ԵՐԵՄԻԱ 26:22 - Նոր Էջմիածին Աստվածաշունչ

²² Իսկ Հովակիմ արքան մարդիկ ուղարկեց Եգիպտոս. նա Աքովբորի որդի Եղնաթանին մի քանի մարդկանց հետ ուղարկեց Եգիպտոս։

Նոր վերանայված Արարատ Աստվածաշունչ

²² Եվ Հովակիմ թագավորը մարդիկ ուղարկեց Եգիպտոս. Աքոբորի որդի Եղնաթանին և նրա հետ մի քանի մարդու ուղարկեց Եգիպտոս։

ԵՐԵՄԻԱ 26:22 Խաչաձեւ Հղումներ

ԾՆՆԴՈՑ 36:38

Մեռավ Սավուղը, և նրա փոխարեն թագավորեց Աքոբովրի որդի Բալայենոնը։

Դ ԹԱԳԱՎՈՐՆԵՐԻ 22:12

Արքան պատվեր տվեց Քեղկիա քահանային, Սափանի որդի Աքիկամին, Միքեի որդի Աքոբորին, Սափան քարտուղարին և արքայի ծառա Հասայիային.

Դ ԹԱԳԱՎՈՐՆԵՐԻ 22:14

Քեղկիա քահանան, Աքիկամը, Աքոբորը, Սափանը և Հասայիան գնացին հանդերձապետ Արասի որդի Թեկուայի որդի Սեղղոմի կնոջ՝ Օղդա մարգարեի մոտ։ Նա Երուսաղեմի մերձակա Մասենայում էր բնակվում։ Նրանք խոսեցին նրա հետ։

ԱՌԱԿՆԵՐ 29:12

Թագավորը և նրա հետ բոլոր եղողները, որ ունկնդիր են անիրավ խոսքերի, անօրեններ են։

ԵՐԵՄԻԱ 29:3

Նամակն ուղարկված էր Սափանի որդի Ելարիայի և Քեղկիայի որդի Գամարիայի ձեռքով, որոնց Սեդեկիա արքան ուղարկեց Բաբելոն՝ բաբելացիների արքա Նաբուքոդոնոսորի մոտ՝ ասելով.

ԵՐԵՄԻԱ 36:12

իջավ թագավորի տունը, ատենադպրի դիվանը, որտեղ նստած էին բոլոր իշխանները՝ Եղիսամա ատենադպիրը, Սամեայի որդի Դալիան, Աքոբովրի որդի Եղնաթանը, Սափանիայի որդի Գամարիան, Անանիայի որդի Սեդեկիան և բոլոր իշխանները։

ԵՐԵՄԻԱ 36:25

Եղնաթանը, Դալիան և Գամարիան արքային թեպետ հուշեցին չայրել մատյանը, բայց նա նրանց չլսեց։

ԵՐԵՄԻԱ 39:14

նրան հանեցին բանտից և հանձնեցին Սափանի որդի Աքիկամի որդի Գոդողիային. նրան տարան մի տուն, և նա ապրում էր ժողովրդի մեջ։

ԵԶԵԿԻԵԼ 8:11

Իսրայելի տան ծերերից յոթանասուն հոգի և նրանց մեջ՝ Սափանի որդի Հեզոնիան, որ նրանց առջև էր կանգնած։ Յուրաքանչյուրի ձեռքում՝ բուրվառ։ Խնկի ծուխն էլ բարձրանում, կուտակվում էր ամպի պես։