է ասում Տերը՝ Աստված, որ ստեղծեց երկինքը և կանգնեցրեց այն, հաստատեց երկիրն ու ամեն բան, ինչ կա նրա վրա, շունչ տվեց այնտեղ գտնվող մարդկանց, հոգի՝ բոլոր նրանց, ովքեր ոտք են դնում երկրի վրա.

ՀՈԲ 38:16

Հասա՞ր ծովի ակունքին, շրջեցի՞ր հետքերն անդունդների։

ՀՈԲ 38:11

և ասացի. «Մինչև այդ վայրը կգաս ու առաջ չես անցնի. այդտեղ՝ քո մեջ կխորտակվեն ալիքները քո»։

ՍԱՂՄՈՍՆԵՐ 77:19

Տրտնջացին Աստծուց և ասացին. «Մի՞թե կարող է Աստված սեղան պատրաստել անապատի մեջ։

ԾՆՆԴՈՑ 1:1

ՍԿԶԲՈՒՄ Աստված ստեղծեց երկինքն ու երկիրը։

ՀՈԲ 26:7

Ոչնչի շուրջը փռեց հյուսիսը, երկիրը կախեց ոչնչի վրա։

ՀՈԲ 26:13

Սարսել են նրանից երկնքի փականքները. իր հրամանով սպանել է ապստամբ վիշապին։

ԵՍԱՅԻ 51:13

Դու մոռացար Աստծուն՝ քո Արարչին, որ ստեղծեց երկինքը և հաստատեց երկիրը, դու միշտ՝ ամեն օր, վախենում էիր քեզ նեղողի բարկությունից՝ մտածելով, թե նա կբնաջնջի քեզ։ Բայց ո՞ւր է քեզ նեղողի բարկությունը։

ԵՐԵՄԻԱ 10:12

Տերն է, որ իր զորությամբ ստեղծեց երկիրը, իր իմաստությամբ հաստատեց տիեզերքը և իր հանճարով տարածեց երկինքը։

ԵՐԵՄԻԱ 51:15

Նա իր զորությամբ ստեղծեց երկիրը, իր իմաստությամբ հիմնեց տիեզերքը, իր հանճարով տարածեց երկինքը,

Ա ՄՆԱՑՈՐԴԱՑ 16:26

Քանի որ ազգերի բոլոր աստվածները կուռքեր են, իսկ Աստված երկինքն է արարչագործել։