ԹՎԵՐ 32:29 - Նոր Էջմիածին Աստվածաշունչ

²⁹ Մովսեսն ասաց նրանց. «Եթե Ռուբենի որդիներն ու Գադի որդիները Տիրոջ առջև սպառազինված ձեզ հետ անցնեն Հորդանան գետի այն կողմը, և եթե դուք նվաճեք այդ երկիրը, ապա իբրև կալվածք կտաք նրանց Գաղաադի երկիրը։

Նոր վերանայված Արարատ Աստվածաշունչ

²⁹ Մովսեսն ասաց նրանց. «Եթե Գադի որդիներն ու Ռուբենի որդիները, բոլորն էլ սպառազինված, Տիրոջ առաջ պատերազմելու համար ձեզ հետ միասին անցնեն Հորդանան գետը, և այդ երկիրը նվաճվի ձեր առաջ, այդ ժամանակ Գաղաադի երկիրը նրանց կտաք իբրև կալվածք։

ԹՎԵՐ 32:29 Խաչաձեւ Հղումներ

ԹՎԵՐ 32:17

իսկ մենք ինքներս կզինվենք Տիրոջ առջև, կգնանք Իսրայելի մյուս որդիների առջևից, մինչև որ նրանց հաստատենք իրենց տեղերում։ Իսկ մեր ժողովուրդը, որպեսզի ապահով լինի այս երկրի բնակիչներից, թող բնակվի պարսպապատ քաղաքներում։

ԹՎԵՐ 32:28

Մովսեսը նրանց մասին հրահանգ տվեց Եղիազար քահանային, Նավեի որդի Հեսուին և Իսրայելի ցեղերի նահապետական տների իշխաններին։

ԹՎԵՐ 32:30

Իսկ եթե սպառազինված ձեզ հետ պատերազմի չելնեն Տիրոջ առջև, ապա նրանց երեխաներին, կանանց ու անասուններին, նախքան ձեր անցնելը, կփոխադրեք քանանացիների երկիրը, և նրանք ևս ձեզ հետ թող ժառանգություն ստանան քանանացիների երկրում»։

ՀԵՍՈՒ 12:6

Տիրոջ ծառա Մովսեսը և Իսրայելի որդիները ջարդեցին նրանց, և Տիրոջ ծառա Մովսեսը որպես ժառանգություն այն տվեց Ռուբենի և Գադի ցեղերին և Մանասեի կես ցեղին։

ՀԵՍՈՒ 13:11

Գաղաադը և Գեսուրի ու Մաքաթիի սահմանները, ամբողջ Ահերմոն լեռը, ամբողջ Բասանը, մինչև Սեղքա,

ՀԵՍՈՒ 14:3

որովհետև Մովսեսը երկու ցեղերին և Մանասեի կես ցեղին ժառանգություն տվել էր Հորդանան գետի այն կողմում։ Բայց նրանց մեջ ղևտացիներին ժառանգություն չէր տվել։

ՀԵՍՈՒ 18:7

Ղևիի որդիները ձեր մեջ բաժին չունեն, որովհետև նրանց բաժինը Տիրոջ համար արված քահանայությունն է. Գադը, Ռուբենը և Մանասեի կես ցեղը Հորդանան գետի այն կողմում՝ արևելքում, ստացան իրենց ժառանգությունը, որ Տիրոջ ծառա Մովսեսը տվել էր նրանց»։

ՀԵՍՈՒ 22:9

Եվ գնացին։ Ռուբենի որդիները, Գադի որդիները և Մանասեի կես ցեղը քանանացիների երկրում գտնվող Սելովում բաժանվեցին Իսրայելի որդիներից, որպեսզի գնան Գաղաադի երկիրը՝ իրենց կալվածքի երկիրը, որ ժառանգել էին Մովսեսի միջոցով՝ Տիրոջ հրամանի համաձայն։

ԴԱՏԱՎՈՐՆԵՐ 10:3

Նրանից հետո մեջտեղ ելավ գաղաադացի Հայիրը և Իսրայելին դատեց քսաներկու տարի։

Ա ԹԱԳԱՎՈՐՆԵՐԻ 18:17

Սավուղը Դավթին ասաց. «Ահա իմ մեծ աղջկան՝ Մերոբին, քեզ կնության եմ տալու, միայն թե դու ինձ քաջաբար ծառայի՛ր ու Տիրոջ պատերազմները վարի՛ր»։ Սավուղը մտածում էր. «Թող իմ ձեռքը նրա դեմ չլինի, այլ թող այլազգիների ձեռքը նրան հարվածի»։