ԵՍԱՅԻ 1:1 - Նոր Էջմիածին Աստվածաշունչ

¹ Ամոզի որդի Եսայու տեսիլքը Հուդայի և Երուսաղեմի վերաբերյալ, երբ Հուդայում թագավորում էին Ոզիան, Հովաթամը, Աքազը և Եզեկիան։

Նոր վերանայված Արարատ Աստվածաշունչ

¹ Ամոզի որդի Եսայու տեսիլքը, որ նա տեսավ Հուդայի և Երուսաղեմի մասին Հուդայի թագավորների՝ Ոզիայի, Հովաթամի, Աքազի և Եզեկիայի օրերին։

ԵՍԱՅԻ 1:1 Խաչաձեւ Հղումներ

Բ ՄՆԱՑՈՐԴԱՑ 26:1

Հուդայի երկրի ամբողջ ժողովուրդը վերցրեց տասնվեցամյա Ոզիասին և թագավոր դարձրեց նրան իր հայր Ամասիայի փոխարեն։

Դ ԹԱԳԱՎՈՐՆԵՐԻ 18:1

Իսրայելի արքա Եղայի որդի Օվսեեի թագավորության երրորդ տարում թագավորեց Հուդայի Աքազ արքայի որդի Եզեկիան։

ԵՍԱՅԻ 7:1

Այնպես պատահեց, որ Հուդայի թագավոր Ոզիայի որդի Հովաթամի որդու՝ Աքազի օրոք Ասորիքի արքա Ռասիմը և Իսրայելի արքա Ռոմելայի որդի Փակեեն հարձակվեցին Երուսաղեմի վրա, որպեսզի պատերազմեն նրա դեմ, բայց չկարողացան պաշարել այն։

ԵՍԱՅԻ 6:1

Այն տարին, երբ մեռավ Ոզիա արքան, տեսա Տիրոջը, որ նստած էր բարձր ու վերամբարձ աթոռին, և տաճարը լի էր նրա փառքով։

ԵՍԱՅԻ 2:1

Պատգամ, որ ստացավ Ամոզի որդի Եսային Հուդայի և Երուսաղեմի մասին։

ԹՎԵՐ 24:16

որ լսել է Աստծու պատգամները և հմուտ է Բարձրյալի գիտությանը, քնի մեջ բաց աչքերով է տեսել Աստծու տեսիլը։

ԱՄՈՎՍ 1:1

Ամովսի պատգամները, որ եղան Թեկվայի Ակկարիմում, որոնք տեսավ Երուսաղեմի համար Հուդայի արքա Ոզիայի օրերին և Իսրայելի արքա Հովասի որդու՝ Հերոբովամի օրերին՝ երկրաշարժից երկու տարի առաջ, և ասաց.

ԵՐԵՄԻԱ 23:16

Այսպես է ասում Զորությունների Տերը. «Մի՛ լսեք այն մարգարեների խոսքերը, որ ձեզ համար մարգարեություն են անում. դրանք փուչ բաներ են ասում ձեզ, իրենց մտքի տեսիլքներից են խոսում և ոչ թե Տիրոջ բերանից։

ԵՍԱՅԻ 40:9

Ե՛լ այդ բարձր լեռան վրա, ո՛վ ավետաբեր Սիոնի, ո՛ւժ տուր քո ձայնին, ո՛վ ավետաբեր Երուսաղեմի, ո՛ւժ տուր, մի՛ վախեցիր և հայտնի՛ր Հուդայի քաղաքներին. «Ահավասիկ ձեր Աստվածը։

ԵՍԱՅԻ 21:2

Ինձ մի ահավոր և խիստ տեսիլք հայտնվեց։ Անարգողն անարգում է, անիրավը՝ անիրավություն գործում։ Ինձ վրա հարձակվեցին էլամացիները, ինձ վրա եկան պարսից պատգամավորները։ Հեծեծում եմ ու ինքս ինձ քաջալերում։

ԵՍԱՅԻ 13:1

Ամոզի որդի Եսայու տեսիլքը բաբելացիների մասին։

Դ ԹԱԳԱՎՈՐՆԵՐԻ 15:32

Իսրայելի թագավոր Ռոմելիայի որդի Փակեեի թագավորության երկրորդ տարում թագավորեց Հուդայի արքա Ոզիայի որդի Հովաթամը։

Դ ԹԱԳԱՎՈՐՆԵՐԻ 15:7

Ազարիան գնաց իր նախնիների գիրկը, և նրան թաղեցին Դավթի քաղաքում՝ իր նախնիների մոտ։ Նրա փոխարեն թագավորեց իր որդին՝ Հովաթամը։

Դ ԹԱԳԱՎՈՐՆԵՐԻ 15:1

Իսրայելի Հերոբովամ արքայի թագավորության քսանյոթերորդ տարում թագավորեց Հուդայի Ամասիա արքայի որդի Ազարիան։

Գործք Առաքելոց 26:19

Ուստի, ո՛վ Ագրիպպաս արքա, ես երկնային տեսիլքին անհնազանդ չգտնվեցի,

Գործք Առաքելոց 10:17

Մինչ Պետրոսը մտքում զարմացած էր, թե տեսած տեսիլքն ի՛նչ է, ահա Կոռնելիոսի ուղարկած մարդիկ հարցրին Սիմոնի տան մասին, կանգնեցին դռանը,

