ԵԶԵԿԻԵԼ 3:26 - Նոր Էջմիածին Աստվածաշունչ

²⁶ Լեզուդ էլ կապելու եմ քո քիմքին, ու համր ես լինելու։ Դու նրանց համար իբրև հանդիմանող մի մարդ չես լինելու, որովհետև նրանք դառնացնող ժողովուրդ են։

Նոր վերանայված Արարատ Աստվածաշունչ

²⁶ Եվ ես քո լեզուն քիմքիդ եմ կպցնելու, որ դու համրանաս, ու նրանց համար հանդիմանող մարդ չես լինի, որովհետև նրանք ապստամբների տուն են։

ԵԶԵԿԻԵԼ 3:26 Խաչաձեւ Հղումներ

ԵԶԵԿԻԵԼ 24:27

Այն օրը փրկվածի առջև բացվելու է բերանդ. խոսելու ես, այլևս համր չես մնալու և նրանց համար նշան ես լինելու։ Եվ կիմանան, որ ես եմ Տերը”»։

ՍԱՂՄՈՍՆԵՐ 137:6

Քանզի բարձր է Տերը, Տեսնում է խոնարհներին, Հպարտներին՝ հեռվից ճանաչում։

ԱՄՈՎՍ 5:10

Ատեցին հանդիմանողներին դռների առաջ և սուրբ խոսքերը պղծեցին։

ՈՎՍԵԵ 4:17

Եփրեմը հաղորդ դարձավ կուռքերին, իր անձին գայթակղություն բերեց։

ԵՐԵՄԻԱՅԻ ՈՂԲԵՐԸ 2:9

Նրա դռները տապալեցին, խորտակեցին նրա նիգերը։ Նրանց թագավորներն ու իշխանները հեթանոսների մեջ էին. օրենք ու մարգարեներ չկային, չկային և նրանք, ովքեր տեսիլքներ էին տեսնում Տիրոջ կողմից։

ԵՐԵՄԻԱ 1:17

Դու էլ գոտեպնդվի՛ր, գնա՛ և ասա՛ նրանց այն ամենը, ինչ որ պատվիրելու եմ քեզ։ Չերկնչես նրանցից և չվախենաս նրանց առաջ, քանզի ես քեզ հետ եմ՝ քեզ փրկելու համար,- ասում է Տերը։

ԵՍԱՅԻ 1:2

Լսի՛ր, երկի՛նք, և ակա՛նջ դիր, երկի՛ր, քանզի Տերը խոսեց. «Զավակներ ունեցա և մեծացրի, իսկ նրանք ինձ անարգեցին։

ԵԶԵԿԻԵԼ 33:22

Երեկոյան՝ մինչև նրա գալը, Տիրոջ ձեռքն ինձ վրա էր. նա բաց արեց բերանս նախքան առավոտյան նրա՝ ինձ մոտ գալը։ Երբ բերանս բացեցի, այլևս չէի կարող լուռ մնալ։

ՈՎՍԵԵ 4:4

Արդ, թող ոչ ոք ո՛չ դատի, ո՛չ էլ հանդիմանի. իմ ժողովուրդը, սակայն, հակառակող քահանայի է նման»։

ԵԶԵԿԻԵԼ 12:2

«Մարդո՛ւ որդի, դու բնակվում ես նրանց անօրենությունների մեջ, ովքեր աչքեր ունեն տեսնելու, բայց չեն տեսնում, ականջներ ունեն լսելու, բայց չեն լսում, քանի որ դառնացնող ժողովուրդ են։

ԵԶԵԿԻԵԼ 12:3

Դո՛ւ էլ, մարդո՛ւ որդի, քեզ գերության հանդերձա՛նք պատրաստիր, ցերեկը նրանց աչքի առաջ գերությա՛ն գնա, քո տեղից ուրիշ տե՛ղ տարագրվիր նրանց աչքի առաջ, որպեսզի տեսնեն, քանի որ նրանք դառնացնող ժողովուրդ են։