ԵԶԵԿԻԵԼ 40:5 - Նոր Էջմիածին Աստվածաշունչ

⁵ Ահա տաճարի շուրջը պարիսպներ կային։ Մարդու ձեռքին կար մի չափաձող՝ վեց կանգուն ու մեկ թիզ երկարությամբ։ Պարսպի լայնությունը նա չափեց մեկ ձողի հավասար, բարձրությունն էլ՝ մեկ ձողի հավասար։

Նոր վերանայված Արարատ Աստվածաշունչ

⁵ Եվ ահա տաճարից դուրս չորս կողմից մի պատ կար, և այդ մարդու ձեռքին չափի եղեգը վեց կանգուն էր (մի կանգունը՝ մի ձեռքի լայնություն)։ Նա չափեց պատի հաստությունը՝ մեկ եղեգ, և նրա բարձրությունը՝ մեկ եղեգ։

ԵԶԵԿԻԵԼ 40:5 Խաչաձեւ Հղումներ

ԵԶԵԿԻԵԼ 42:20

Չափեց տաճարի չորս կողմերի և պարիսպների արանքը նույն չափով։ Տաճարը սրբավայրերից և պարիսպներից անջրպետելու համար թողեց մի արանք, որ հինգ հարյուր կանգուն էր դեպի արևելք և հինգ հարյուր կանգուն լայնություն ուներ։

ԵՍԱՅԻ 26:1

Այն օրը Հուդայի երկրում այս երգն են երգելու. «Ահա մեր զորավոր քաղաքը և մեր փրկությունը, որ կանգնելու է ինչպես պարիսպ ու պատվար։

Հայտնություն 21:12

Նրա պարիսպը մեծ էր ու բարձր, ուներ տասներկու դուռ, վրան՝ տասներկու հրեշտակներ, որոնցից յուրաքանչյուրի անունը գրված էր դռների վրա՝ ըստ Իսրայելի տասներկու ցեղերի անունների։

ԶԱՔԱՐԻԱ 2:5

Բարձրացրի իմ աչքերն ու տեսա ահա մի մարդ, և իր ձեռքին երկրաչափ լար ուներ։

ԵՍԱՅԻ 60:18

Քո երկրում անիրավության մասին այլևս չի լսվելու և ոչ էլ քո սահմաններում՝ կոտորածի ու թշվառության մասին. քո պարիսպները փրկություն են անվանվելու, և քո դռները՝ ցնծություն։

ՍԱՂՄՈՍՆԵՐ 125:2

Այնժամ մեր բերանները լցվեցին խնդությամբ, Եվ լեզուները մեր՝ ցնծությամբ։ Այնժամ ասացին հեթանոսների մեջ. «Տերը մեծ բաներ գործեց նրանց համար»։

Բ ՕՐԵՆՔ 3:11

Ռափայիններից մնաց միայն Բասանի թագավոր Օվգը։ Նրա երկաթե մահճակալը [𝕸 սարկոֆագը]՝ ինը կանգուն երկարությամբ, և չորս կանգուն լայնությամբ, ըստ սովորական կանգունաչափի, այժմ գտնվում է Ամովնի որդիների ամրոցում»։

ԵԶԵԿԻԵԼ 41:8

Տեսա նաև տան ձեղունի բարձրությունը. բոլորաձև մի անջրպետ կար, ձողին հավասար, որը վեց կանգուն էր։

ԵԶԵԿԻԵԼ 43:13

Զոհասեղանի չափն այս է. մի կանգուն բարձրությունը, մի կանգուն ու չորս մատ՝ խորությունը, մի կանգուն՝ լայնությունը, մի թիզ՝ եզրերի շուրջ գտնվող պսակը։ Այս է զոհասեղանի բարձրությունը.

ԵԶԵԿԻԵԼ 42:15

Այսպես ավարտվեց տաճարի ներսի չափումը։ Նա հանեց ինձ արևելք նայող դռնով, չափեց տաճարի հատակագիծը շուրջանակի՝ ըստ շինվածքի։