Մատթեոս 17:9

Մինչ լեռից իջնում էին, Հիսուսը նրանց պատվիրեց և ասաց. «Ոչ ոքի չասեք ձեր տեսածի մասին, մինչև որ Մարդու Որդին մեռելներից հարություն չառնի»։

ԱՄԲԱԿՈՒՄ 2:2

Տերն ինձ պատասխան տվեց և ասաց. «Այդ տեսիլքը հստակորեն գրի՛ր տախտակների վրա, որպեսզի ով կարդա, վստահ կարդա,

ՆԱՈՒՄ 1:1

Նինվեի տեսիլքը։ Նավում Եղկեսացու տեսիլքի գիրքը։

ՄԻՔԻԱ 1:1

Տիրոջ խոսքը, որ եղավ մորստացի Միքիային Հուդայի թագավորներ Հովաթամի, Աքազի և Եզեկիայի օրերին, որը տեսավ Սամարիայի և Երուսաղեմի համար։

ՈՎՍԵԵ 1:1

Տիրոջ խոսքը, որ եղավ Երիի որդի Ովսեեին Հուդայի թագավորներ Ոզիայի, Հովաթամի, Աքազի և Եզեկիայի օրերին և Իսրայելի թագավոր Հերոբովամի՝ Հովասի որդու ժամանակ։

ԹՎԵՐ 24:4

խոսում է ճշմարտատես այրը, որ քնի մեջ բաց աչքերով է տեսել Աստծու տեսիլը։

Բ Պետրոս 1:21

քանի որ ոչ մի մարգարեություն մարդկային կամքի համաձայն չի եղել, այլ ներշնչվելով Սուրբ Հոգուց՝ սուրբ մարդիկ արժանի եղան Աստծու կողմից խոսելու։

Բ Կորնթացիներին 12:1

Արդ, ես պիտի պարծենամ, թեև անօգուտ է։ Սակայն կպատմեմ ձեզ Տիրոջ տեսիլքների և հայտնությունների մասին։

ԹՎԵՐ 12:6

Տերն ասաց նրանց. «Լսե՛ք իմ խոսքերը. եթե ձեզանից որևէ մեկը Տիրոջ մարգարե դառնա, ես տեսիլքով կերևամ նրան և երազի մեջ կխոսեմ նրա հետ։

Դ ԹԱԳԱՎՈՐՆԵՐԻ 15:13

Հաբիսի որդի Սեղղումը թագավորեց Հուդայի երկրի արքա Ազարիայի թագավորության երեսունութերորդ տարում։ Սեղղումը Սամարիայում թագավորեց մեկ ամիս։

Դ ԹԱԳԱՎՈՐՆԵՐԻ 19:2

Նա Եղիակիմ հազարապետին, Սոմնաս դպրապետին և քահանաներից ծերերին քուրձ հագած ուղարկեց Ամովսի որդի Եսայի մարգարեի մոտ,

Բ ՄՆԱՑՈՐԴԱՑ 26:22

Ոզիասի մնացյալ գործերը՝ սկզբից մինչև վերջինը, գրի է առել Ամովսի որդի Եսայի մարգարեն։

Բ ՄՆԱՑՈՐԴԱՑ 27:1

Հովաթամը քսանհինգ տարեկան էր, երբ թագավոր դարձավ, և տասնվեց տարի թագավորեց Երուսաղեմում։ Նրա մայրը Սադովկի դուստրն էր, անունը Հերուա։

Բ ՄՆԱՑՈՐԴԱՑ 28:1

Երբ Աքազը թագավոր դարձավ, քսան տարեկան էր։ Նա տասնվեց տարի թագավորեց Երուսաղեմում։ Նա իր նախահայր Դավթի նման ուղիղ ընթացք չունեցավ Տիրոջ առաջ։

Բ ՄՆԱՑՈՐԴԱՑ 29:33

Նվիրաբերված զվարակները վեց հարյուր էին, ոչխարները՝ երեք հազար։

ԵՍԱՅԻ 20:2

ահա այդ ժամանակ Տերը խոսեց Ամոզի որդի Եսայու հետ և ասաց. «Գնա՛ ու քուրձդ հանի՛ր քո մեջքից և հողաթափերդ արձակի՛ր քո ոտքերից»։ Այդպես էլ արեց՝ քայլելով մերկ ու բոկոտն։

ԵՍԱՅԻ 37:2

Այնուհետև տնտես Եղիակիմին, գրագիր Սոմնասին և երեց քահանաներին, որոնք քուրձ էին հագել, ուղարկեց Ամովսի որդու՝ Եսայի մարգարեի մոտ,

ԵՍԱՅԻ 38:1

Այն ժամանակ Եզեկիան մահացու հիվանդացավ. Ամոզի որդի Եսային եկավ նրա մոտ ու ասաց. «Այսպես է ասում Տերը. “Պատվե՛ր տուր տանդ համար, որովհետև մեռնելու ես, չես ապրելու”»։

ԵԶԵԿԻԵԼ 1:1

Երեսուներորդ տարում՝ չորրորդ ամսին, ամսվա հինգերորդ օրը, երբ ես Քոբար գետի ափին գերեվարվածների մեջ էի, երկինքը բացվեց, և ես տեսա Աստծուց տրված մի տեսիլք։

ԱՄՈՎՍ 4:5

Ընթերցում էին Օրենքը դրսում և կանչում էին խոստովանությունների. հայտարարե՛ք, թե սա սիրեցին Իսրայելի որդիները»,- ասում է Տերը։