ԵԶՐԱՍ 8:18 - Նոր Էջմիածին Աստվածաշունչ

¹⁸ Եվ քանի որ Աստծու բարերար ձեռքը մեզ հետ էր, մեզ մոտ եկան Իսրայելի որդի Ղևիի որդիներից. առաջինը եկան նրա որդիները և եղբայրները՝ տասնութ հոգի,

Նոր վերանայված Արարատ Աստվածաշունչ

¹⁸ Եվ մեր Աստծու բարի ձեռքը մեզ վրա լինելու համար մեզ մոտ բերեցին Իսրայելի որդի Ղևիի որդի Մոողիի որդիներից մի հանճարեղ մարդու, այսինքն՝ Սարաբիային և նրա որդիներին ու նրա եղբայրներին՝ տասնութ մարդ.

ԵԶՐԱՍ 8:18 Խաչաձեւ Հղումներ

Ա ՄՆԱՑՈՐԴԱՑ 6:1

Ղևիի որդիները՝ Գեդսոն, Կահաթ և Մերարի։

Ա ՄՆԱՑՈՐԴԱՑ 6:19

Մերարիի որդիները՝ Մոողի և Մուսի։ Սրանք են Ղևիի տոհմերը՝ ըստ իրենց ընտանիքների.

Ա ՄՆԱՑՈՐԴԱՑ 6:4

Եղիազարը ծնեց Փենեեսին, Փենեեսը ծնեց Աբեսսուին,

Բ ՄՆԱՑՈՐԴԱՑ 30:22

Եզեկիան գովասանքի խոսքեր ասաց բոլոր ղևտացիներին և մյուս իմաստուններին, որոնց ծանոթ էր Տիրոջ բարի հանճարը։ Յոթ օր կատարեցին Բաղարջակերաց տոնը՝ փրկության զոհեր մատուցելով ու գոհաբանելով Տիրոջը՝ իրենց հայրերի Աստծուն։

ԵԶՐԱՍ 7:28

Եվ ինձ ողորմություն արեց և պատվեց թագավորի ու նրա խորհրդակիցների և թագավորի բոլոր իշխանների առաջ։ Եվ ես հզորացա, որովհետև Տիրոջ ձեռքը ողջ բարությամբ ինձ հետ էր. հավաքեցի Իսրայելի բոլոր իշխաններին, որ ինձ հետ վերադառնան։

ԵԶՐԱՍ 7:6

Այս Եզրասը, որ վերադարձավ Բաբելոնից, Տիրոջ՝ Իսրայելի Աստծու կողմից Մովսեսին տրված Օրենքի հմուտ գիտակ էր։ Թագավորը նրան տվեց այն ամենը, ինչ նա խնդրեց, որովհետև Աստծու ձեռքը նրա հետ էր։

ԵԶՐԱՍ 7:9

Եզրասը Երուսաղեմ հասավ հինգերորդ ամսվա ամսամուտին, որովհետև Տիրոջ ձեռքը բարությամբ նրանց հետ էր։

ԵԶՐԱՍ 8:16

Այն ժամանակ մարդ ուղարկեցի Եղիազարի, Արիելի, Սեմեայի, Առնաամի, Արիբի, Եղնաթանի, Նաթանի, Զաքարիայի, Մեսողաամի, Հովարիբի և Հեղմաթամի մոտ, որոնք իմաստուն մարդիկ էին,

ԵԶՐԱՍ 8:19

Ասեբիան և Մերարիի որդիներից Հեսեան, նրա եղբայրներն ու նրանց որդիները՝ քսան այր,

ԵԶՐԱՍ 8:22

քանի որ ամաչեցի թագավորից հեծյալներ խնդրել՝ ճանապարհին թշնամիներից մեզ փրկելու համար, որովհետև թագավորին ասել էի, թե մեր Տիրոջ ձեռքը բարությամբ օգնում է բոլոր նրանց, ովքեր փնտրում են նրան, իսկ նրա զորությունն ու բարկությունը նրանց դեմ է, ովքեր լքում են նրան։

ԵԶՐԱՍ 8:24

Ապա քահանաներից ընտրեցի տասներկու իշխաններ՝ Սարաբիային, Ասաբիային և նրանց տասը եղբայրներին.

ՆԵԵՄԻԱ 10:12

Միքան, Հռովբան, Սեբին,

ՆԵԵՄԻԱ 12:24

Ղևտացիների առաջնորդներն էին Ասաբիան, Սարաբիա, Հեսուն, Կադմիելի որդիները և նրա եղբայրները, որ կանգնում էին նրանց դիմաց՝ դաս առ դաս փոխնիփոխ օրհներգելու և սաղմոս ասելու, ինչպես հրամայել էր Աստծու մարդ Դավիթը։

ՆԵԵՄԻԱ 2:8

Մի թուղթ էլ՝ ուղղված Ասափին, որ արքունի անտառի պահապանն է, որ ինձ փայտ տա քաղաքի դարպասների և պարիսպի շինության և այն տան համար, ուր ես պիտի մտնեմ»։ Թագավորը տվեց, որովհետև իմ Աստծու ձեռքը բարությամբ էր վարվում ինձ հետ։

ՆԵԵՄԻԱ 8:7

Հեսուն, Բանեասն ու Սարաբիասը ժողովրդին բացատրում էին Օրենքը, իսկ ժողովուրդը կանգնած էր իր տեղում։

ԱՌԱԿՆԵՐ 24:3

Տունը շինվում է իմաստությամբ, և հաստատվում խոհեմությամբ,

ԱՌԱԿՆԵՐ 3:6

ճանաչի՛ր նրան քո բոլոր ճանապարհներին, որ նա ուղղի քո ճանապարհները և քո ոտքը չսայթաքի։

ԵՐԵՄԻԱ 3:15

Իմ սրտին հաճելի հովիվներ կտամ ձեզ. թող նրանք հովվեն ձեզ՝ հովվելով իմաստությամբ։

ԹՎԵՐ 3:20

Մերարիի որդիները, ըստ իրենց տոհմերի, սրանք են՝ Մոոլի և Մուսի։ Ղևտացիների գնդերը, ըստ իրենց տոհմերի, սրանք են.

Ա Կորնթացիներին 14:20

Եղբայրնե՛ր, երեխա մի՛ եղեք դատողություն անելիս, այլ երեխա՛ եղեք չարություն գործելիս, իսկ դատողություն անելիս չափահա՛ս եղեք։