ԵԼՔ 14:28 - Նոր Էջմիածին Աստվածաշունչ

²⁸ և ջուրը հետ բերելով՝ ծածկեց կառքերը, հեծյալներին ու փարավոնի ամբողջ զորքը, որոնք ծովն էին մտել նրանց հետ։ Նրանցից ոչ ոք կենդանի չմնաց։

Նոր վերանայված Արարատ Աստվածաշունչ

²⁸ Ջրերը վերադարձան և ծածկեցին փարավոնի կառքերը, ձիավորներին ու բոլոր զորքերին, որոնք ծովն էին մտել իսրայելացիների ետևից։ Նրանցից մեկն էլ չմնաց։

ԵԼՔ 14:28 Խաչաձեւ Հղումներ

ԱՄԲԱԿՈՒՄ 3:13

Ելար քո ժողովրդի փրկության համար՝ քո օծյալներին փրկելու, մահ բերեցիր անօրենների գլխին. իսպառ սաստկացրիր կապանքները մինչև պարանոցները։ (Դադար)

Եբրայեցիներին 11:29

Հավատո՛վ անցան Կարմիր ծովով, որպես թե ցամաք երկիր լիներ, մինչ եգիպտացիները, նույնը փորձելով, խեղդվեցին։

ՆԵԵՄԻԱ 9:11

Կարմիր ծովը ճեղքեցիր նրանց առաջ, և ծովի միջով անցան ինչպես ցամաքով, իսկ նրանց հալածողներին քարերի նման ընկղմեցիր բազում ջրերի մեջ։

Բ ՄՆԱՑՈՐԴԱՑ 20:24

Հուդայի մարդիկ եկան անապատի դիտանոցը, նայեցին ու տեսան, որ բոլորն սպանված ու ընկած են գետնին. ոչ ոք չէր փրկվել։

Բ ՕՐԵՆՔ 11:4

Նաև այն, թե Տերն ի՛նչ բերեց եգիպտացիների զորքերի, նրանց կառքերի ու երիվարների գլխին, թե նրանց ինչպե՛ս ջրասույզ արեց Կարմիր ծովի մեջ, երբ սրանք հարձակվում էին մեր թիկունքից, և անհետացրեց նրանց հավիտյան։

ԵԼՔ 15:10

Քո հողմն առաքեցիր, և ծովը ծածկեց նրանց. կապարի պես սուզվեցին սաստկացած ջրերում։

ԵԼՔ 14:13

Եվ Մովսեսն ասաց ժողովրդին. «Քաջալերվե՛ք, պի՛նդ կացեք և կտեսնեք փրկությունը Տիրոջից, որ անելու է ձեզ համար այսօր, քանի որ այնպես, ինչպես այսօր կտեսնեք եգիպտացիներին, այլևս հավիտյանս չեք տեսնի։

ԵԼՔ 15:19

Երբ փարավոնի հեծելազորն իր կառքերով ու հեծյալներով մտավ ծովը, Տերը նրա վրա թափեց ծովի ջրերը, իսկ Իսրայելի որդիներն անցան ծովի միջով, ինչպես ցամաքով։

ԴԱՏԱՎՈՐՆԵՐ 4:16

Բարակը, կառքերն ու բանակը հետապնդելով, գնաց մինչև ազգերի անտառը։ Սիսարայի ամբողջ բանակն ընկավ սրի բերանով, և ոչ ոք չմնաց։

ԾՆՆԴՈՑ 7:18

Ջուրն ավելի էր բարձրանում ու տարածվում երկրի վրա, իսկ տապանը լողում էր ջրերի վրա։

ԾՆՆԴՈՑ 50:9

Նրա հետ գնացին նաև կառքերն ու հեծյալները և դարձան մի հսկա բանակ։

ՍԱՂՄՈՍՆԵՐ 106:22

Թող նրան օրհնության զոհ մատուցեն Եվ պատմեն նրա գործերը ցնծությամբ։