ԵԶԵԿԻԵԼ 20:35 - Նոր Էջմիածին Աստվածաշունչ

³⁵ Ձեզ ազգերի անապատն եմ բերելու, ձեզ հետ երես առ երես դատի եմ նստելու,

Նոր վերանայված Արարատ Աստվածաշունչ

³⁵ Եվ ձեզ ժողովուրդների անապատը պիտի տանեմ և այնտեղ երես առ երես դատ անեմ ձեզ հետ։

ԵԶԵԿԻԵԼ 20:35 Խաչաձեւ Հղումներ

ՈՎՍԵԵ 2:14

Կոչնչացնեմ նրա այգիներն ու թզենիները, որոնց համար մի անգամ ասաց՝ «Իմ վարձն են սրանք, որ ինձ տվել են իմ հոմանիները». կդնեմ դրանք որպես վկայություն, և դրանք կուտեն անապատի գազանները, երկնքի թռչուններն ու երկրի սողունները։

ԵԶԵԿԻԵԼ 20:36

ինչպես որ այն անապատում դատի նստեցի ձեր հայրերի հետ, երբ նրանց եգիպտացիների երկրից դուրս հանեցի։ Այդպես եմ դատելու ձեզ,- ասում է Տերը՝ Ամենակալ Աստված։

ԵԶԵԿԻԵԼ 19:13

Եվ ուրեմն այն տնկեցին անապատում, անջրդի հողի մեջ։

ԵԶԵԿԻԵԼ 17:20

Նրա վրա իմ ուռկանն եմ նետելու. նա ընկնելու է իմ պաշարման մեջ։ Նրան Բաբելոն եմ բերելու և այնտեղ էլ նրա հետ դատաստան եմ տեսնելու այն անիրավությունների համար, որ գործել է իմ նկատմամբ։

ԵՐԵՄԻԱ 2:35

Դու ասացիր. “Անմեղ եմ, թող նրա բարկությունն ինձնից հեռանա”։ Ահավասիկ ես դատաստան եմ տեսնելու քեզ հետ, որովհետև դու ասացիր՝ չմեղանչեցի։

Հայտնություն 12:14

Եվ կնոջը տրվեց մեծ արծվի երկու թև, որպեսզի թռչի անապատ, իր տեղը, որտեղ կկերակրվի որոշ ժամանակաշրջան, մի ժամանակաշրջան և մի կես ժամանակաշրջան, հեռու օձից։

ՄԻՔԻԱ 4:10

Երկնի՛ր, զորացի՛ր և մոտեցի՛ր, Սիոնի՛ դուստր, ինչպես ծննդկան, որովհետև հիմա պիտի ելնես քաղաքից, և քեզ կբնակեցնեմ դաշտում. կհասնես մինչև Բաբելոն, և Տերը՝ քո Աստվածը, այնտեղից կփրկի քեզ և այնտեղից կազատի քեզ քո թշնամիների ձեռքից։

ՈՎՍԵԵ 4:1

Լսե՛ք Տիրոջ խոսքը, ո՛վ Իսրայելի որդիներ. «Տիրոջ դատաստանը երկրի բնակիչների հետ է, քանի որ չկա ճշմարտություն նրանց մեջ, ո՛չ էլ ողորմություն և Աստծու գիտություն երկրի վրա։

ԵԶԵԿԻԵԼ 38:22

Նրան դատաստան եմ տեսնելու արյունով ու ժանտախտով, անձրևների հեղեղներով ու քարե կարկուտով. հուր ու ծծումբ եմ տեղալու նրա ու բոլոր նրանց վրա, որ նրա հետ կլինեն, բազմաթիվ ազգերի վրա, որ կլինեն նրա հետ։

ԵԶԵԿԻԵԼ 38:8

Թող պատրաստվի, որ բազում օրեր հետո, երբ գա ժամանակների վախճանը, հասնի սրից ապահով երկիրը՝ շատ ազգերից հավաքվելով Իսրայելի երկրում, որ ամբողջովին ավերակ է դարձել։ Նույն ազգերից հավաքվելով՝ բոլորն էլ խաղաղությամբ են ապրելու։

ԵՐԵՄԻԱ 25:31

թե ոչնչացումը վրա հասավ երկրից, քանի որ Տերն ազգերի մեջ դատաստան պիտի տեսնի, պիտի դատի ամեն մարդու, և ամբարիշտները սրի են մատնվելու”»,- ասում է Տերը։

ԵՐԵՄԻԱ 2:9

«Դրա համար էլ դեռ պիտի դատեմ ձեզ,- ասում է Տերը,- պիտի դատեմ նաև ձեր որդիների որդիներին։

Ա ԹԱԳԱՎՈՐՆԵՐԻ 12:7

Արդ, առա՛ջ եկեք, որ ես ձեզ դատեմ Տիրոջ առաջ և պատմեմ ձեզ այն բոլոր բարերարությունները, որ Տերն արել է ձեզ ու ձեր հայրերին։

ԵՍԱՅԻ 3:14

Տերն ինքն է իր ժողովրդի ծերերի և նրանց իշխանների հետ դատի նստելու. «Դուք ինչո՞ւ հրկիզեցիք իմ այգին. տնանկից հափշտակվածը ձեր տներում է։

ԵՐԵՄԻԱ 31:2

Այսպես է ասում Տերը. «Այնտեղ՝ անապատում, նրանք հանդիպեցին տապի և սուսերով սպանվողների»։ Հեռացե՛ք, մի՛ բնաջնջեք Իսրայելը։

ՈՎՍԵԵ 2:16

«Դրա համար ես ահա կմոլորեցնեմ նրան ու կտանեմ անապատ և կխոսեմ նրա սրտին։