ՀՈԲ 10:7 - Նոր Էջմիածին Աստվածաշունչ

⁷ Գիտես, որ երբեք չեմ ամբարշտացել, բայց ո՞վ ինձ կազատի քո ձեռքից։

Նոր վերանայված Արարատ Աստվածաշունչ

⁷ Դու գիտես, որ հանցավոր չեմ, բայց քո ձեռքից ազատող չկա։

ՀՈԲ 10:7 Խաչաձեւ Հղումներ

Բ ՕՐԵՆՔ 32:39

Տեսե՛ք, տեսե՛ք, որ ես եմ միայն, և ինձանից բացի ուրիշը չկա։ Ես եմ սպանում և ես եմ փրկում, ես եմ հարվածում և ես եմ բժշկում։ Չկա մեկը, որ կարողանա փրկել իմ ձեռքից։

Ա Թեսաղոնիկեցիներին 2:10

Դուք ինքներդ վկա եք, վկա է նաև Աստված, թե ինչպիսի մաքրությամբ, արդարությամբ և անթերի ձևով վերաբերվեցինք ձեզ՝ հավատացյալներիդ։

Բ Կորնթացիներին 1:12

Արդարև, մեր պարծանքն այս է՝ մեր խղճմտանքի վկայությունը, որ աշխարհում, իսկ առավել ևս ձեզ հետ շարժվեցինք սրբությամբ ու անկեղծությամբ, ոչ թե մարդկային իմաստությամբ, այլ Աստծու շնորհով։

ՀՈՎՀԱՆՆԵՍ 21:17

Երրորդ անգամ հարցրեց. «Սիմո՛ն, որդի՛ Հովնանի, սիրո՞ւմ ես ինձ»։ Պետրոսը տխրեց, որ երրորդ անգամ հարցրեց իրեն, թե՝ սիրո՞ւմ ես ինձ։ Ու նրան պատասխանեց. «Տե՛ր, դու ամեն ինչ գիտես. դու ինքդ ճանաչում ես բոլորին և գիտես, թե սիրում եմ քեզ»։ Հիսուսը նրան ասաց. «Արածեցրո՛ւ իմ ոչխարներին։

ՈՎՍԵԵ 2:10

Եվ նա չիմացավ, որ ե՛ս տվեցի նրան ցորենը, գինին ու ձեթը և արծաթ բազմացրի նրա համար, բայց նա արծաթեղեն պատրաստեց ու ոսկեղեն ավելացրեց Բահաղի համար։

ՍԱՂՄՈՍՆԵՐ 17:3

Տերն իմ հաստատիչն է, Իմ ապավենն ու իմ փրկիչը։ Աստված իմ օգնականն է, Եվ ես հույսս նրա վրա եմ դրել. Իմ ապավենն է, Իմ փրկության եղջյուրն ու ինձ ընդունողը։

ՍԱՂՄՈՍՆԵՐ 7:3

Գուցե և առյուծի նման հափշտակեն անձն իմ, Ու չգտնվի մեկը, որ փրկի ինձ և պահպանի։

ՍԱՂՄՈՍՆԵՐ 1:6

Որովհետև Տերը ճանաչում է Արդարների ճանապարհը, Մինչդեռ ամբարիշտների ճանապարհները կկորչեն։

ՀՈԲ 42:7

Տերը Հոբին այս բաները ասելուց հետո դարձավ Եղիփազ Թեմնացուն. «Մեղանչեցիր դու, նաև քո երկու բարեկամները, քանի որ իմ առաջ ճշմարիտ բան չասացիք, ինչպես իմ ծառա Հոբը։

ՀՈԲ 31:35

երնե՜կ Տիրոջ ձեռքը հատուցեր ինձ, կամ եթե մեկից առած մուրհակը,

ՀՈԲ 31:14

ի՞նչ եմ անելու, եթե Տերը հարցուփորձ անի ինձ, կամ ի՞նչ պատասխան եմ տալու, եթե դատ անի։

ՀՈԲ 31:6

բայց կշռվել եմ արդար կշեռքով, և Տերը գիտի իմ անմեղությունը,

ՀՈԲ 23:10

քանի որ ինքը գիտի իմ ճանապարհը, քննել-կշռել է ոսկու պես։

ՀԵՍՈՒ 22:22

«Աստված, Աստված է Տերը և Աստված, Աստված ինքը գիտի, և Իսրայելն ինքն էլ թող իմանա. եթե ապստամբելով հանցանք գործեցինք Տիրոջ դեմ, թող մեզ այսօր չփրկի։

ՀՈԲ 9:12

Եթե ոչնչացնի, ո՞վ հետ կպահի նրան, կամ ո՞վ նրան կասի՝ ի՞նչ արեցիր։

ՀՈԲ 9:21

Իսկ եթե հոգով ամբարշտացել եմ, չգիտեմ. գիտեմ միայն, որ կյանքս խլում են ինձանից։

ՀՈԲ 9:22

Դրա համար եմ ասել. “Բարկությունը կործանում է մեծին ու հզորին”։

ՀՈԲ 10:15

Եթե ամբարշտանամ, օ՜, վա՜յ ինձ. իսկ եթե արդար իսկ լինեմ, չեմ կարող հայացքս բարձրացնել, քանի որ մեջս անարգանք կա լեցուն։

ՀՈԲ 11:4

Մի՛ ասա. «Գործերովս մաքուր ու անարատ եմ Տիրոջ առաջ»։

ՀՈԲ 13:18

Մոտ եմ ահա իմ դատաստանին. գիտեմ, արդար եմ երևալու։

ՀՈԲ 27:22

և շպրտի նրան ու չխնայի։ Փախչելով պիտի փախչի խորշակից։

ՀՈԲ 32:1

Նրա երեք բարեկամներն էլ լռեցին ու այնուհետև չխոսեցին Հոբի դեմ, որովհետև Հոբն արդար էր նրանց աչքին։

ՀՈԲ 33:9

Ասացիր. “Մաքուր եմ ու չեմ մեղանչել, անարատ եմ, որովհետև անօրենություն չեմ արել։

ՀՈԲ 40:8

Մի կողմ մի՛ նետիր իմ դատաստանը ու մի՛ մտածիր, թե ես քեզ այլ հայտնություն չեմ տվել, քան այն, որ դու արդար լինես։

ՀՈԲ 23:11

Կըմբռնեմ նրա պատվիրանները, կընթանամ նրա ճանապարհներով ու էլ չեմ շեղվի։

ԵՍԱՅԻ 43:13

ի սկզբանե և միշտ. չկա մեկը, որ իմ ձեռքից կարողանա ազատվել. ինչ որ ես անեմ, ոչ ոք չի կարող հակառակն անել»։

ՈՎՍԵԵ 5:14

Քանզի ես որպես հովազ եմ Եփրեմի համար և որպես առյուծ՝ Հուդայի տան համար, կհարձակվեմ ու կհափշտակեմ նրանց, կառնեմ նրանց, և ոչ ոք չի լինի, որ փրկի։