ԵՐԵՄԻԱՅԻ ՈՂԲԵՐԸ 1:13 - Նոր Էջմիածին Աստվածաշունչ

¹³ Իր բարձունքից կրակ ուղարկեց իմ ոսկորներին, ցանց գցեց իմ ոտքերին և ինձ հետ շպրտեց, կործանեց իմ անձը՝ հանապազօրյա տառապանքի ու տրտմության մեջ։

Նոր վերանայված Արարատ Աստվածաշունչ

¹³ Նա բարձրից կրակ ուղարկեց իմ ոսկորների մեջ, ոտքերիս համար ցանց տարածեց, ինձ ետ դարձրեց, ամայի դարձրեց ինձ, ուժաթափ՝ ամբողջ օրը։

ԵՐԵՄԻԱՅԻ ՈՂԲԵՐԸ 1:13 Խաչաձեւ Հղումներ

ՀՈԲ 18:8

Ոտքը ծուղակն է ընկնելու, և նա թպրտալու է ուռկանում։

ՀՈԲ 19:6

Արդ, իմացե՛ք. Տերն է ինձ խռովեցնողը. իմ առջև իր պատվարն է բարձրացրել։

ՀՈԲ 30:30

Սաստիկ սևացել է մորթս հիմա, ու ոսկորներս այրվել են տոթից։

ՍԱՂՄՈՍՆԵՐ 129:5

Հանուն քո անվան համբերեցի, Տե՛ր, Հոգիս քո խոսքին սպասեց,

ՍԱՂՄՈՍՆԵՐ 140:5

Թող արդարը ողորմությամբ խրատի ինձ և հանդիմանի, Մեղավորի յուղը թող գլուխս չօծի, Եվ աղոթքս նրա կամքով չլինի։

ՍԱՂՄՈՍՆԵՐ 31:10

Բազում են մեղավորների տանջանքները, Բայց Տիրոջը հուսացողներին Տիրոջ ողորմությունը կպարուրի։

ՍԱՂՄՈՍՆԵՐ 35:4

Նրա բերանի խոսքերն անօրենություն ու նենգություն են։ Նա չուզեց իմանալ բարին.

ՍԱՂՄՈՍՆԵՐ 38:8

Իսկ արդ ո՞վ է իմ համբերությունը, եթե ոչ դու, Տե՜ր, Կամ ումի՞ց է իմ ուժն ու կարողությունը, եթե ոչ քեզանից։

ԵԼՔ 12:9

Դրանցից հում կամ խաշած չուտեք, այլ կրակի վրա խորովելով։ Կուտեք նաև գլուխը, ոտքերն ու փորոտիքը։

ԵՍԱՅԻ 42:17

Բայց նրանք երես դարձրին ինձնից։ Ամոթ ու պատկառա՛նք ունեցեք դուք, որ ապավինել եք կուռքերին և ձուլածոներին ասում եք. «Մեր աստվածներն եք դուք»։

ԵՐԵՄԻԱ 44:6

Եվ իմ բարկությունն ու զայրույթը կաթեց ու բորբոքվեց Հուդայի քաղաքներում և Երուսաղեմից դուրս, որոնք ավեր ու անապատ դարձան, ինչպես այսօր են»։

ԵՐԵՄԻԱՅԻ ՈՂԲԵՐԸ 1:22

Բոլոր չար գործերը թող կանգնեն քո առաջ, և դու ճռաքա՛ղ արա նրանց այնպես, ինչպես ճռաքաղ արեցիր ինձ իմ բոլոր մեղքերի համար, քանզի անթիվ են իմ հառաչանքները, և սիրտն իմ լի է տրտմությամբ։

ԵՐԵՄԻԱՅԻ ՈՂԲԵՐԸ 3:11

հետապնդեց ինձ, հասավ ու հալածեց, ուժասպառ արեց ինձ, կործանեց ինձ։

ԵՐԵՄԻԱՅԻ ՈՂԲԵՐԸ 5:17

Ահա թե ինչու ցավն առավ մեր սրտերը, ահա թե ինչու մեր աչքերին խավարը պատեց

ԵԶԵԿԻԵԼ 12:13

Ցանցս նրա շուրջն եմ գցելու, և ուռկանով պատվելու-պաշարվելու է։ Նրան Բաբելոն՝ քաղդեացիների երկիրն եմ տանելու, բայց նա այն չի տեսնելու և այնտեղ էլ մեռնելու է։

ԵԶԵԿԻԵԼ 17:20

Նրա վրա իմ ուռկանն եմ նետելու. նա ընկնելու է իմ պաշարման մեջ։ Նրան Բաբելոն եմ բերելու և այնտեղ էլ նրա հետ դատաստան եմ տեսնելու այն անիրավությունների համար, որ գործել է իմ նկատմամբ։

ԵԶԵԿԻԵԼ 32:3

Տերը՝ Աստված, այսպես է ասում. “Քեզ շրջապատելու եմ իմ թակարդներով ու հավաքված բազմաթիվ զորքերով։ Քեզ դուրս եմ հանելու իմ կարթով, գետնահար փռելու եմ քեզ երկրի երեսին,

ՈՎՍԵԵ 7:12

Ուր էլ որ գնան, նրանց վրա կգցեմ իմ ցանցը, երկնքի թռչունների նման ցած կբերեմ նրանց և կխրատեմ նրանց իրենց նեղության համբավով։

ՆԱՈՒՄ 1:6

Նրա բարկության առաջ ո՞վ կդիմանա, և ո՞վ կկանգնի նրա սաստիկ բարկության դեմ։ Նրա ցասումը հալեցնում է իշխանությունները [𝕸 իջավ որպես կրակ], և ժայռերը խորտակվեցին նրանից։

ԱՄԲԱԿՈՒՄ 3:16

Զգուշացա, և իմ սիրտը զարհուրեց իմ շուրթերի աղոթքների ձայնից. դող մտավ ոսկորներիս մեջ, և փորս ներքուստ խռովվեց։ Կհանգստանամ նեղության օրը, երբ ելնեմ դեպի իմ պանդխտության ժողովուրդը։

Բ ՕՐԵՆՔ 28:65

Այդ ազգերի մեջ էլ հանգստություն չի տա քեզ, և քո ոտքերը կանգնելու տեղ չեն ունենա։ Այնտեղ նա քեզ կտա տխուր սիրտ, արտասվաթոր աչքեր ու հյուծված հոգի։

Բ Թեսաղոնիկեցիներին 1:8

կրակի բոցով՝ պատժելու նրանց, ովքեր չեն ճանաչում Աստծուն և չեն հնազանդվում մեր Տեր Հիսուս Քրիստոսի Ավետարանին։

Եբրայեցիներին 12:29

քանի որ մեր Աստվածը ոչնչացնող կրակ է։