ԵՐԵՄԻԱ 16:16 - Նոր Էջմիածին Աստվածաշունչ

¹⁶ «Ահավասիկ ես կուղարկեմ բազում ձկնորսների,- ասում է Տերը,- և նրանք կորսան նրանց. այնուհետև կուղարկեմ բազում որսորդների, և նրանք կորսան նրանց բոլոր լեռների վրա, բոլոր բլուրների վրա ու ժայռերի ծերպերից։

Նոր վերանայված Արարատ Աստվածաշունչ

¹⁶ «Ահա ես շատ ձկնորսներ եմ ուղարկելու,- ասում է Տերը,- և պիտի որսան նրանց, ապա շատ որսորդներ եմ ուղարկելու, և նրանք ամեն լեռից ու ամեն բլրից և ապառաժների խոռոչներից պիտի որսան նրանց։

ԵՐԵՄԻԱ 16:16 Խաչաձեւ Հղումներ

ԾՆՆԴՈՑ 10:9

Նա հսկա որսորդ էր Տիրոջ՝ Աստծու առաջ։ Այդ պատճառով էլ ասում են. «Նեբրովթի պես հսկա որսորդ Տիրոջ՝ Աստծու առաջ»։

ԵՍԱՅԻ 2:21

Տիրոջ սարսափից և նրա զորության փառքից մտնելով ամրակուռ ապառաժների խոռոչներն ու ծերպերը, երբ Տերը կհառնի՝ երկիրը պատուհասելու։

ԵՍԱՅԻ 7:19

Պիտի գան ու հաստատվեն քո երկրի ձորերում, ժայռերի ծերպերում ու այրերում, բոլոր փապարներում ու ամեն ծառի վրա։

ԵՐԵՄԻԱ 25:9

ահա ես կուղարկեմ, կվերցնեմ հյուսիսի բոլոր ազգերին,- ասում է Տերը,- նաև բաբելացիների Նաբուքոդոնոսոր արքային՝ իմ ծառային, և նրանց կբերեմ այդ երկրի վրա, դրա բնակիչների վրա, այն բոլոր ազգերի վրա, որ դրա շուրջն են, կբնաջնջեմ դրանց, կմատնեմ ավարի ու ապականության, ծաղրանքի ու հավիտենական նախատինքի։

ԵՐԵՄԻԱ 4:29

Հեծյալների ձայնից և լարված աղեղներից ամբողջ երկիրը խույս տվեց, մարդիկ սողոսկեցին քարայրները, թաքնվեցին անտառներում, բարձրացան քարանձավները. բոլոր քաղաքները լքվեցին, ու նրանց մեջ մարդ չի բնակվում։

ԵՐԵՄԻԱ 49:5

Ահա ամեն կողմից սարսափ պիտի բերեմ քեզ քո շուրջը բնակվողներից,- ասում է Զորությունների Տերը.- դուք ցրվելու եք ամեն կողմ, ու ոչ ոք չի լինելու, որ հավաքի թափառականներին։

ԵՐԵՄԻԱ 6:9

Այսպես է ասում Զորությունների Տերը. «Քաղե՛ք, քաղե՛ք, Իսրայելի այդ մնացորդներին ճռաքա՛ղ արեք և նորից նույն գործի՛ն վերադարձեք ինչպես այգին քաղողն է վերադառնում դեպի իր զամբյուղը»։

ԵՐԵՄԻԱՅԻ ՈՂԲԵՐԸ 4:18

Որսացին մեզ. մի փոքր ժամանակ ևս, և մեզ սպանած-բնաջնջած կլինեն մեր քաղաքներից։ Հասել է ժամը, հասել է ժամանակը, լրացան մեր օրերը, լրացան ժամանակները։

ԵՐԵՄԻԱՅԻ ՈՂԲԵՐԸ 4:19

Լեռների վրա մեզ հալածողները թեթևաշարժ են. նրանք, ինչպես երկնային արծիվներ, ճախրեցին բարձր լեռների վրա և անապատում դարան մտած՝ պաշարեցին մեզ։

ՈՎՍԵԵ 10:10

խրատելու նրանց. և ազգերը կհավաքվեն նրանց դեմ՝ խրատելու նրանց իրենց երկու անիրավությունների համար։

ԱՄՈՎՍ 4:2

Տերը երդվում է իր սրբություններով. «Ահա օրեր կգան ձեզ վրա, և կվերցնեն ձեզ զենքերով, և նրանց, որ ձեզ հետ են, կգցեն եռացած կաթսաները։

ԱՄՈՎՍ 5:19

Ինչպես օրինակ, եթե մարդ փախչի առյուծի երեսից, և նրան արջ հանդիպի, տուն փախչի և իր ձեռքը հենի պատին, և նրան օձը խայթի,

ՄԻՔԻԱ 7:2

որովհետև երկյուղածն անհետացավ երկրից, և չկա արդար մարդկանց մեջ. բոլորն արյամբ են դատում, յուրաքանչյուրը սաստիկ նեղում է իր ընկերոջը։

ՍՈՓՈՆԻԱ 1:12

Եվ կլինի այն օրը, որ ճրագով կխուզարկեմ Երուսաղեմը և վրեժխնդիր կլինեմ այն մարդկանցից, որոնք արհամարհեցին իրենց պահպանությանը հանձնված բաները, որ ասում էին իրենց սրտերում. “Ո՛չ բարի բան է անում Տերը, ո՛չ էլ չար”։

Ա ԹԱԳԱՎՈՐՆԵՐԻ 24:11

Ահա այսօր քո աչքերը տեսան, որ այս քարայրի մեջ Տերն ինչպե՛ս էր քեզ իմ ձեռքը մատնել, բայց ես չուզեցի քեզ սպանել, խնայեցի քեզ՝ ասելով. “Իմ ձեռքը իմ տիրոջ վրա չեմ բարձրացնի, որովհետև նա Տիրոջ օծյալն է”։

Ա ԹԱԳԱՎՈՐՆԵՐԻ 26:20

Արդ, իմ արյունը Տիրոջ առջև գետնին թող չթափվի, քանի որ Իսրայելի թագավորը ելել է իմ կյանքը խլելու, ինչպես որ ագռավն է թևածում լեռների վրա»։