ԵԶԵԿԻԵԼ 27:13 - Նոր Էջմիածին Աստվածաշունչ

¹³ Հույներն ու նրանց շուրջը գտնվող ժողովուրդներն են քեզ հետ ստրուկների առևտրով զբաղվել, պղնձե անոթներ են քո շուկաները մատակարարել։

Նոր վերանայված Արարատ Աստվածաշունչ

¹³ Հավանը, Թոբելը և Մոսոքը քեզ հետ վաճառականություն էին անում. նրանք քեզ հետ մարդկանց և պղնձե անոթների առևտուր էին անում։

ԵԶԵԿԻԵԼ 27:13 Խաչաձեւ Հղումներ

ԾՆՆԴՈՑ 10:2

Հաբեթի որդիներն են Գամերը, Մագովգը, Մադան, Հավանը, Ելիսան, Թոբելը, Մոսոքը և Թիրասը։

ԵՍԱՅԻ 66:19

Նրանց վրա նշան պիտի թողնեմ։ Նրանց միջից փրկվածներին պիտի ուղարկեմ ազգերի մեջ՝ դեպի Թարսիս ու Փուդ, դեպի Լուդ, Մոսոք և Թոբել, դեպի Հելլադա և հեռավոր կղզիները, որոնք չեն լսել իմ անունը և ոչ էլ իմ փառքն են տեսել. նրանք պիտի պատմեն իմ փառքն ու իմ անունը ազգերի մեջ։

Հայտնություն 18:13

կինամոն, ամեն տեսակ խունկ և անուշահոտ յուղ, կնդրուկ, գինի, ձեթ, ազնիվ ալյուր և ցորեն, և ամեն ունեցվածք՝ արջառ ու ոչխար, երիվարներ ու կառքեր, մարդկային մարմիններ և հոգիներ։

ԵԶԵԿԻԵԼ 39:1

«Եվ դու, մարդո՛ւ որդի, մարգարեացի՛ր Գովգի վերաբերյալ ու ասա՛. “Տերը՝ Աստված, այսպես է ասում. ահա ես քո դեմ եմ, Գո՛վգ, իշխա՛ն Ռոսմեսոքի ու Թոբելի։

Ա ՄՆԱՑՈՐԴԱՑ 1:5

Հաբեթի որդիները՝ Գամեր, Մագովգ, Մադայի, Հովիդան, Եղիսան, Թոբել, Մոսոք և Թիրաս։

ՀՈՎԵԼ 3:3

Նշաններ ցույց կտամ վերևում՝ երկնքում, և նշաններ ներքևում՝ երկրի վրա. արյուն, հուր և ծխե մրրիկ։

ԵԶԵԿԻԵԼ 32:26

Այնտեղ դրվեցին Մոսոքն ու Թոբելը ու նրանց ամբողջ զորքը՝ նրանց գերեզմանի շուրջ, նրա բոլոր խոցվածները, նրա՝ սրից ընկած բոլոր անթլփատ խոցվածները, ովքեր իրենց սարսափն էին տարածել ողջերի երկրի վրա։

ԵԶԵԿԻԵԼ 27:19

Դանը և Հավանը Մեոզենից են գինի մատակարարել քեզ՝ քո շուկաներին, Ասեղից են մատակարարել կռածո երկաթ, պատրաստի անիվներ՝ քո շուկաներին։

Ա ՄՆԱՑՈՐԴԱՑ 1:7

Հովիդանի որդիները՝ Ելիսա և Թարսիս, կիտացիները և հռոդացիները։

ԾՆՆԴՈՑ 10:4

Հավանի որդիներն են Ելիսան ու Թարսիսը, կիտացիներն ու ռոդացիները։

ՍԱՂՄՈՍՆԵՐ 120:5

Տերը կպահպանի քեզ, Եվ Տերը կընդունի քեզ իր աջ ձեռքով։

ԵԶԵԿԻԵԼ 27:12

Կարկեդոնացիներն են քեզ հետ առևտուր արել քո մեծաքանակ հարստության համար. արծաթն ու ոսկին, պղինձն ու երկաթը, անագն ու կապարը նրանք են քո շուկաները մատակարարել։