ՀԵՍՈՒ 10:20 - Նոր Էջմիածին Աստվածաշունչ

²⁰ Երբ Հեսուն և Իսրայելի բոլոր որդիները դադարեցին մեծ կոտորածով նրանց իսպառ բնաջնջելուց, և նրանցից ազատվածները մտան ամրացված քաղաքները,

Նոր վերանայված Արարատ Աստվածաշունչ

²⁰ Երբ Հեսուն Իսրայելի որդիների հետ նրանց ջարդեց շատ մեծ կոտորածով, մինչև որ նրանց իսպառ բնաջնջեց, նրանց փախստականները մտան պարսպապատ քաղաքները։

ՀԵՍՈՒ 10:20 Խաչաձեւ Հղումներ

ՀԵՍՈՒ 8:24

Երբ Իսրայելի որդիները դադարեցին բոլոր գայիցիներին կոտորելուց, ոմանց՝ դաշտերում, ոմանց՝ լեռներում՝ զառիվայրի վրա, մինչև այնտեղ, ուր հալածել էին նրանց, և ամենքը սրակոտոր եղան իսպառ, Հեսուն վերադարձավ Գայի և սրի քաշեց այն։

ԵՐԵՄԻԱ 8:14

Իսկ հիմա մենք ինչո՞ւ ենք նստել. հավաքվե՛ք՝ գնանք մտնենք ամուր քաղաքները և այնտեղ մեռնենք, քանի որ Տերը՝ մեր Աստվածը, լքեց մեզ և դառնության ջուր խմեցրեց մեզ. արդարև, մեղք գործեցինք նրա հանդեպ։

Բ ՄՆԱՑՈՐԴԱՑ 13:17

Աբիան ու նրա զորքը ծանր հարվածներ հասցրին նրանց։ Իսրայելացիներից հինգ հազար զորավոր մարդ կոտորվեց։

Բ ԹԱԳԱՎՈՐՆԵՐԻ 20:6

Դավիթն ասաց Աբեսսային. «Հիմա Բոքորիի որդի Սաբեեն ավելի մեծ չարիք կգործի, քան Աբեսաղոմը։ Վերցրո՛ւ քո տիրոջ ծառաներին ու հետապնդի՛ր նրան, չլինի թե ամրացված քաղաքներ գտնի և մեր աչքից կորչի»։

ՀԵՍՈՒ 10:10

Տերն Իսրայելի ահը գցեց նրանց մեջ և Գաբավոնում մեծ ջարդ տվեց նրանց. նրանց հալածեցին Բեթորոնի զառիվայրի ճանապարհին և կոտորեցին նրանց մինչև Ազեկա և Մակեդա։

Բ ՕՐԵՆՔ 20:16

այլ այն ազգերի քաղաքներից, որոնք նույնպես Տերը՝ քո Աստվածը, տալու է քեզ իբրև ժառանգություն։ Դրանցից ոչ մեկում կենդանի շունչ չթողնեք,

ՀԵՍՈՒ 10:19

Բայց դուք մի՛ դադարեք ձեր թշնամիներին հետապնդելուց, հասե՛ք նրանց վերջնապահներին և թույլ մի՛ տվեք, որ մտնեն իրենց քաղաքները, որովհետև Տերը՝ Աստված, նրանց մատնեց մեր ձեռքը»։

ՀԵՍՈՒ 10:21

ամբողջ ժողովուրդը ողջ-առողջ վերադարձավ բանակատեղի՝ Հեսուի մոտ, Մակեդա։ Եվ ոչ ոք չհանդգնեց խոսել Իսրայելի որդիների դեմ։

ԵՐԵՄԻԱ 4:5

«Գուժե՛ք Հուդայի մեջ, լուրը թող հասնի Երուսաղեմ, ասացե՛ք, փո՛ղ հնչեցրեք երկրով մեկ, աղաղա՛կ բարձրացրեք, գոչե՛ք, հավաքվե՛ք և մտե՛ք պարսպապատ քաղաքները։

ՀԵՍՈՒ 11:8

Տերը նրանց Իսրայելի ձեռքը մատնեց, և կոտորելով նրանց՝ հալածեցին մինչև մեծ Սիդովն, մինչև Մասրեփովթմայիմ և մինչև Մասեփայի դաշտը՝ արևելքում։ Կոտորեցին նրանց, մինչև որ նրանցից ոչ մի ազատված մարդ չմնաց։

ՀԵՍՈՒ 11:12

Հեսուն գերեց այդ թագավորությունների բոլոր քաղաքներն ու նրանց թագավորներին, նրանց սրի քաշեց և բնաջնջեց, ինչպես որ իրենց հրամայել էր Տիրոջ ծառա Մովսեսը։

Գ ԹԱԳԱՎՈՐՆԵՐԻ 20:21

Իսրայելի արքան առաջ շարժվեց, վերցրեց երիվարներն ու մարտակառքերը և ասորիներին մեծ հարվածներ հասցրեց։