ԵԼՔ 23:30 - Նոր Էջմիածին Աստվածաշունչ

³⁰ Կամաց-կամաց պիտի հեռացնեմ նրանց քեզնից, մինչև որ բազմանաս ու ժառանգես երկիրը։

Նոր վերանայված Արարատ Աստվածաշունչ

³⁰ Նրանց կամաց-կամաց պիտի քշեմ քո առջևից, մինչև որ դու բազմանաս և ժառանգես երկիրը։

ԵԼՔ 23:30 Խաչաձեւ Հղումներ

Բ ՕՐԵՆՔ 7:22

Եվ Տերը՝ քո Աստվածը, աստիճանաբար կվերացնի այդ ազգերին քո առջևից։ Դու չպետք է նրանց միանգամից կոտորես, որպեսզի երկիրն ամայի չդառնա, և անապատի գազանները չբազմանան քո շուրջը։

ՀԵՍՈՒ 13:6

Բոլոր լեռնաբնակներին, Լիբանանից մինչև Մասերեփթովթմայիմ և բոլոր սիդովնացիներին ես կկոտորեմ Իսրայելի որդիների առաջ։ Բայց դու դրանք որպես ժառանգություն բաժանի՛ր Իսրայելին, ինչպես որ քեզ պատվիրեցի»։

ՀԵՍՈՒ 23:4

Արդ, տեսե՛ք, որպես ժառանգություն ըստ ձեր ցեղերի ձեզ թողեցի այս մնացած ազգերին, բոլոր ազգերին, որոնց ջարդեցի Հորդանան գետից մինչև Մեծ ծովը, դեպի արևմուտք։

ՀԵՍՈՒ 23:5

Արդ Տերը՝ մեր Աստվածն ինքը կկոտորի նրանց ձեր առաջ, մինչև ոչնչանան, նրանց դեմ վայրի գազաններ կուղարկի, մինչև ձեր առաջ բնաջնջի նրանց ու նրանց թագավորներին, և դուք ժառանգություն ստանաք նրանց երկիրը, ինչպես որ Տերը՝ մեր Աստվածը, ասել էր մեզ։

ՀԵՍՈՒ 23:9

Տերը ձեր առաջ կոտորեց նրանց՝ մեծամեծ և հզոր ազգերին, և ոչ ոք դեմ չկանգնեց ձեզ մինչև այսօր։