ՀՈԲ 36:7 - Նոր Էջմիածին Աստվածաշունչ

⁷ Իր աչքը չի կտրի արդարից, և ով որ իր առաջ լինի, թագավորների հետ գահին է բազմելու. նրանց հաղթական է դարձնելու և բարձրացնելու։

Նոր վերանայված Արարատ Աստվածաշունչ

⁷ Նա իր աչքերն արդարից ետ չի քաշի, այլ թագավորների հետ, նրանց աթոռի վրա էլ կդնի, և նրանք հավիտյան կբարձրանան։

ՀՈԲ 36:7 Խաչաձեւ Հղումներ

ԾՆՆԴՈՑ 23:6

«Լսի՛ր մեզ, տե՛ր։ Դու մեզ համար Աստծու կողմից ուղարկված իշխան ես։ Քո ննջեցյալին թաղի՛ր մեր լավագույն գերեզմաններից մեկում, որովհետև մեզնից ոչ մեկը չի հրաժարվի քեզ շիրիմի համար տեղ տրամադրելուց»։

ԾՆՆԴՈՑ 41:40

Դու կլինես իմ տան կառավարիչը, և քո հրամանին կհնազանդվի իմ ողջ ժողովուրդը։ Ես քեզնից բարձր կլինեմ միայն իմ գահով»։

Բ ՄՆԱՑՈՐԴԱՑ 16:9

քանի որ Տիրոջ աչքերը նայում են ամբողջ երկրին՝ զորացնելու բոլոր նրանց, որոնց սրտերն ուղիղ են իր հանդեպ։ Արդ, քանի որ դու այդ բանն անտեսեցիր, սրանից հետո պատերազմներ ես ունենալու»։

ՀՈԲ 1:3

Նա ուներ յոթ հազար ոչխար ու այծ, երեք հազար ուղտ, հինգ հարյուր լուծ եզ և դաշտում արածող հինգ հարյուր մատակ էշ. ուներ նաև բազմաթիվ ծառաներ։ Նա երկրի վրա մեծամեծ գործեր էր անում, ազնվագույնն էր արևելաբնակներից։

ՀՈԲ 22:29

որովհետև ինքդ քեզ խոնարհ պահած կլինես ու կասես, թե ամբարտավանություն ես արել։ Կապրեցնի նրանց, ում աչքերը խոնարհ են.

ՀՈԲ 31:4

Ինքը չէ՞ միթե, որ պարզ տեսնում է իմ ճանապարհը ու հաշվի առնում քայլերս բոլոր։

ՀՈԲ 4:7

Արդյոք հիշո՞ւմ ես մի արդարի, որ կորել է, կամ էլ մի ճշմարիտ մարդու, որ վերացել է։

ՀՈԲ 42:12

Տերը Հոբի կյանքի վերջին շրջանն ավելի օրհնեց, քան առաջին շրջանը. նրա հոտի մեջ եղան տասնչորս հազար ոչխար ու այծ, վեց հազար ուղտ, հազար լուծ եզ, հազար մատակ էշ։

ՀՈԲ 5:11

որ բարձրացնում է խոնարհներին և ոտքի է կանգնեցնում կորուսյալներին,

ՍԱՂՄՈՍՆԵՐ 33:16

Տիրոջ աչքն արդարների վրա է, Նրա ականջները՝ նրանց աղոթքներին։

ՍԱՂՄՈՍՆԵՐ 33:18

Տիրոջն աղոթեցին արդարները, և Տերը լսեց նրանց. Իրենց բոլոր նեղություններից փրկեց նրանց։

ՍԱՂՄՈՍՆԵՐ 34:15

Հավաքվեցին և ուրախացան ինձ վրա, Շուրջս տանջանքներ կուտակվեցին, Բայց ես չհասկացա, Ցրվեցին, բայց չզղջացին։

ՍԱՂՄՈՍՆԵՐ 34:16

Փորձեցին ինձ և արհամարհեցին, Իրենց ատամներն արհամարհանքով կրճտացրին իմ դեմ։

ՍԱՂՄՈՍՆԵՐ 41:12

Արդ ինչո՞ւ ես տրտում, հոգի՛ իմ, Կամ ինչո՞ւ ես ինձ խռովեցնում. հուսա՛ Աստծուն, Խոստովանի՛ր նրան, քանի որ իմ երեսի փրկիչ Աստվածն է։

ԵՍԱՅԻ 22:23

Նրան իշխան պիտի կարգեմ հաստատուն մի տեղ, և թող նա բազմի իր հոր տան փառքի աթոռին։

ՍՈՓՈՆԻԱ 3:17

Տերը՝ Աստված, հզորը, քո մեջ է և կփրկի քեզ, ուրախություն կբերի քեզ վրա, կնորոգի քեզ իր սիրով և կուրախանա քեզնով զվարթությամբ, ինչպես տոնի օրը։

Բ Թեսաղոնիկեցիներին 3:3

Բայց Տերը հավատարիմ է. նա կզորացնի ձեզ ու կպահի չարից։

Ա Պետրոս 3:12

որովհետև Տիրոջ աչքն արդարների վրա է, նրա ականջները՝ բաց նրանց աղոթքին, բայց Տիրոջ երեսը չարագործների դեմ է (Սաղ. 33(34).12-16)։

Ա ԹԱԳԱՎՈՐՆԵՐԻ 2:8

Գետնից բարձրացնում է տնանկին, աղքատին հանում աղբանոցից, որ նրանց նստեցնի ժողովրդի իշխանների հետ ու փառքի գահին բազմեցնի նրանց։