ՀԵՍՈՒ 8:4 - Նոր Էջմիածին Աստվածաշունչ

⁴ Պատվիրեց նրանց՝ ասելով. «Տեսե՛ք, դուք դարանամուտ պիտի լինեք քաղաքի հետևի կողմից։ Քաղաքից շատ մի՛ հեռացեք, և ամենքդ պատրա՛ստ եղեք։

Նոր վերանայված Արարատ Աստվածաշունչ

⁴ Եվ նրանց պատվիրեց՝ ասելով. «Տեսե՛ք, դուք քաղաքի ետևի կողմից դարանամուտ պիտի լինեք այդ քաղաքի համար։ Քաղաքից շատ մի՛ հեռացեք, և ամենքդ պատրա՛ստ եղեք։

ՀԵՍՈՒ 8:4 Խաչաձեւ Հղումներ

ԴԱՏԱՎՈՐՆԵՐ 20:29

Իսրայելի որդիները դարանակալներ դրեցին Գաբաայի շուրջը։

Գործք Առաքելոց 23:21

Արդ, դու նրանց չլսես, քանի որ նրանցից ավելի քան քառասուն մարդ դարան են մտել և երդվել են, որ ո՛չ ուտեն և ո՛չ էլ խմեն, մինչև չսպանեն Պողոսին։ Այժմ պատրաստ՝ քո հրամանին են սպասում»։

ԺՈՂՈՎՈՂ 9:16

Արդ, ես ինքս ինձ ասացի. «Իմաստությունը լավ է ուժից, բայց արհամարհված է աղքատի իմաստությունը և չլսված՝ նրա խոսքերը»։

ԺՈՂՈՎՈՂ 7:19

Իմաստությունն ավելի շատ է օգնում իմաստունին, քան քաղաքում գտնվող տասը իշխան։

Ա ԹԱԳԱՎՈՐՆԵՐԻ 15:5

Սավուղը եկավ մինչև Ամաղեկի քաղաքները, և բանակը դարանամուտ եղավ հեղեղատում։

Ա ԹԱԳԱՎՈՐՆԵՐԻ 15:2

Այսպես է ասում Զորությունների Տերը. “Հիմա Իսրայելի դեմ Ամաղեկի արածների համար վրեժ եմ լուծելու։ Ինչո՞ւ փակեց Իսրայելի ճանապարհը Եգիպտոսից ելքի ժամանակ։

ԴԱՏԱՎՈՐՆԵՐ 20:36

Բենիամինի որդիները տեսան, որ պարտության են մատնված։ Իսրայելացիները նահանջեցին, որովհետև հույսները դրել էին Գաբաայի շրջակայքում եղած դարանամուտների վրա։

ԴԱՏԱՎՈՐՆԵՐ 20:33

Եվ Իսրայելի բոլոր որդիները վեր կացան իրենց տեղից և վերադասավորվեցին Բաալթամարում։ Իսրայելի դարանակալները կռվում էին իրենց տեղից՝ Գաբաայի արևմտյան կողմից։

ԴԱՏԱՎՈՐՆԵՐ 9:25

Սյուքեմի բնակիչները նրա համար դարան պատրաստեցին լեռների կատարներին և կողոպտում էին բոլորին, ովքեր անցնում էին նրանց մոտի ճանապարհով։ Լուրը հասավ Աբիմելեքին։

ՀԵՍՈՒ 8:16

Գայիի թագավորը երկրի ամբողջ ժողովրդին ստիպեց, որ հետապնդեն նրանց, և նրանք հետապնդելով գնացին Իսրայելի որդիների հետևից ու հեռացան քաղաքից։

ՀԵՍՈՒ 8:3

Հեսուն և ամբողջ պատերազմող ժողովուրդը վեր կացան, որ գնան Գայիի վրա։ Հեսուն երեսուն հազար զորավոր այրեր ընտրեց և նրանց ուղարկեց գիշերով։

Դ ԹԱԳԱՎՈՐՆԵՐԻ 7:12

Արքան գիշերով ելավ և ասաց իր ծառաներին. «Հիմա ասեմ ձեզ, թե ասորիները մեզ ինչ են արել։ Գիտենալով, որ սոված ենք, ելել են բանակատեղիից և թաքնվել բաց դաշտում՝ մտածելով, որ թերևս քաղաքից դուրս կգանք, մեզ կենդանի կբռնեն և կմտնեն քաղաքը»։

Բ ՄՆԱՑՈՐԴԱՑ 13:13

Հերոբովամը դարանակալներ էր դրել, որ Աբիայի զորքի հետևն անցնեն։ Ինքը կանգնեց Հուդայի մարդկանց առաջ, իսկ դարանակալներն անցան նրանց թիկունքը։

ԴԱՏԱՎՈՐՆԵՐ 9:32

Հիմա դու և քեզ հետ եղող զորքը գիշերը վե՛ր կացեք և դարանամո՛ւտ եղեք դաշտում։