ԺՈՂՈՎՈՂ 11:5 - Նոր Էջմիածին Աստվածաշունչ

⁵ որովհետև անհնար է իմանալ, թե ո՛րն է քամու ճանապարհը։ Ինչպես որ հղի կնոջ արգանդում գոյացող ոսկորները, այնպես էլ Աստծու բոլոր գործերը, որոնք նա արել է և դեռ պիտի անի, ծածկված են քեզանից։

Նոր վերանայված Արարատ Աստվածաշունչ

⁵ Ինչպես որ չգիտես, թե որն է քամու ճանապարհը, ինչպես են հղի կնոջ արգանդում ոսկորները կազմավորվում, նույնպես և չգիտես ամենաստեղծ Աստծու գործերը։

ԺՈՂՈՎՈՂ 11:5 Խաչաձեւ Հղումներ

ՀՈՎՀԱՆՆԵՍ 3:8

որովհետև քամին ուր ուզում է, փչում է, և նրա ձայնը լսում ես, բայց չգիտես՝ որտեղի՛ց է գալիս կամ ո՛ւր է գնում. այսպես է և ամեն ոք, որ Հոգուց է ծնված»։

ՍԱՂՄՈՍՆԵՐ 92:5

Մենք հույժ հավատացինք քո վկայություններին, Քո տանը սրբությունն է վայելում երկար օրեր։

ԺՈՂՈՎՈՂ 8:17

տեսա Աստծու բոլոր գործերը. մարդը չի կարող գտնել այն գործը, որ կատարվել է արեգակի ներքո։ Որքան էլ մարդ աշխատի որոնել այն, չի գտնելու, և մինչև իսկ իմաստունն ինչքան էլ ասի, թե գիտի, դարձյալ չի կարող գտնել։

Հռոմեացիներին 11:33

Օ՜, խորություն Աստծու հարստության, իմաստության և գիտության։ Որքա՜ն անքննելի են նրա վճիռները, և անզննելի՝ նրա ճանապարհները։

ԵՍԱՅԻ 40:28

Արդ, չիմացա՞ր, չլսեցի՞ր, որ հավիտենական Աստվածը, երկրի սահմանները հաստատող Աստվածը ո՛չ քաղց է զգում և ո՛չ էլ հոգնում. նրա իմաստությունն անքննելի է։

ՍԱՂՄՈՍՆԵՐ 104:24

Չափազանց աճեցրեց իր ժողովրդին Եվ նրան իր թշնամիներից ավելի զորացրեց։

ԺՈՂՈՎՈՂ 7:24

Եվ արդ ո՞վ կարող է չափել խորխորատը։

ՍԱՂՄՈՍՆԵՐ 40:5

Ես ասացի. «Տե՜ր, ողորմի՛ր ինձ, բժշկի՛ր անձս. Ես մեղանչեցի քո դեմ»։

ՀՈԲ 38:4

Որտե՞ղ էիր, երբ ես երկրի հիմքերն էի գցում։ Ասա՛ ինձ, եթե խելամիտ ես և իմաստուն։

ՀՈԲ 37:23

Չգիտենք նրա զորությանը նմանվող ուրիշ ոչ ոքի, որ արդար դատելիս լինի, և դու չպե՞տք է լսես նրան։

ՀՈԲ 5:9

որ կատարում է մեծ ու անքննելի, փառավոր ու հրաշակերտ գործեր, որոնք թիվ ու հաշիվ չունեն,

ԺՈՂՈՎՈՂ 1:6

Ելնում է նա դեպի հարավ և դառնում դեպի հյուսիս. պտտվելով պտտվում, փչում է հողմը և վերադառնում իր շրջապտույտին։

ԺՈՂՈՎՈՂ 1:13

և սիրտս տվեցի իմաստությամբ քննելու և խորհելու այն ամենի մասին, ինչ եղել է երկնքի ներքո։ Քանզի Աստված չար զբաղմունք է տվել մարդու որդիներին՝ արեգակի ներքո չարչարվելու։

ԺՈՂՈՎՈՂ 3:10

Ես տեսա այն բոլոր զբաղմունքները, որ Աստված տվել է մարդու որդիներին, որ չարչարվեն դրա վրա։

ԺՈՂՈՎՈՂ 3:11

Նրա ստեղծած ամեն բան բարի է իր ժամանակի մեջ. ահա մարդկանց սրտերում մի ամբողջ հավիտենություն է հաստատել Աստված, որպեսզի սկզբից մինչև վերջ մարդն այդպես էլ չկարողանա հասկանալ Աստծու ստեղծագործությունը։

ԺՈՂՈՎՈՂ 11:4

Քամուն նայողը սերմ չի ցանի, ամպին նայողը հունձ չի անի,