ԾՆՆԴՈՑ 23:16 - Նոր Էջմիածին Աստվածաշունչ

¹⁶ Աբրահամը Եփրոնին լսելուց հետո կշռեց և նրան վճարեց չորս հարյուր սատեր արծաթը վաճառականների մոտ ընդունված գնով, ինչպես խոստացել էր ի լուր Քետի որդիների։

Նոր վերանայված Արարատ Աստվածաշունչ

¹⁶ Աբրահամը լսեց Եփրոնին. և Աբրահամը կշռեց արծաթն ու տվեց Եփրոնին, ինչպես նա ասել էր Քետի որդիների ներկայությամբ, այսինքն՝ չորս հարյուր սիկղ արծաթ՝ վաճառականների մոտ ընդունված կշիռով։

ԾՆՆԴՈՑ 23:16 Խաչաձեւ Հղումներ

ԶԱՔԱՐԻԱ 11:12

Եվ ասացի նրանց. «Եթե բարի է թվում ձեր աչքին, տվե՛ք իմ վարձը, իսկ եթե ոչ, ասացե՛ք»։ Եվ կշռեցին իմ վարձը երեսուն արծաթով։

ԵՐԵՄԻԱ 32:9

և իմ հորեղբոր որդի Անամայելից գնեցի ագարակը, որն Անաթովթում է։ Նրա համար կշռեցի յոթ սիկղ արծաթ և տասն արծաթադրամ.

Ա Թեսաղոնիկեցիներին 4:6

որ ոչ ոք չափը չանցնի և այդ հարցում դիպչի իր եղբոր պատվին, որովհետև Տերը վրեժխնդիր է այդ ամենի համար, ինչպես որ նախապես ձեզ ասացինք և հաստատեցինք։

Փիլիպպեցիներին 4:8

Այսուհետև, եղբայրնե՛ր, խորհե՛ք այն բաները, որոնք ճշմարիտ են, պարկեշտ են, արդար են, մաքուր են, սիրելի են, բարեհամբավ են, առաքինի են, գովելի են։

Հռոմեացիներին 13:8

Եվ ոչ մեկի պարտական մի՛ մնացեք, բացի միմյանց սիրելուց, որովհետև ով սիրի ընկերոջը, Աստծու օրենքը կատարած կլինի։

Մատթեոս 7:12

«Այն ամենը, ինչ կամենում եք, որ մարդիկ ձեզ անեն, այդպես և դո՛ւք արեք նրանց, որովհետև հենց սա են Օրենքն ու մարգարեները»։

ԵԶԵԿԻԵԼ 45:12

Քսան դանգը հավասար կլինի մեկ սիկղի, իսկ քսանհինգ սիկղը՝ ձեր մեկ մնասին։

ՀՈԲ 28:15

Դրա փոխարեն գրավ չի դրվում, ու դրա գնով որևէ արծաթ չի կշռվում։

ԵԼՔ 30:13

Մարդահամարի ենթարկվողները պետք է փրկագին վճարեն երկդրամյանի կեսի չափով՝ ըստ սրբարանի սակագնի։ Երկդրամյանը քսան դանգի է հավասար։ Երկդրամյանի կեսը թող լինի Տիրոջը հասանելիք տուրքը։

ԾՆՆԴՈՑ 43:21

և վերադարձին հասանք իջևան, բացելով մեր պարկերը՝ տեսանք, որ յուրաքանչյուրիս արծաթն իր պարկի մեջ է։ Արդ, արծաթը նույն կշռով հետ ենք բերել, ահա այն մեր ձեռքին է։

ԾՆՆԴՈՑ 23:15

«Ո՛չ, տե՛ր իմ, անշուշտ լսել եմ, որ հողամասը չորս հարյուր սատեր արծաթ արժե։ Բայց այդ ի՞նչ է որ իմ ու քո միջև։ Դու թաղի՛ր քո ննջեցյալին»։

Գործք Առաքելոց 7:16

Նրանց մարմինները փոխադրվեցին Սյուքեմ և դրվեցին այն քարայրի մեջ, որն Աբրահամն արծաթադրամով գնել էր Եմորի որդիներից Սյուքեմում։

ԾՆՆԴՈՑ 49:29

Եվ պատվիրեց նրանց՝ ասելով. «Ես գնում եմ միանալու իմ ժողովրդին։ Ինձ թաղե՛ք իմ նախնիների մոտ՝ այն քարայրում, որ քետացի Եփրոնի ագարակում է,

ԾՆՆԴՈՑ 50:13

Նրան բերեցին քանանացիների երկիրը և թաղեցին Մամբրեի կաղնու դիմաց՝ զույգ քարայրում, որ Աբրահամը գնել էր քետացի Եփրոնից՝ իբրև սեփական շիրմավայր։

Բ ԹԱԳԱՎՈՐՆԵՐԻ 14:26

Երբ իր գլխի մազերը կտրում էր,- իսկ նա ամեն տարվա սկզբին էր կտրում, քանի որ մազերը խիստ ծանրանում էին նրա վրա,- այդ կտրած մազերը կշռում էին երկու հարյուր սիկղ՝ ըստ արքունական կշռի։

ԵՐԵՄԻԱ 32:10

մուրհակ գրեցի ու կնքեցի, վկաներ դրեցի և արծաթը կշեռքով կշռեցի։

Բ ԹԱԳԱՎՈՐՆԵՐԻ 24:24

Արքան Ոռնային ասաց. «Ո՛չ, այդպես չէ։ Պետք է քեզանից փողով գնեմ, իմ Տիրոջը՝ Աստծուն, ձրի ողջակեզ չեմ մատուցի»։ Դավիթը կալն ու եզները գնեց հիսուն սիկղ արծաթով։