ԴԱՏԱՎՈՐՆԵՐ 20:18 - Նոր Էջմիածին Աստվածաշունչ

¹⁸ Վեր կացան ելան Բեթել, և Իսրայելի որդիները հարցրին Աստծուն ու ասացին. «Բենիամինի որդիների հետ պատերազմելու համար ո՞վ պիտի լինի մեր առաջնորդը»։ Տերն ասաց. «Հուդան թող լինի առաջնորդը»։

Նոր վերանայված Արարատ Աստվածաշունչ

¹⁸ Եվ վեր կացան գնացին Բեթել. և Իսրայելի որդիներն Աստծուն հարցրին ու ասացին. «Բենիամինի դեմ պատերազմելու համար մեզնից ո՞վ պիտի լինի առաջինը»։ Եվ Տերն ասաց. «Հուդան լինի առաջինը»։

ԴԱՏԱՎՈՐՆԵՐ 20:18 Խաչաձեւ Հղումներ

ԴԱՏԱՎՈՐՆԵՐ 20:23

Իսրայելի որդիները վեր կացան և մինչև երեկո լաց եղան Տիրոջ առաջ և Տիրոջը հարցրին ու ասացին. «Շարունակե՞նք պատերազմել մեր եղբոր՝ Բենիամինի դեմ»։ Տերն ասաց. «Դո՛ւրս եկեք նրանց վրա»։

ԹՎԵՐ 27:21

Եղիազար քահանան թող նրա համար Հայտնությամբ [𝕸 Ուրիմ] հարցում անի Տիրոջը։ Նրա խոսքով պիտի շարժվեն, և նրա խոսքերով պիտի գործեն բոլորը՝ Հեսուն և Իսրայելի բոլոր որդիները՝ ողջ ժողովուրդը»։

ՀՈՎԵԼ 1:14

Սրբագործե՛ք պահքը, աղո՛թքը քարոզեք, հավաքե՛ք ծերերին, երկրի բոլո՛ր բնակիչներ, ձեր Աստծու տանը և ամբողջ սրտով աղաղակե՛ք Տիրոջը։

ԴԱՏԱՎՈՐՆԵՐ 20:7

Ահա մենք ամենքս Իսրայելի որդիներ ենք, մեզ խո՛սք ասեք ու խորհո՛ւրդ տվեք»։

ԴԱՏԱՎՈՐՆԵՐ 19:18

Նա ասաց նրան. «Մենք Հուդայի Բեթղեհեմ քաղաքից գնում ենք մինչև Եփրեմի լեռան կողմերը, որովհետև ես այնտեղացի եմ։ Ես գնացել էի մինչև Հուդայի Բեթղեհեմ քաղաքը, իսկ հիմա իմ հոր տունն եմ գնում, և չկա մի մարդ, որ մեզ իր տանն ընդունի։

ԴԱՏԱՎՈՐՆԵՐ 18:31

Նրանք Միքայի շինած կուռքն իրենց համար պահեցին այնքան ժամանակ, որքան որ Աստծու տունը Սելովում էր։

ՀԵՍՈՒ 18:1

Իսրայելի ամբողջ ժողովուրդը հավաքվեց Սելովում, և այնտեղ կանգնեցրին Վկայության խորանը, քանի որ երկիրը նվաճվեց նրանց կողմից։

ՀԵՍՈՒ 9:14

Իսրայելի իշխանները վերցրին նրանց պաշարը, բայց Տիրոջը չհարցրին։

ԹՎԵՐ 27:5

Մովսեսը նրանց պահանջը ներկայացրեց Տիրոջ առաջ։

ԴԱՏԱՎՈՐՆԵՐ 20:17

Իսկ Իսրայելի որդիները, բացի Բենիամինի ցեղի որդիներից, չորս հարյուր հազար սուսերակիրներ էին, բոլորն էլ պատերազմող մարդիկ։

ԴԱՏԱՎՈՐՆԵՐ 20:19

Եվ Իսրայելի որդիներն առավոտյան վեր կացան, բանակեցին Գաբաայի մոտ։

Ա ԹԱԳԱՎՈՐՆԵՐԻ 10:3

Եվ երբ այնտեղից գնաս և հասնես Դեբովրայի կաղնու մոտ, այնտեղ երեք մարդու կհանդիպես, որոնք Աստծու մոտ են գնում՝ Բեթել։ Մեկը երեք ուլ է տանում, մյուսը՝ երեք աման հաց, իսկ երրորդը՝ մի տիկ գինի։