ԵՍԱՅԻ 7:23 - Նոր Էջմիածին Աստվածաշունչ

²³ Այդ օրն այնպես պիտի լինի, որ ամեն տեղ, ուր հազար որթատունկ էր աճում՝ հազար սիկղ արծաթի արժեքով, խոպան պիտի դառնա և փշով լցվի։

Նոր վերանայված Արարատ Աստվածաշունչ

²³ Այդ օրն այնպես պիտի լինի, որ ամեն տեղ, որտեղ կար հազար որթատունկ՝ հազար սիկղ արծաթի արժեքով, ցախ ու փշով պիտի լցվի։

ԵՍԱՅԻ 7:23 Խաչաձեւ Հղումներ

ԾՆՆԴՈՑ 3:18

փուշ ու տատասկ թող բուսեցնի քեզ, և դու վայրի բանջար վաստակես։

ԵՍԱՅԻ 32:10

Հիշե՛ք, որ ցավով ու տագնապով պիտի լինեն տարվա օրերը, քանի որ այգեկութը նվազեց, ցանքսը դադարեց, և այլևս հետ չեն գալու։

ԵՍԱՅԻ 5:10

Տասը լուծ եզան վարատեղը տալու է մեկ սափոր արդյունք, վեց արդու սերմանողը երեք գրիվ է հավաքելու։

ԵՍԱՅԻ 5:6

Կլքեմ իմ այգին. թող չէտվի ու չփորվի, թող նրա մեջ փուշ բուսնի, ինչպես խոպան տեղում, և կպատվիրեմ իմ ամպերին, որ չանձրևեն իմ այգու վրա։

ԵՍԱՅԻ 7:24

Նետաձիգներ և աղեղնավորներ պիտի մտնեն այնտեղ։ Ողջ երկիրը խոպան պիտի դառնա ու փուշ բերի։

ԵՐԵՄԻԱ 4:26

Նայեցի և տեսա, որ Կարմելոսն ավերակ էր, իսկ նրա բոլոր քաղաքները՝ հրի մատնված։ Տիրոջ պատճառով, նրա բարկության ու ցասման պատճառով դրանք կործանվեցին։

ԵԶԵԿԻԵԼ 12:20

Նրանց բնակեցված քաղաքներն ավերվելու են, նրանց երկիրն ամայության է մատնվելու։ Ու կիմանան, որ ես եմ Տերը”»։

ՈՎՍԵԵ 2:12

Եվ արդ, նրա պղծությունը հայտնի կդարձնեմ իր հոմանիների առաջ, և ոչ ոք չի ազատի նրան իմ ձեռքից։

ՈՎՍԵԵ 9:6

Դրա համար ահա կընթանան դեպի եգիպտացիների թշվառությունը. նրանց կընդունի Մեմփիսը, և նրանց կթաղի Մաքմասը։ Կորուստը կժառանգի նրանց արծաթը, և փուշ կբուսնի նրանց վրաններում։

Մատթեոս 21:33

«Ուրի՛շ առակ լսեք։ Մի տանուտեր կար, որ այգի տնկեց, այն ցանկապատեց, նրա մեջ հնձան փորեց և աշտարակ շինեց, ապա այն տվեց մշակներին և գնաց օտար երկիր։

Եբրայեցիներին 6:8

Իսկ եթե փուշ և տատասկ է տալիս, նա անպետք է և արժանի է անեծքի, և նրա վախճանը այրվելն է։