ԵԶԵԿԻԵԼ 30:25 - Նոր Էջմիածին Աստվածաշունչ

²⁵ Զորացնելու եմ բաբելացիների արքայի բազուկները, իսկ փարավոնի բազուկները թուլանալու են։ Եվ կիմանան, որ ես եմ Տերը, երբ սուրս տամ բաբելացիների արքայի ձեռքը և նրան դուրս բերեմ եգիպտացիների երկրի վրա։

Նոր վերանայված Արարատ Աստվածաշունչ

²⁵ Պիտի զորացնեմ Բաբելոնի թագավորի բազուկները, իսկ փարավոնի բազուկները պիտի ընկնեն։ Եվ պիտի իմանան, որ ես եմ Տերը, երբ իմ սուրը կտամ Բաբելոնի թագավորի ձեռքը, և նա այն կմեկնի Եգիպտոսի երկրի վրա,

ԵԶԵԿԻԵԼ 30:25 Խաչաձեւ Հղումներ

ԵԶԵԿԻԵԼ 38:23

Այսպես եմ ես ցույց տալու իմ մեծությունը, սրբանալու եմ, փառավորվելու ու ճանաչվելու ազգերի առաջ։ Եվ կիմանան, որ ես եմ Տերը”»։

ԵԶԵԿԻԵԼ 38:16

Դու վեր ես կենալու իմ ժողովրդի՝ Իսրայելի դեմ՝ իբրև ամպ, որ ծածկում է երկիրը։ Դա լինելու է վերջին ժամանակներում. ես քեզ բերելու եմ իմ երկիրը, որպեսզի բոլոր ազգերն ինձ ճանաչեն, երբ սրբանամ քո մեջ, նրանց առաջ, ո՛վ Գովգ”»։

ԵԶԵԿԻԵԼ 32:15

“Երբ Եգիպտոսը կործանման մատնեմ, երկիրն էլ ամբողջովին ավերվելու է։ Երբ այնտեղից ցրիվ տամ բոլոր բնակիչներին, կիմանան, որ ես եմ Տերը՝ Աստված։

ԵԶԵԿԻԵԼ 30:26

Եգիպտացիներին ցրիվ եմ տալու ազգերի մեջ, սփռելու եմ նրանց երկրներով մեկ։ Եվ բոլոր եգիպտացիները կիմանան, որ ես եմ Տերը»։

ԵԶԵԿԻԵԼ 30:19

Եվ իմ դատաստանն եմ անելու Եգիպտոսում։ Եվ կիմանան, որ ես եմ Տերը”»։

ԵԶԵԿԻԵԼ 29:21

«Այդ օրն Իսրայելի ողջ տան համար եղջյուր է վեր բարձրանալու, և բաց եմ անելու քո բերանը՝ նրանց մեջ խոսելու։ Եվ կիմանան, որ ես եմ Տերը»։

ԵԶԵԿԻԵԼ 29:16

Իսրայելի տան համար այլևս ապավեն չեն լինելու, որ անօրենություն է հիշեցնելու նրանց սրտի ուզածով գնալիս։ Եվ կիմանան, որ ես եմ Ամենակալ Տերը»։

ՍԱՂՄՈՍՆԵՐ 9:16

Հեթանոսներն ընկղմվեցին իրենց գործած ապականության մեջ, Եվ թակարդը, որ լարեցին, կբռնի նրանց ոտքը։

ՀԵՍՈՒ 8:18

Եվ Տերը Հեսուին ասաց. «Ձեռքիդ գայիսոնը մեկնի՛ր դեպի քաղաքը, որովհետև քո ձեռքն եմ մատնել այն, և դարանակալները թող շտապ դուրս գան իրենց տեղից»։ Հեսուն իր ձեռքում եղած գայիսոնը մեկնեց դեպի քաղաքը։

Ա ՄՆԱՑՈՐԴԱՑ 21:16

Դավիթն աչքերը բարձրացրեց ու տեսավ Տիրոջ հրեշտակին, որ կանգնած էր երկնքի ու երկրի միջև և ձեռքի մերկացրած սուրը մեկնել էր Երուսաղեմի վրա։ Դավիթն ու ծերունիները, քուրձ հագած, երեսնիվայր գետնին ընկան։

ԵՍԱՅԻ 5:25

Եվ սաստկացավ Զորությունների Տիրոջ զայրույթն իր ժողովրդի դեմ։ Նա ձեռքը ձգեց նրանց վրա և ոչնչացրեց նրանց։ Բարկացավ լեռների վրա, և նրանց դիակները՝ իբրև աղբ, թափվեցին ճանապարհին։ Բայց այս բոլորով հանդերձ՝ նրա բարկությունը չիջավ. տակավին նրա ձեռքը մնում է բարձրացած։

ԵԶԵԿԻԵԼ 30:24

Իսկ բաբելացիների արքայի բազուկները զորացնելու եմ, իմ սուրն էլ նրա ձեռքն եմ տալու։ Եվ նա այն քաշելու է եգիպտացիների երկրի վրա, նրան ավարի է ենթարկելու, նրան կողոպտելու է։