Դ ԹԱԳԱՎՈՐՆԵՐԻ 8:3 - Նոր Էջմիածին Աստվածաշունչ

³ Յոթ տարին լրանալուց հետո կինը վերադարձավ այլազգիների երկրից և իր տան ու արտերի համար բողոքի գնաց արքայի մոտ։

Նոր վերանայված Արարատ Աստվածաշունչ

³ Եվ յոթ տարի անցնելուց հետո այն կինը վերադարձավ փղշտացիների երկրից և գնաց իր տան ու իր արտի համար թագավորին բողոքելու։

Դ ԹԱԳԱՎՈՐՆԵՐԻ 8:3 Խաչաձեւ Հղումներ

Բ ԹԱԳԱՎՈՐՆԵՐԻ 14:4

Թեկուացի կինը մտավ արքայի մոտ, երեսնիվայր գետնին խոնարհվեց և ասաց. «Փրկի՛ր ինձ, արքա՛, փրկի՛ր»։

Դ ԹԱԳԱՎՈՐՆԵՐԻ 4:13

Եղիսեեն ասաց սպասավորին. «Ասա՛ նրան. “Ահա այս ամենը դու պատրաստել ես մեզ համար։ Ի՞նչ պետք է անել քեզ համար. գուցե արքայի կամ զորքի հրամանատարի մոտ պետք է բարեխոսե՞լ քո մասին”»։ Կինն ասաց. «Ես իմ ժողովրդի մեջ եմ բնակվում»։

Դ ԹԱԳԱՎՈՐՆԵՐԻ 6:26

Իսրայելի արքան շրջում էր պարսպի վրա։ Մի կին աղաղակելով ասաց նրան. «Փրկի՛ր ինձ, տե՜ր արքա»։

Դ ԹԱԳԱՎՈՐՆԵՐԻ 8:2

Կինը վեր կացավ և արեց այնպես, ինչպես Եղիսեեն էր ասել. ինքն ու տնեցիները գնացին և յոթ տարի պանդուխտ մնացին այլազգիների երկրում։

Դ ԹԱԳԱՎՈՐՆԵՐԻ 8:4

Թագավորը, խոսելով Աստծու մարդ Եղիսեեի սպասավոր Գեեզիի հետ, ասաց. «Պատմի՛ր ինձ Եղիսեեի կատարած բոլոր մեծամեծ գործերը»։

Դ ԹԱԳԱՎՈՐՆԵՐԻ 8:6

Արքան հարցեր տվեց կնոջը, և նա պատմեց նրան։ Թագավորը նրան մի ներքինի տվեց և ասաց. «Վերադարձրո՛ւ նրան նրա ամբողջ ունեցվածքը և արտերի այն ամբողջ բերքը, որ ստացվել է նրա պանդխտության առաջին օրից մինչև այսօր»։

ԵՐԵՄԻԱ 22:16

տնանկի իրավունքը չպահեցին և աղքատին չարդարացրին։ «Իսկ դա հենց ինձ չճանաչել չի՞ նշանակում»,- ասում է Տերը։

ՀՌՈՒԹ 1:7

Նա իր երկու հարսների հետ դուրս եկավ այն տեղից, որտեղ ապրում էր, և նրանք ճանապարհ ընկան՝ Հուդայի երկիր վերադառնալու համար։