ԵԶԵԿԻԵԼ 10:17 - Նոր Էջմիածին Աստվածաշունչ

¹⁷ Երբ քերովբեները կանգ էին առնում, անիվներն էլ կանգ էին առնում, իսկ երբ քերովբեները վեր էին բարձրանում, անիվներն էլ նրանց հետ վեր էին բարձրանում, որովհետև նրանց մեջ կենդանի հոգի կար։

Նոր վերանայված Արարատ Աստվածաշունչ

¹⁷ Երբ քերովբեները կանգնում էին, անիվներն էլ կանգնում էին, և նրանց բարձրանալու ժամանակ վերանում էին նրանց հետ, որովհետև կենդանի էակի հոգին կար նրանց մեջ։

ԵԶԵԿԻԵԼ 10:17 Խաչաձեւ Հղումներ

ԾՆՆԴՈՑ 2:7

Եվ Տերը՝ Աստված, մարդուն ստեղծեց երկրի հողից, նրա դեմքին կյանքի շունչ փչեց, և մարդը եղավ ապրող էակ։

ԵԶԵԿԻԵԼ 1:12

Եվ յուրաքանչյուրն իր դեմքի ուղղությամբ էր գնում. դեպի ո՛ր կողմը հողմն էր փչում, նրանք այն կողմն էլ գնում էին և գնալիս հետ չէին դառնում։

ԵԶԵԿԻԵԼ 1:5

Դրա մեջ չորս կենդանի էակների կերպարանքներ կային։ Եվ այս էր նրանց տեսքը. նրանք մարդկային կերպարանք ունեին։

ԵԶԵԿԻԵԼ 10:16

Երբ քերովբեները գնում էին, անիվներն էլ ընթանում էին նրանց հետևից, իսկ երբ քերովբեներն իրենց թևերն էին վեր պարզում՝ երկրից վեր բարձրանալու համար, անիվները հետ չէին դառնում, որովհետև նրանց հետ էին։

ԵԶԵԿԻԵԼ 3:13

Տեսա, որ դա ձայնն էր միմյանց հետ սավառնող կենդանի էակների թևերի, ձայնը նրանց հետ պտտվող անիվների և ձայնը դղրդոցի։

Հռոմեացիներին 8:2

որովհետև Հոգու օրենքը, որ Քրիստոս Հիսուսով կյանք է տալիս, ինձ ազատեց մեղքի ու մահվան օրենքից։

Հայտնություն 11:11

Երեքուկես օր հետո Աստծուց ուղարկված կենդանության հոգին մտավ նրանց մեջ, և նրանք ոտքի ելան. ահ ու մեծ երկյուղ ընկավ բոլոր նրանց տեսնողների վրա։