Դ ԹԱԳԱՎՈՐՆԵՐԻ 21:24 - Նոր Էջմիածին Աստվածաշունչ

²⁴ Բայց ժողովուրդը կոտորեց Ամովն արքային սպանողներին և նրա փոխարեն թագավոր նստեցրեց նրա որդուն՝ Հովսիային։

Նոր վերանայված Արարատ Աստվածաշունչ

²⁴ Բայց երկրի ժողովուրդը ջարդեց Ամոն թագավորին բոլոր դավաճանողներին և երկրի ժողովուրդը նրա որդի Հովսիային թագավոր դարձրեց նրա փոխարեն։

Դ ԹԱԳԱՎՈՐՆԵՐԻ 21:24 Խաչաձեւ Հղումներ

Բ ԹԱԳԱՎՈՐՆԵՐԻ 5:3

Իսրայելի բոլոր ծերերը եկան Քեբրոն՝ արքայի մոտ, և Դավիթ արքան նրանց հետ ուխտ դրեց Քեբրոնում՝ Տիրոջ առջև։ Նրանք Դավթին թագավոր օծեցին ամբողջ Իսրայելի վրա։

Գ ԹԱԳԱՎՈՐՆԵՐԻ 12:1

Ռոբովամ արքան գնաց Սյուքեմ, որովհետև ողջ Իսրայելը եկել էր Սյուքեմ՝ նրան թագավոր հռչակելու։

Գ ԹԱԳԱՎՈՐՆԵՐԻ 12:20

Երբ ողջ Իսրայելը լսեց, որ Հերոբովամը վերադարձել է, մարդ ուղարկեցին, կանչեցին նրան ու թագավոր օծեցին Իսրայելի վրա։ Ոչ ոք չհարեց Դավթի տանը, բացի Հուդայի ու Բենիամինի ցեղերից։

Դ ԹԱԳԱՎՈՐՆԵՐԻ 11:17

Հովիդայեն Տիրոջ և արքայի, ինչպես և արքայի ու ժողովրդի միջև ուխտ դրեց, որ իրենք կլինեն Տիրոջ ժողովուրդը։

Դ ԹԱԳԱՎՈՐՆԵՐԻ 14:21

Հուդայի ամբողջ ժողովուրդը վերցրեց տասնվեցամյա Ազարիային և թագավոր նստեցրեց նրա հայր Ամասիայի փոխարեն։

Դ ԹԱԳԱՎՈՐՆԵՐԻ 14:5

Երբ թագավորությունն իր ձեռքն անցավ, նա սպանեց իր այն պալատական պաշտոնյաներին, որոնք սպանել էին իր հորը,

Դ ԹԱԳԱՎՈՐՆԵՐԻ 21:25

Ամովնի մնացած գործերը նկարագրված են Հուդայի թագավորների ժամանակագրության մեջ։

Դ ԹԱԳԱՎՈՐՆԵՐԻ 22:1

Հովսիան ութ տարեկան էր, երբ թագավոր դարձավ, և երեսունմեկ տարի թագավորեց Երուսաղեմում։ Նրա մոր անունը Հեդիդա էր, նա բասուրովթացի Հեդիդայի դուստրն էր։

Բ ՄՆԱՑՈՐԴԱՑ 22:1

Երուսաղեմի բնակիչները Հովրամի փոխարեն գահ բարձրացրին նրա ամենակրտսեր որդուն՝ Օքոզիային, քանի որ նրա բոլոր ավագ եղբայրներին սպանել էին նրանց վրա հարձակված գնդերը, որոնք արաբների և ալիմազոնացիների մոտ էին ապաստանել։ Եվ թագավոր դարձավ Հուդայի արքա Հովրամի որդի Օքոզիան։

Բ ՄՆԱՑՈՐԴԱՑ 26:1

Հուդայի երկրի ամբողջ ժողովուրդը վերցրեց տասնվեցամյա Ոզիասին և թագավոր դարձրեց նրան իր հայր Ամասիայի փոխարեն։

Բ ՄՆԱՑՈՐԴԱՑ 33:25

Իսկ երկրի ժողովուրդը սպանեց նրանց, որոնք հարձակվել էին թագավորի վրա։ Երկրի ժողովուրդը նրա փոխարեն գահ բարձրացրեց նրա որդուն՝ Հովսիային։

ԵՐԵՄԻԱ 1:2

Տերը նրա հետ խոսեց Հուդայի արքա Ամովնի որդի Հովսիայի օրոք՝ նրա թագավորության տասներեքերորդ տարում,

Ա ԹԱԳԱՎՈՐՆԵՐԻ 11:15

Ամբողջ ժողովուրդը գնաց Գաղգաղա և այնտեղ՝ Գաղգաղայում, Տիրոջ առջև, Սամուելը Սավուղին թագավոր օծեց։ Խաղաղության զոհեր մատուցեցին Տիրոջ առաջ, և Սամուելն ու ամբողջ ժողովուրդը շատ ուրախացան։