Դ ԹԱԳԱՎՈՐՆԵՐԻ 22:2 - Նոր Էջմիածին Աստվածաշունչ

² Նա հավատարիմ գտնվեց Տիրոջ առջև, գնաց իր նախնի Դավթի ընթացած բոլոր ճանապարհներով, աջ կամ ձախ չխոտորվեց։

Նոր վերանայված Արարատ Աստվածաշունչ

² Նա ուղիղ ընթացավ Տիրոջ առաջ և գնաց իր հայր Դավթի բոլոր ճանապարհներով և աջ կամ ձախ չխոտորվեց։

Դ ԹԱԳԱՎՈՐՆԵՐԻ 22:2 Խաչաձեւ Հղումներ

ՀԵՍՈՒ 1:7

Արդ, զորացի՛ր և արիացիր մեծապես, որպեսզի պահես և կատարես այն բոլոր օրենքները, որ քեզ հաղորդեց Մովսեսը՝ իմ ծառան։ Դրանցից չշեղվես աջ կամ ձախ, որ խելամտորեն անես այն ամենը, ինչ որ պիտի անես։

Բ ՕՐԵՆՔ 5:32

Հետևե՛ք, որ դրանք գործադրեք այնպես, ինչպես պատվիրել է քեզ Տերը՝ քո Աստվածը։ Չշեղվեք ո՛չ աջ, ո՛չ ձախ։

Դ ԹԱԳԱՎՈՐՆԵՐԻ 18:3

Նա իր նախնի Դավթի նման ըստ ամենայնի ուղիղ ընթացավ Տիրոջ առջև։

Գ ԹԱԳԱՎՈՐՆԵՐԻ 3:6

Սողոմոնն ասաց. «Դու մեծ ողորմություն արեցիր իմ հայր Դավթին, և նա քո առջև ընթացավ ճշմարտությամբ, արդարությամբ ու սրտի մաքրությամբ, և դու պահեցիր նրա համար այս մեծ ողորմությունը. նրա որդուն նստեցրիր նրա գահին, ինչպես որ այսօր է։

ԱՌԱԿՆԵՐ 20:11

պիտի կործանվեն և՛ դրանք և՛ գործածողները. պիտի խափանվի նույն կերպ ընթացող մարդը։ Երիտասարդը երբ բարեպաշտ է, ուղիղ են նրա ճանապարհները։

ԱՌԱԿՆԵՐ 4:27

Մի՛ խոտորիր ո՛չ աջ, ո՛չ ձախ, չար ճանապարհից ոտքդ հեռացրո՛ւ։

Բ ՄՆԱՑՈՐԴԱՑ 29:2

Եզեկիան արեց այն, ինչ ուղիղ էր Տիրոջ առաջ, ինչպես որ իր նախահայր Դավիթն էր արել։

Դ ԹԱԳԱՎՈՐՆԵՐԻ 16:2

Աքազը քսան տարեկան էր, երբ թագավորեց, և տասնվեց տարի իշխեց Երուսաղեմում։ Նա հավատարիմ չգտնվեց Տիրոջ՝ Աստծու առջև, ինչպես հավատարիմ էր եղել իր նախնի Դավիթը,

Գ ԹԱԳԱՎՈՐՆԵՐԻ 11:38

Եվ եթե պահես այն ամենը, ինչ քեզ պատվիրելու եմ, ընթանաս իմ ճանապարհով ու գործես այն, ինչ հաճելի է ինձ, հետևես իմ պատվիրաններին ու հրամաններին, ինչպես արեց իմ ծառա Դավիթը, ապա կլինեմ քեզ հետ և քեզ համար հաստատուն տուն կշինեմ, ինչպես Դավթի համար շինեցի,

Բ ՄՆԱՑՈՐԴԱՑ 17:3

Տերը Հովսափատի հետ էր, քանզի նա ընթացավ իր հոր այն ճանապարհներով, որ նա որդեգրել էր իր իշխանության սկզբում. կուռքեր չպաշտեց,

Գ ԹԱԳԱՎՈՐՆԵՐԻ 15:5

քանի որ Դավիթն իր ամբողջ կյանքի ընթացքում ուղիղ էր ընթացել Տիրոջ առջև, չէր շեղվել այն ուղուց, որ պատվիրել էր իրեն, բացի քետացի Ուրիայի հետ կատարված դեպքից։

Բ ՄՆԱՑՈՐԴԱՑ 31:20

Եզեկիան այսպես արեց ամբողջ Հուդայում. նա արեց այն, ինչ բարի և ուղիղ էր Տիրոջ՝ իր Աստծու առաջ։

Բ ՄՆԱՑՈՐԴԱՑ 34:1

Հովսիան ութ տարեկան էր, երբ թագավոր դարձավ, և երեսունմեկ տարի թագավորեց Երուսաղեմում։

ՍՈՓՈՆԻԱ 1:1

Խոսքը, որ եղավ Եզեկիայի որդու՝ Ամարիայի որդու՝ Գողգողիայի որդու՝ Քուսիի որդուն՝ Սոփոնիային, Հուդայի արքայի՝ Ամովնի որդու՝ Հովսիայի օրերում։

Գ ԹԱԳԱՎՈՐՆԵՐԻ 15:11

Ասան իր նախնի Դավթի նման ուղիղ ընթացք ունեցավ Տիրոջ առջև,

Դ ԹԱԳԱՎՈՐՆԵՐԻ 12:3

Հովասն արդար գտնվեց Տիրոջ առջև այնքան ժամանակ, որ Հովիդայեն դաստիարակում էր նրան։

Դ ԹԱԳԱՎՈՐՆԵՐԻ 14:3

Ամասիան արդար գտնվեց Տիրոջ առջև, բայց ոչ իր նախնի Դավթի նման։ Ըստ ամենայնի նա արեց այն, ինչ իր հայր Հովասն էր արել,