Դ ԹԱԳԱՎՈՐՆԵՐԻ 18:37 - Նոր Էջմիածին Աստվածաշունչ

³⁷ Քեղկիայի որդի Եղիակիմ հազարապետը, Սոմնաս դպրապետը և Ասափի որդի ժամանակագիր Հովաքը հանդերձները պատառոտելով եկան Եզեկիայի մոտ ու նրան հաղորդեցին Ռափսակի ասածները։

Նոր վերանայված Արարատ Աստվածաշունչ

³⁷ Եվ Քեղկեայի որդի Եղիակիմը՝ պալատի հազարապետը, Սեբնա ատենադպիրը և Ասափի որդի Հովաքը՝ դիվանադպիրը, հանդերձները պատռելով, գնացին Եզեկիայի մոտ և Ռաբսակի խոսքերը հայտնեցին նրան։

Դ ԹԱԳԱՎՈՐՆԵՐԻ 18:37 Խաչաձեւ Հղումներ

Մատթեոս 26:65

Այդ ժամանակ քահանայապետը պատռեց իր հանդերձներն ու ասաց. «Հայհոյեց, էլ ի՞նչ պետք ունենք վկաների. ահա հիմա լսեցիք նրա հայհոյանքը։

ԵՐԵՄԻԱ 36:24

Թագավորն ու նրա բոլոր պաշտոնյաները, որ լսեցին այդ բոլոր խոսքերը, չաղաչեցին Տիրոջը և չպատառոտեցին իրենց պատմուճանները։

ԵՍԱՅԻ 33:7

Ահավասիկ նրանք սարսափում են ձեր ահից. ումից որ վախենում էիք, իրե՛նք են ձեզնից վախենում. պատգամաբերներ են ուղարկում, որպեսզի դառնորեն լաց լինելով՝ խաղաղություն աղերսեն։

ՀՈԲ 1:20

Հոբը, լսելով այս, վեր կացավ, պատառոտեց իր հագուստները, խուզեց իր գլխի մազերը և գետնին ընկնելով՝ երկրպագեց Տիրոջն ու ասաց.

Դ ԹԱԳԱՎՈՐՆԵՐԻ 22:19

քանի որ քո սիրտը փափկեց, դու խոնարհ գտնվեցիր Տիրոջ առջև, երբ լսեցիր, թե ի՛նչ է ասվել Երուսաղեմի և նրա բնակիչների մասին, թե լինելու է ավերածություն ու անեծք, և պատառոտեցիր քո հանդերձները, լաց եղար իմ առջև, իսկ ես լսեցի այդ,- ասում է Տերը,-

Դ ԹԱԳԱՎՈՐՆԵՐԻ 22:11

Երբ արքան լսեց Օրենքի գրքի խոսքերը, իր հանդերձները պատառոտեց։

Դ ԹԱԳԱՎՈՐՆԵՐԻ 18:26

Քեղկիայի որդի Եղիակիմը, Սոմնասն ու Ասափի որդի Հովաքն ասացին Ռափսակին. «Մեզ՝ քո ծառաների հետ ասորերե՛ն խոսիր, որովհետև մենք հասկանում ենք այդ լեզուն, պարսպի վրա կանգնած ժողովրդի ներկայությամբ եբրայերեն մի՛ խոսիր»։

Դ ԹԱԳԱՎՈՐՆԵՐԻ 6:30

Երբ արքան կնոջ այս խոսքերը լսեց, պատառոտեց իր հագուստները, և քանի որ նա դեռ շրջում էր պարսպի վրա, ժողովուրդը տեսավ, որ նա իր հագուստի տակից մարմնի վրա քուրձ էր հագել։

Դ ԹԱԳԱՎՈՐՆԵՐԻ 5:7

Երբ Իսրայելի արքան ընթերցեց նամակը, իր հագուստները պատառոտելով՝ ասաց. «Մի՞թե ես Աստված եմ, որ սպանեմ կամ կենդանացնեմ. ինձ մոտ մարդ է ուղարկել բորոտությունից բուժելու համար։ Իմացե՛ք և տեսե՛ք, որ սա պատրվակ է»։

ԾՆՆԴՈՑ 37:34

Եվ պատառոտեց իր հագուստները, քուրձ կապեց իր մեջքին և շատ օրեր սուգ պահեց իր որդու համար։

ԾՆՆԴՈՑ 37:29

Երբ Ռուբենը եկավ դեպի գուբը և Հովսեփին այնտեղ չգտավ, պատառոտեց իր հագուստները,

Բ ԹԱԳԱՎՈՐՆԵՐԻ 8:16

Շարուհիի որդի Հովաբը զորքի հրամանատարն էր, Աքիի որդի Հովսափատը դիվանապետ էր,

Դ ԹԱԳԱՎՈՐՆԵՐԻ 18:18

կանչեցին Եզեկիային։ Նրանց մոտ եկան Քեղկիայի որդի Եղիակիմը՝ թագավորական տան վերակացուն, Սոմնաս դպրապետը և Ասափի որդի Հովաքը, որ հիշատակելի դեպքերն արձանագրողն էր։

Դ ԹԱԳԱՎՈՐՆԵՐԻ 18:36

Մարդիկ լռեցին և պատասխան չտվեցին, որովհետև արքան հրաման էր տվել՝ «Նրան մի՛ պատասխանեք»։

Դ ԹԱԳԱՎՈՐՆԵՐԻ 19:1

Երբ Եզեկիա արքան լսեց այս, պատառոտեց իր հանդերձները, քուրձ հագավ ու մտավ Տիրոջ տունը։

Բ ՄՆԱՑՈՐԴԱՑ 32:1

Այս բաներից և հավատարմության գործերից հետո Ասորեստանի արքա Սենեքերիմը հարձակվեց Հուդայի վրա և բանակատեղի դրեց պարսպապատ քաղաքների շուրջը։ Նա ասում էր, որ կգրավի դրանք։

ԵԶՐԱՍ 9:3

Երբ ես լսեցի այս խոսքերը, պատռեցի իմ հագուստները, փետեցի իմ մազերն ու մորուքը և նստեցի սգավոր։

ԵՍԱՅԻ 22:20

Այն օրը պիտի կանչեմ իմ ծառա Եղիակիմին՝ Քեղկիայի որդուն,