ԵՍԱՅԻ 13:1 - Նոր Էջմիածին Աստվածաշունչ

¹ Ամոզի որդի Եսայու տեսիլքը բաբելացիների մասին։

Նոր վերանայված Արարատ Աստվածաշունչ

¹ Բաբելոնի մասին պատգամը, որը հայտնվեց Ամոզի որդի Եսայուն։

ԵՍԱՅԻ 13:1 Խաչաձեւ Հղումներ

Դ ԹԱԳԱՎՈՐՆԵՐԻ 9:25

Հեուն ասաց իր զինակիր Բադեկարին. «Սրան գցի՛ր Նաբոթ Հեզրայելացու արտը, քանի որ հիշում եմ, որ երբ ես ու դու դրա հայր Աքաաբի հետևից ձի հեծած կողք կողքի գնում էինք, Տերը նրա նկատմամբ այս վճիռը տվեց.

ԵՍԱՅԻ 1:1

Ամոզի որդի Եսայու տեսիլքը Հուդայի և Երուսաղեմի վերաբերյալ, երբ Հուդայում թագավորում էին Ոզիան, Հովաթամը, Աքազը և Եզեկիան։

ԵՍԱՅԻ 13:19

Եվ Բաբելոնը, որ քաղդեացի թագավորի կողմից «փառապանծ» է կոչվում, պիտի դառնա այնպես, ինչպես Աստծու կողմից կործանված Սոդոմն ու Գոմորը։

ԵՍԱՅԻ 14:28

Այլազգիներին ուղղված այս պատգամը եղավ այն տարում, երբ մեռավ Աքազ արքան.

ԵՍԱՅԻ 15:1

Պատգամ մովաբացիների մասին. գիշերով պիտի կոտորվի մովաբացին, գիշերով պիտի կործանվի Մովաբի պարիսպը։

ԵՍԱՅԻ 17:1

Պատգամ Դամասկոսի մասին։ «Դամասկոսն ահավասիկ պիտի վերանա քաղաքների միջից, պիտի կործանվի,

ԵՍԱՅԻ 19:1

Ահավասիկ Տերը, բազմած թեթև ամպի վրա, գալու է Եգիպտոս. եգիպտացիների կուռքերը նրա ահից պիտի դողան, նրանց սրտերը պիտի հուսալքվեն։

ԵՍԱՅԻ 20:2

ահա այդ ժամանակ Տերը խոսեց Ամոզի որդի Եսայու հետ և ասաց. «Գնա՛ ու քուրձդ հանի՛ր քո մեջքից և հողաթափերդ արձակի՛ր քո ոտքերից»։ Այդպես էլ արեց՝ քայլելով մերկ ու բոկոտն։

ԵՍԱՅԻ 21:13

Պատգամ արաբացիների մասին։ Գիշերները կննջես անտառում՝ Դովդանիմի ճանապարհին։

ԵՍԱՅԻ 22:1

Պատգամ Սիոնի հովտի մասին։ Ի՞նչ եղար, ի՞նչ պատահեց քեզ, այժմ դուք բոլորդ ինչո՞ւ իզուր տանիք բարձրացաք։

ԵՍԱՅԻ 22:25

Այսպես է ասում Զորությունների Տերը. «Աներեր մարդը պիտի շարժվի իր հաստատուն տեղից, պիտի ընկնի ու կործանվի, և նրա փառքը պիտի վերանա նրանից»,- քանզի Տե՛րը խոսեց։

ԵՍԱՅԻ 43:14

Այսպես է ասում Տերը՝ Աստված, Իսրայելի Սուրբը, որ փրկելու է ձեզ. «Ձեզ համար Բաբելոն կուղարկեմ, բոլորին տեղահան կանեմ ու փախստական կդարձնեմ, և քաղդեացիները նավերով պաշարման մեջ կառնվեն։

ԵՐԵՄԻԱ 24:1

Տերն ինձ ցույց տվեց թզի երկու կողով, որոնք դրված էին Տիրոջ տաճարի առաջ այն բանից հետո, երբ բաբելացիների արքա Նաբուքոդոնոսորը Երուսաղեմից գերեց Հուդայի արքա Հովակիմի որդի Հեքոնիային, Հուդայի իշխաններին, արհեստավորներին, դարբիններին ու մեծամեծներին և նրանց տարավ Բաբելոն։

ԵՐԵՄԻԱ 28:8

Այն մարգարեները, որոնք ինձնից ու քեզնից առաջ միշտ էլ եղել են, բազում երկրների և մեծամեծ թագավորությունների համար մարգարեացել են պատերազմի, չարիքի ու մահվան մասին.

ԵՐԵՄԻԱ 50:1

Ահա այն խոսքը, որ Տերը Երեմիա մարգարեի միջոցով ասաց Բաբելոնի՝ քաղդեացիների երկրի մասին։

ԵՐԵՄԻԱ 51:51

Ամոթահար եղանք, որովհետև լսեցինք մեր նախատինքը, մեր անարգանքը ծածկեց մեր երեսը, այլազգիները Տիրոջ տուն՝ մեր սրբարան ներխուժեցին։

ԵԶԵԿԻԵԼ 12:10

Արդ, նրանց ասա՛. “Տերը՝ Աստված, այսպես է ասում Երուսաղեմի իշխաններին ու առաջնորդներին, Իսրայելի ամբողջ տանը, որ նրանց մեջ են բնակվում.

ՆԱՈՒՄ 1:1

Նինվեի տեսիլքը։ Նավում Եղկեսացու տեսիլքի գիրքը։

ԱՄԲԱԿՈՒՄ 1:1

Տեսիլք, որը տեսավ Ամբակում մարգարեն։

ԶԱՔԱՐԻԱ 12:1

Տիրոջ խոսքի հայտնությունն Իսրայելին։ Ասաց Տերը, որ տարածեց երկինքն ու գցեց երկրի հիմքերը և ստեղծում է մարդու հոգին նրա մեջ.

ԶԱՔԱՐԻԱ 9:1

Տիրոջ խոսքի հայտնությունը Սեդրաքի երկրում, և նրա զոհաբերությունը Դամասկոսի մեջ, քանի որ Տերը տեսնում է մարդկանց և Իսրայելի բոլոր ցեղերին.

ՄԱՂԱՔԻԱ 1:1

Տիրոջ խոսքի հայտնությունն Իսրայելին իր պատգամաբերի միջոցով։ Ձեր սրտերո՛ւմ դրեք։

Մատթեոս 1:11

Հովսիայից ծնվեցին Հեքոնիան և նրա եղբայրները՝ Բաբելոնյան գերության ժամանակ։

Հայտնություն 14:8

Մի երկրորդ հրեշտակ եկավ նրա հետևից ու ասաց. «Ընկա՜վ, ընկա՜վ մեծն Բաբելոնը, որն իր ցասումի ու պոռնկության գինով արբեցրեց բոլոր ազգերին»։