ՀԵՍՈՒ 7:1 - Նոր Էջմիածին Աստվածաշունչ

¹ Բայց Իսրայելի որդիները հանցանք գործեցին և գողացան նզովված բաներից։ Հուդայի ցեղից Աքարը, որը որդին էր Քարմիի, նա՝ որդին Զամբրիի, իսկ նա՝ որդին Զարայի, վերցրեց նզովված բաներից, և Տերը սաստիկ բարկացավ Իսրայելի որդիների վրա։

Նոր վերանայված Արարատ Աստվածաշունչ

¹ Բայց Իսրայելի որդիները հանցանք գործեցին նզովքի պատճառով, որովհետև Հուդայի ցեղից Զարայի որդի Զաբդիի որդի Քարմիի որդի Աքարը առավ նզովված բաներից. և Տիրոջ բարկությունը բորբոքվեց Իսրայելի որդիների վրա։

ՀԵՍՈՒ 7:1 Խաչաձեւ Հղումներ

ԾՆՆԴՈՑ 34:27

Հակոբի մյուս որդիները հարձակվեցին վիրավորների վրա և կողոպտեցին այն քաղաքը, որտեղ պատվազրկել էին իրենց քրոջը՝ Դինային։

Բ ԹԱԳԱՎՈՐՆԵՐԻ 24:1

Տիրոջ բարկությունը դարձյալ բորբոքվեց Իսրայելի վրա։ Նա Դավթին գրգռեց նրանց դեմ՝ ասելով. «Գնա հաշվառո՛ւմ կատարիր Իսրայելում և Հուդայի երկրում»։

Դ ԹԱԳԱՎՈՐՆԵՐԻ 5:24

Երբ մի մութ տեղ հասան, նա բեռն առավ նրանց ձեռքից ու տան մեջ դրեց, իսկ այդ մարդկանց ճանապարհ դրեց։ Նրանք վերադարձան։

Ա ՄՆԱՑՈՐԴԱՑ 21:7

Այս ամբողջ կատարվածը չար երևաց Տիրոջ աչքին, և նա հարվածեց Իսրայելին։

Բ ՄՆԱՑՈՐԴԱՑ 24:18

Նրանք լքեցին Տիրոջը՝ իրենց հայրերի Աստծուն, և ծառայեցին պաշտամունքային քարե սյուներին և Աստարտի կուռքերին։ Այդ ժամանակ Աստծու բարկությունն իջավ Հուդայի ու Երուսաղեմի վրա։

ԵԶՐԱՍ 9:6

ու ասացի. «Տե՛ր, իմ Աստվա՛ծ, ամաչում և զարհուրում եմ քեզանից, բարձրացրո՛ւ, Տե՛ր, իմ Աստվա՛ծ, իմ երեսը դեպի քեզ, որովհետև մեր անօրենությունները մեր գլուխներից էլ վեր բարձրացան, իսկ մեր մեղքերը մեծացան և մինչև երկինք հասան։

ՀՈԲ 35:8

Ամբարշտությունդ՝ քեզ նման մարդկանց, արդարությունդ էլ մարդու որդիների համար օգուտ չունեն։

ԺՈՂՈՎՈՂ 9:18

Իմաստությունը լավ է պատերազմի սարքերից, իսկ մեկ մեղավորը շատ բարիքներ կարող է կորստյան մատնել։

ՂԵՎՏԱԿԱՆ 10:6

Եվ Մովսեսն ասաց Ահարոնին ու նրա մյուս որդիներին՝ Եղիազարին ու Իթամարին. «Ձեր գլուխները մի՛ բացեք և ձեր հանդերձները մի՛ պատառոտեք, որպեսզի չմահանաք, և ժողովրդի վրա բարկություն չիջնի։ Տիրոջ կողմից այրվածների համար թող ողբան ձեր եղբայրները և Իսրայելի ողջ տունը։

ՀՈՎՆԱՆ 1:7

Եվ յուրաքանչյուրն ասաց իր ընկերոջը. «Եկե՛ք վիճակ գցենք և իմանանք, թե ո՛ւմ պատճառով են այս չարիքները մեր դեմ»։ Վիճակ գցեցին, և վիճակը ելավ Հովնանին։

ՀԵՍՈՒ 22:16

«Տիրոջ ամբողջ ժողովուրդն այսպես է ասում. “Այդ ի՞նչ հանցանք գործեցիք Տիրոջ՝ Իսրայելի Աստծու դեմ՝ խոտորվելով Տիրոջից, ձեզ համար զոհասեղան շինելով և Տիրոջ՝ մեր Աստծու դեմ ապստամբելով։

ՀԵՍՈՒ 22:18

Դուք էլ այսօր խոտորվեցիք Տիրոջից։ Եթե դուք այսօր ապստամբեք Տիրոջ դեմ, վաղը բարկություն կթափվի ամբողջ Իսրայելի վրա։

ՀԵՍՈՒ 22:20

Չէ՞ որ Զարայի շառավիղ Աքարը հանցանք գործեց՝ նզովված իրերից վերցնելով, իսկ բարկությունն Իսրայելի ամբողջ ժողովրդի վրա թափվեց. նա միայնակ էր, բայց մի՞թե միայն ինքը մեռավ իր մեղքերի համար”»։