ԵՍԱՅԻ 21:1 - Նոր Էջմիածին Աստվածաշունչ

¹ Ծովափնյա անապատի տեսիլք։ Ինչպես անապատով անցնող մրրիկ, նա եկավ անապատային երկրից։

Նոր վերանայված Արարատ Աստվածաշունչ

¹ Ծովեզրի անապատի պատգամը։ Հարավից մոլեգնող մրրիկների նման նա գալիս է անապատից՝ սոսկալի մի երկրից։

ԵՍԱՅԻ 21:1 Խաչաձեւ Հղումներ

ՀՈԲ 37:9

Անապատից փչում է պտտահողմը, բարձրավանդակից՝ ցուրտը,

ԵՍԱՅԻ 13:1

Ամոզի որդի Եսայու տեսիլքը բաբելացիների մասին։

ԵՍԱՅԻ 13:13

Այն օրը, երբ Զորությունների Տիրոջ բարկությունը վրա հասնի, նրա զայրույթից ու ցասումից երկինքը պիտի մոլեգնի, և երկիրն իր հիմքերից պիտի սասանվի։

ԵՍԱՅԻ 14:1

Տերը գթալու է Հակոբին, Իսրայելին դարձյալ իր ընտրյալն է դարձնելու։ Նրանք հանգիստ են գտնելու իրենց երկրում, և պանդուխտներն ավելանալու են Հակոբի տանը։

ԵՍԱՅԻ 14:14

կբարձրանամ ամպերից էլ վեր, կնմանվեմ Բարձրյալին”։

ԵՍԱՅԻ 14:23

«Բաբելոնն ավերակ պիտի դարձնեմ, որ այնտեղ ոզնիները բնակվեն, և նա ոչնչության վերածվի. այն տիղմի խորխորատ պիտի դարձնեմ, որ կորչի»։

ԵՍԱՅԻ 17:1

Պատգամ Դամասկոսի մասին։ «Դամասկոսն ահավասիկ պիտի վերանա քաղաքների միջից, պիտի կործանվի,

ԵՍԱՅԻ 47:1

«Իջի՛ր ու նստի՛ր հողին, ո՛վ Բաբելոնի կույս օրիորդ, նստի՛ր գետնին, որովհետև աթոռ չկա, խավարի մե՛ջ մտիր, քաղդեացիների՛ դուստր, դու, որ այլևս չես շարունակելու քնքուշ ու փափկասուն կոչվել։

ԵՍԱՅԻ 5:28

Նրանց նետերը սուր են, աղեղները՝ լարված, նրանց երիվարների սմբակները կարծր ապառաժի նման են, մարտակառքերի անիվները՝ մրրիկի պես։

ԵՐԵՄԻԱ 51:1

Այսպես է ասում Տերը. «Ահա ես Բաբելոնի վրա և նրա բնակիչների վրա պիտի բերեմ զայրույթով լցված մի սիրտ, կործանարար հողմ ու խորշակ։

ԵՐԵՄԻԱ 51:42

Իր ալիքների գոչյունով ծովը բարձրացավ Բաբելոնի վրա, և նա ծածկվեց։

ԵՐԵՄԻԱ 51:51

Ամոթահար եղանք, որովհետև լսեցինք մեր նախատինքը, մեր անարգանքը ծածկեց մեր երեսը, այլազգիները Տիրոջ տուն՝ մեր սրբարան ներխուժեցին։

ԵԶԵԿԻԵԼ 1:4

ու տեսա, որ ահա մի հողմ բարձրացած գալիս էր հյուսիսից, մի մեծ ամպ էլ՝ նրա կողքից։ Շուրջը լույս էր և հուր էր փայլատակում նրանից։ Նրա մեջ սաթի տեսքով մի բան կար՝ ճառագայթներն էլ մեջը։

ԵԶԵԿԻԵԼ 30:11

և՛ իրեն, և՛ իր ազգն էլ՝ հետը։ Ազգերի միջից ամենից անգութներն են ուղարկվելու՝ երկիրը կործանելու, և իջեցնելու են իրենց սրերը Եգիպտոսի վրա. երկիրը լցվելու է խոցվածներով։

ԵԶԵԿԻԵԼ 31:12

նրան դուրս հանեցին, ազգերի միջից ելած օտար չարագործները նրան արմատախիլ արեցին և լեռների վրա տապալեցին։ Նրա ոստերն ընկան բոլոր ձորերը, նրա բունը կտոր-կտոր եղավ երկրի բոլոր դաշտերով մեկ, նրա հովանուց իջան բոլոր ազգերը և նրան գետնին հավասարեցրին։

ԵԶԵԿԻԵԼ 38:9

Ելնելու ես անձրևի պես, հասնելու ես ամպի պես ու ծածկելու ես երկիրը։ Պիտի լինես դու և բազում ազգերը, որ քո շուրջն են, քեզ հետ”։

ԶԱՔԱՐԻԱ 9:14

Տերը վերակացու կլինի նրանց, և կելնի նրա նետը փայլակի պես։ Տերը, Ամենակալ Տերը կփողահարի, և կընթանա իր սպառնալիքի շարժումով։