ԵՐԵՄԻԱ 35:2 - Նոր Էջմիածին Աստվածաշունչ

² «Գնա՛ Ռաքաբիմների տունը, կանչի՛ր նրանց, բե՛ր Տիրոջ տան սրահներից մեկը և գինի՛ խմեցրու նրանց»։

Նոր վերանայված Արարատ Աստվածաշունչ

² «Գնա՛ Ռեքաբյանների տունը և խոսի՛ր նրանց և նրանց բե՛ր Տիրոջ տունը՝ սենյակներից մեկը, և նրանց գինի՛ տուր, որ խմեն»։

ԵՐԵՄԻԱ 35:2 Խաչաձեւ Հղումներ

Գ ԹԱԳԱՎՈՐՆԵՐԻ 6:10

Ամբողջ տաճարի շուրջը հինգ կանգուն բարձրությամբ թևեր շինեց և թևերը պատեց եղևնափայտով։

Գ ԹԱԳԱՎՈՐՆԵՐԻ 6:8

Ներքևի հարկի դուռը աջ կողմում էր. այստեղից ոլորապտույտ սանդուղքներով ելնում էին միջին հարկը, իսկ միջինից՝ երրորդը։

Ա ՄՆԱՑՈՐԴԱՑ 2:55

Գաբեսում բնակվող դպիրների տոհմերն էին ագաթացիները, սամաթացիները և սովկաթացիները։ Սրանք են Հռեքաբի ցեղի հայր Եմաթից առաջացած ցեղերը։

Ա ՄՆԱՑՈՐԴԱՑ 23:28

Դավիթը նրանց նշանակեց Ահարոնի որդիների օգնականներ, որպեսզի սպասավորեն Տիրոջ տանը և հոգան բակերի, սրահների, բոլոր սրբությունների մաքրությունը և Տիրոջ տան սպասավորության գործերը,

Ա ՄՆԱՑՈՐԴԱՑ 28:12

և դրա այն օրինակը, որ ուներ իր մտքում Տիրոջ տան գավիթների, շուրջը գտնվող շտեմարանների, Տիրոջ տան մթերանոցների ու սրբությունների պահեստի համար։

Ա ՄՆԱՑՈՐԴԱՑ 9:26

քանզի դռների պահպանությունը հավատարմությամբ կատարում էին չորս զորեղ մարդիկ, որ ղևտացիներ էին և նշանակված էին նաև շտեմարանների և Աստծու տան գանձերի վրա։

Ա ՄՆԱՑՈՐԴԱՑ 9:33

Սրանք սաղմոսերգուներ էին, ղևտացիների տոհմերի իշխաններ, որոնց հանձնարարված էր օրվա սպասավորությունը։ Սրանք օր ու գիշեր գործի մեջ էին։

Բ ՄՆԱՑՈՐԴԱՑ 3:9

Ամեն մի մեխի կշիռը հիսուն սիկղ ոսկի էր։ Վերնատունը նույնպես պատեց ոսկով։

Բ ՄՆԱՑՈՐԴԱՑ 31:11

Եզեկիան ասաց. «Ուրիշ շտեմարաններ և՛ս պատրաստեք Տիրոջ տանը»։

ԵԶՐԱՍ 8:29

Արթո՛ւն մնացեք և պահպանե՛ք դրանք, մինչև որ կշռեք Երուսաղեմում գտնվող քահանաների առաջնորդների, ղևտացիների և Իսրայելի տոհմերի իշխանների առջև՝ Տիրոջ տան սրահներում»։

ՆԵԵՄԻԱ 13:5

և այնտեղ նրա համար մեծ գանձատուն շինեց։ Դա նախկինում այն տունն էր, որտեղ դնում էին ընծաները, կնդրուկն ու սրբարանի սպասքը և ղևտացիների, երգիչների ու դռնապանների համար սահմանված ցորենի, գինու, ձեթի ու յուղի տասանորդները, ինչպես նաև առաջին բերքի այն բաժինը, որ քահանաների համար էր։

ԵՐԵՄԻԱ 35:3

Ես Քաբասինիայի որդի Երեմի որդի Հեքոնիային, նրա եղբայրներին ու նրա բոլոր որդիներին՝ Ռաքաբիմի ամբողջ գերդաստանը,

ԵՐԵՄԻԱ 35:4

բերեցի Տիրոջ տունը, Աստծու մարդ Գոդողիայի որդի Անանի որդու սրահը, որը գտնվում էր իշխանների տան մոտ, ձիերի դռան պահապան Սելովմի որդի Մաասի տան վերևում։

ԵՐԵՄԻԱ 35:8

Եվ մենք ամեն բանում, ինչ պատվիրել էր մեզ, ականջ դրեցինք մեր հայր Հոնադաբի՝ Ռեքաբի որդու ձայնին,- թե՛ մենք և թե՛ մեր կանայք, թե՛ մեր տղաներն ու աղջիկները,- որ մեր բոլոր օրերում գինի չխմենք,

ԵԶԵԿԻԵԼ 40:16

Գաղտնի լուսամուտներ կային ինչպես խցերի վրա, այնպես էլ գավթի ներքին դռան կամարներին՝ չորս կողմը։ Նաև լուսամուտներ մյուս կամարներին՝ ներսից ու դրսից։ Կամարների վերևում՝ այս ու այն կողմերից, արմավենիներ կային։