ԴԱՏԱՎՈՐՆԵՐ 19:3 - Նոր Էջմիածին Աստվածաշունչ

³ Մարդը վեր կացավ գնաց նրա հետևից, որ քաղցրությամբ խոսի, հաշտեցնի նրան իր հետ և նորից հետ բերի իր մոտ։ Նրա հետ էին իր ծառան և մի զույգ էշ։ Գնացին մինչև նրա հոր տունը։ Երբ աղջկա հայրը նրան տեսավ, նրան ընդառաջ ելավ։

Նոր վերանայված Արարատ Աստվածաշունչ

³ Նրա ամուսինը վեր կացավ գնաց նրա ետևից, որ քաղցրությամբ խոսի նրա հետ և նրան ետ բերի. նրա հետ էին իր ծառան և էլի երկու մարդ. և կինը նրան տարավ իր հոր տուն. երբ աղջկա հայրը տեսավ նրան, ուրախությամբ նրան դիմավորեց։

ԴԱՏԱՎՈՐՆԵՐ 19:3 Խաչաձեւ Հղումներ

ԾՆՆԴՈՑ 50:21

Եվ նրանց ասաց. «Մի՛ վախեցեք։ Ես կկերակրեմ ձեզ և ձեր ընտանիքները»։ Եվ մխիթարեց նրանց ու սփոփեց նրանց սրտերը։

ԾՆՆԴՈՑ 34:3

Ամբողջ հոգով կապվելով Հակոբի դուստր Դինային՝ սիրեց նրան և սրտագին խոսեց նրա հետ։

Գաղատացիներին 6:1

Եղբայրնե՛ր, եթե ձեզնից մեկը հանկարծ բռնվի ինչ-որ հանցանքի մեջ, դուք, որ հոգևոր անձեր եք, այդպիսի մեկին ուղղե՛ք հեզության ոգով. զգո՛ւյշ եղեք ձեր նկատմամբ, որպեսզի դուք էլ փորձության մեջ չընկնեք։

ՀՈՎՀԱՆՆԵՍ 8:11

Եվ սա ասաց. «Ո՛չ, Տե՛ր»։ Հիսուսն ասաց. «Ես էլ քեզ չեմ դատապարտում. գնա՛, այսուհետև մի՛ մեղանչիր»։

Մատթեոս 1:19

Հովսեփը՝ նրա ամուսինը, քանի որ արդար էր և չէր կամենում նրան խայտառակել, մտածեց լռելյայն արձակել նրան։

ՈՎՍԵԵ 2:14

Կոչնչացնեմ նրա այգիներն ու թզենիները, որոնց համար մի անգամ ասաց՝ «Իմ վարձն են սրանք, որ ինձ տվել են իմ հոմանիները». կդնեմ դրանք որպես վկայություն, և դրանք կուտեն անապատի գազանները, երկնքի թռչուններն ու երկրի սողունները։

ԵՐԵՄԻԱ 3:1

«Եթե մարդն արձակի իր կնոջը, և սա հեռանա նրանից ու ամուսնանա ուրիշ տղամարդու հետ, ապա նորից հետ գա նախկին մարդու մոտ, արդյոք այդ կինը ամբողջապես պղծված չի՞ լինի։ Իսկ դու պոռնկացար բազում հովիվների հետ և վերադարձար ինձ մոտ,- ասում է Տերը։-

ԴԱՏԱՎՈՐՆԵՐ 15:1

Օրեր հետո՝ ցորենի հնձի ժամանակ, Սամփսոնը, մի ուլ վերցնելով, այցելեց իր կնոջը՝ ասելով. «Մտնեմ սենյակ կնոջս մոտ»։ Բայց կնոջ հայրը չթողեց, որ նրա մոտ մտնի։

ԹՎԵՐ 22:22

Աստված խիստ բարկացավ, որ նա գնում է։ Աստծու հրեշտակը եկավ, կանգնեց նրա առաջ որպես հակառակորդ։ Բաղաամը նստել էր իր էշի վրա, և նրա հետ էին իր երկու ծառաները։

ՂԵՎՏԱԿԱՆ 20:10

Եթե մի տղամարդ շնանա ամուսնացած մի կնոջ հետ կամ իր հարևանի կնոջ հետ, մահապատժի թող ենթարկվեն և՛ շնացողը, և՛ շնացածը։

ՂԵՎՏԱԿԱՆ 19:17

Քո սրտում ատելություն չպահես եղբորդ նկատմամբ։ Հանդիմանի՛ր նրան սխալների համար, որպեսզի նրա պատճառով մեղքերի մեջ չընկնես։

ԴԱՏԱՎՈՐՆԵՐ 19:2

Հարճը նրանից խորշեց և գնաց իր հոր տունը՝ Հուդայի Բեթղեհեմ քաղաքը, և այնտեղ մնաց երեք ամիս։

ԴԱՏԱՎՈՐՆԵՐ 19:4

Նրա աները՝ աղջկա հայրը, ներս տարավ նրան, և նա նրա մոտ մնաց երեք օր։ Կերան, խմեցին և գիշերեցին այնտեղ։

ԴԱՏԱՎՈՐՆԵՐ 19:26

Առավոտյան կինը եկավ, ընկավ այն մարդու տան դռան շեմին, որտեղ իր տերն էր, և հոգին փչեց։

ՈՎՍԵԵ 2:16

«Դրա համար ես ահա կմոլորեցնեմ նրան ու կտանեմ անապատ և կխոսեմ նրա սրտին։