ԾՆՆԴՈՑ 11:7 - Նոր Էջմիածին Աստվածաշունչ

⁷ Եկեք իջնենք և խառնենք նրանց լեզուներն այնպես, որ մեկը մյուսին չհասկանա»։

Նոր վերանայված Արարատ Աստվածաշունչ

⁷ Եկեք իջնենք և այնտեղ նրանց լեզուն խառնենք, որ միմյանց լեզու չհասկանան»։

ԾՆՆԴՈՑ 11:7 Խաչաձեւ Հղումներ

ԾՆՆԴՈՑ 1:26

Եվ Աստված ասաց. «Մարդ ստեղծենք ըստ մեր պատկերի և նմանության, և թող իշխեն ծովի ձկների, երկնքի թռչունների, ողջ երկրի կենդանիների և երկրի վրա սողացող բոլոր սողունների վրա»։

ԾՆՆԴՈՑ 10:20

Ահա սրանք են Քամի որդիներն ըստ իրենց ցեղերի, ըստ իրենց լեզուների, իրենց երկրների ու իրենց տոհմերի։

ԾՆՆԴՈՑ 10:32

Այս է Նոյի որդիների սերնդաբանությունն ըստ իրենց տոհմերի։ Ջրհեղեղից հետո սրանցից երկրի վրա սփռվեցին ազգերի ճյուղերը։

ԾՆՆԴՈՑ 10:5

Սրանցից բաժանվեցին ազգերի ճյուղերը՝ յուրաքանչյուրն ըստ իր երկրի, ըստ իր լեզվի և տոհմի։

ԾՆՆԴՈՑ 11:5

Տերն իջավ՝ տեսնելու այն քաղաքն ու աշտարակը, որ կառուցում էին մարդկանց որդիները։

ԾՆՆԴՈՑ 3:22

Տերը՝ Աստված, ասաց. «Ահա Ադամը եղավ իբրև մեկը մեզանից՝ ճանաչելով բարին և չարը։ Արդ, միգուցե երկարի ձեռքը և պոկի կենաց ծառից, ուտի և ապրի հավիտյան»։

ԾՆՆԴՈՑ 42:23

Նրանք չգիտեին, որ Հովսեփը հասկանում է իրենց, որովհետև նա թարգմանչով էր խոսում։

ՀՈԲ 12:20

Լռեցնում է խոսքը հավատարիմների, ծերունիների խելամտությունն է ընդունում։

ՍԱՂՄՈՍՆԵՐ 2:4

Բայց երկնքում բնակվողը ծիծաղելու է նրանց վրա, Տերն արհամարհելու է նրանց։

ՍԱՂՄՈՍՆԵՐ 33:10

Երկյուղե՛ք Տիրոջից, նրա բոլո՛ր սրբեր, Քանզի ոչինչ չի պակասի նրանից երկյուղածներից։

ՍԱՂՄՈՍՆԵՐ 55:9

Ո՛վ Աստված, կյանքս կպատմեմ քեզ, Քո առջև կդնեմ իմ արցունքները, Ինչպես խոստացար դու ինձ։

ԵԼՔ 4:11

Տերն ասաց Մովսեսին. «Ո՞վ է մարդուն բերան տվել կամ ո՞վ է մեկին խուլ և համր դարձրել, տեսնող ու կույր։ Ո՞չ արդյոք ես՝ Աստվածս։

ԵՍԱՅԻ 33:19

նա խորհրդի չնստեց ժողովրդի հետ, որն անտեղյակ էր ու ծանրալեզու, որովհետև չէր լսում. վատթարացած մի ժողովուրդ, որ լսածի մասին չէր ուզում մտածել։

ԵՍԱՅԻ 6:8

Եվ լսեցի Տիրոջ ձայնը, որն ասում էր. «Ո՞ւմ ուղարկեմ, և կամ ո՞վ կգնա այդ ժողովրդի մոտ»։ Եվ ես ասացի. «Ահավասիկ ես, ի՛նձ ուղարկիր»։

ԵՐԵՄԻԱ 5:15

Ո՛վ Իսրայելի տուն,- ասում է Տերը,- ահա հեռվից ես ձեզ վրա պիտի բերեմ մի ազգ, որ ուժեղ է ու հին, ազգ, որի լեզուն լսած չեք լինի և խոսքը չեք հասկանա։ Նրա կապարճները նման են բաց գերեզմանների։

Ա Կորնթացիներին 14:23

Ապա եթե ամբողջ եկեղեցին մեկտեղ հավաքվի, և բոլորն էլ լեզուներ խոսեն, երբ անտեղյակ կամ անհավատ մարդիկ մտնեն այնտեղ, արդյոք չե՞ն ասի. «Դուք գժվե՞լ եք»։

Բ ՕՐԵՆՔ 28:49

Քո դեմ կհանի մի ազգ, հեռու վայրերից՝ երկրի ծագերից, նման խոյացող արծվի, ազգ, որի լեզուն չես հասկանա։